AMAKURU

UKWEZI
cheno 2020

Dore impinduka 10 ziba k’ubuzima bw’umuntu iyo ariye avoka

Dore impinduka 10 ziba k’ubuzima bw’umuntu iyo ariye avoka
16-05-2020 saa 14:02' | By Nsanzimana Ernest | Yasomwe n'abantu 4897 | Ibitekerezo 2

Avoka ni rumwe mu mbuto zifitiye umubiri akamaro ariko usanga abenshi barwirengagiza, akayirwa bya mbuze uko ngira cyangwa akayirya kugira ngo ahage gusa cyangwa akayirya kuko iryoshye ariko atitaye ku nyungu ifitiye umubiri.Impamvu zikwiye gutuma umuntu arya avoka bitewe n’icyo imariye umubiri.

Avoka kandi uretse gufasha mu kurinda indwara n’izindi nyungu zitandukanye, iri no mu biribwa bigira uburyohe bunogera benshi iyo iherekeje amafunguro mu buryo butandukanye ishobora gutegurwamo, cyangwa ikarishwa umugati.

1.Kurya avoka birinda ubuhumyi

Avoka yifitemo vitamine nyinshi zigera kuri 20, hamwe n’icyitwa carotenoid lutein gisangwa mu biribwa nka karoti, imboga, n’imbuto zindi zitandukanye. Ibyo bikaba bifasha mu bijyanye no kurinda indwara z’ubuhumyi.

2. Kurya avoka birinda inzara

Avoka kandi uwayifunguye ntasonzagurika cyangwa ngo yumve abuze imbaraga mu mubiri; ku muntu udafite ibifungurwa byinshi, kwifashisha avoka ni ingenzi cyane nka hano mu Rwanda zikibasha kuboneka henshi ku giciro kigereranije, kuko igogorwa (digestion) rikorwa gahoro gahoro kandi neza kubera icyitwa Oleic acid yifitemo.

3.Kurya avoka bituma ubyara umwana udafite ikibazo

Avoka ishobora gufasha kurinda umwana ukiri mu nda iyo nyina agiye ayifata ku buryo buboneye mu gihe atwite. Ku babyeyi baba bavuka mu miryango ikunda kugira indwara zikomoka ku kugira ibiro byinshi, kunywa itabi, gufata ibyo kurya birimo avoka ni ingenzi kuko avoka yigiramo vitamine yitwa folate ifasha mu kurinda umwana kuvukana inenge.

4.Kurya avoka birinda umuntu kurwara umutima

Avoka ishobora kugabanya bifatika amavuta mabi yitwa cholesterol atera kwirundanya kw’ibinure mu mitsi no ku mutima, bimwe mu bintu by’ibanze bishobora gutera indwara y’umutima.

5.Kugabanya umuvuduko w’amaraso

Avoka ikungahaye kuri Beta-Sitosterol ifite inshingano zo kugabanya umuvuduko w’amaraso,nkuko ubushashatsi bubyerekana ngo umuntu urya avoka byibura iminsi 7 aba afite 17% byo kugabanuka k’umuvuduko w’amaraso atembera.

6.Kurya avoka biringaniza isukari mu maraso

The monounsarated fats yo muri avoka ifasha umuntu gushyira ku gipimo nyacyo isukari yo mu maraso,kuko isukari nyinshi yo mu maraso ntabwo ari nziza ku buzima bw’ikiremwa muntu. Iyo isukari ibaye nyinshi mu maraso bitera diabete no kunanirwa gukora kw’impyiko n’umutima.

7.Kurya avoka bikurinda kurwara Cancer

Oleic Acid, ni acide iba muri Avoka ifasha umuntu kurwanya kwandura indwara ya Cancer

8.Kurya avoka birwanya umwuka mubi uturuka mu kanwa

Avoka ni kimwe mu bintu karemano byoza mu kanwa ndetse n’impumeko itari nziza,iyo umuntu arya avoka ntabwo ahumeka umwuka unuka.

9.Kurya avoka bituma ugira uruhu rwiza

Amavuta y’avoka akoreshwa mu mavuta atandukanye yo kwisiga kuko ikungaha ku biribwa by’uruhu ndetse uruhu rugasa neza kandi aya mavuta yo muri avoka arinda uruhu irwara z’ibyuririzi.

10. Bifasha ushaka kongera umubyibuho

Avoka ifite Calories 200 z’ingana n’amagarama 100 mu gutera umubyibuho mu gihe izindi mbuto ziba zifite hagati ya 60 na 80 za calori zihita zingana n’amagarama 100,Ku mubare munini waza Calories,Avoka niyo ya mbere ku muntu ushaka kubyibuha.


INKURU ZA :
Tanga Igitekerezo
Ibitekerezo 2
sauveur Kuya 26-05-2020

turabashimir kumakur mutugezah

Uwamahoro cyprien Kuya 17-05-2020

Zigomba kubungabugwa kuko zirimo umuti.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...