AMAKURU

UKWEZI
ubumwe

Drone yaje kudufasha kugabanya umubare w’amaraso yangirikaga - Dr Condo

Drone yaje kudufasha kugabanya umubare w’amaraso yangirikaga - Dr Condo
11-06-2019 saa 18:38' | By Muhizi Olivier | Yasomwe n'abantu 988 | Ibitekerezo

Drone zatangiye gukwirakwiza amaraso mu Rwanda mu mwaka wa 2016 zagabanyije umubare w’amaraso yangirikaga ndetse n’umwanya byafataga ngo amaraso agere ku bigo nderabuzima bitandukanye mu gihugu .

Tariki 14 Kamena 2019 n’umunsi isi yose yizihiza umunsi mpuzamahanga w’abantu batanga amaraso ku rwego rw’isi uyu mwaka uyu munsi uzihirizwa mu Rwanda kuri uyu wa Gatanu .

Mubyo u Rwanda ruzaba rwishimira rwagezeho harimo uburyo amaraso akwirakwizwa hirya no hino mu gihugu ,uburyo abikwa ndetse no kuba ruri mu bihugu bifite abaturage batanga amaraso nta kiguzi bategereje .

Umuyobozi w’ikigo cy’igihugu cy’Ubuzima RBC, Dr Jeanine U Condo aganira n’itangazamakuru yagize ati "Ubu mu Rwanda turi mu bihugu bike bifite abantu batanga amaraso ku buntu ibindi bihugu bifite ibibazo kubona abaturage batanga amaraso ku buntu ,mu bihugu 54 bya Afurika 14 gusa nibyo bifite abaturage batanga amaraso ku buntu".

Yakomeje avuga ko kuri uyu munsi mpuzamahanga bazanashimira abantu bagerageje gutanga amaraso inshuro nyinshi barimo inzego z’umutekano ,abanyeshuri n’abaganga .

Dr Jeanine Condo asobanurira abanyamakuru uko u Rwanda rwiteguye umunsi mpuzamahanga wo gutanga amaraso

Dr Jeanine U Condo yasobanuye ko mu myaka itatu ishize drone zitangiye gukoreshwa mu Rwanda zagabanyije ingano y’ amaraso yangirikaga.

Yagize ati "Mbere ya 2016 tutaratangira gukoresha drone impuzandengo y’igihe ibitaro byasabiraga amaraso n’igihe yabagereragaho yaragabanutse kuko byavuye ku masaha ane bigera ku minota 20 mu gihugu hose ,ikindi drone zadufashije n’ukugabanya umubare w’amaraso yangirikiraga ku bigo nderabuzima kuko amaraso iyo arengeje iminsi 42 aba yamaze kwangirika habagaho ikibazo rero abaganga bagasaba amaraso menshi arenza ya minsi akangirika"

Dr Janine U Condo avuga ko Drone zatumye igihe umurwayi yamaraga ategereje amaraso kigabanuka

Iri gabanuka ry’igihe ibitaro byasabiraga amaraso n’igihe byayaboneraga byatumye hari abantu benshi bafashwa mu buryo bworoheje urugero nk’abagore babyara ariko bagakomeza kuva biraborohera guhita babona amaraso ,abarwayi ba malariya nabo batinda kwivuza bakenera amaraso ubu bayabona mu buryo bwihuse .

Kuva drone zatangira muri 2016 kugeza ubu zimaze gukora ingendo 11000 zikwirakwiza amaraso zimaze gutwara udushashi 19 500 mu gihugu hose .

Uyu munsi mpuzamahanga ugiye kongera kwizihirizwa muri Afurika kunshuro ya kabiri nyuma y’imyaka 14 kuko byaherukaga kubera muri Afurika y’Epfo muri 2005 ishami ry’umuryango mpuzamahanga ryita ku buzima OMS niryo ritoranya igihugu kizawakira U Rwanda rwatoranyijwe bigendeye ku mubare munini w’abantu batanga amaraso ku buntu ari benshi .

Ikiganiro cyitabiriwe n’abanyamakuru bibitangazamakuru bitandukanye bikorera mu Rwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...