AMAKURU

UKWEZI
ubumwe

Agahinda k’ababyeyi ba Ishimwe Esther, umwana wagonzwe n’imodoka avuye gusenga - VIDEO

Agahinda k’ababyeyi ba Ishimwe Esther, umwana wagonzwe n’imodoka avuye gusenga - VIDEO
13-08-2019 saa 09:48' | By Chief Editor | Yasomwe n'abantu 5806 | Ibitekerezo 1

Ishimwe Esther ni umukobwa w’imyaka 9, akaba imfura we na musaza we bavutse ari impanga, mu muryango w’abana bane, abahungu babiri n’abakobwa babiri. Uyu mwana wakuze akunda ishuri no gusenga, ubu amaze igihe ubuzima bwe butifashe neza ndetse ababyeyi be bagaragaza agahinda kenshi batewe n’ibyabaye ku mwana wabo, wagonzwe n’imodoka avuye ku ishuri agahitira mu masengesho yifuzaga ko yamufasha gutsinda neza ibizamini.

Nyina wa Ishimwe Esther avuga ko uyu mukobwa wabo yagonzwe n’imodoka mu mwaka wa 2018, akajyanwa kwa muganga bazi ko atazanabaho ariko ku bw’igitangaza cy’Imana akaza kuva muri koma akongera guhumeka neza. Gusa byamusigiye ubumuga bwaba ubugaragara inyuma ndetse n’ubujyanye n’imikorere y’ubwonko bwe.

Ishimwe Esther ubu ntabasha kuvuga, agendera mu kagare ndetse ingingo ze nyinshi zarangiritse. Iyo muganira n’ubwo atabasha kuvuga neza ngo wumve, aba akumwenyurira nk’ikimenyetso cy’ubugwaneza n’urukundo bikimugaragaramo, dore ko umuryango we unashimangira ko yari umwana ususurutsa abandi, agakunda gutembera mu baturanyi abwira ababyeyi be ko aba yagiye kubasengera.

Papa wa Esther, n’agahinda kenshi avuga ko we yavutse ari muzima akaza kugira uburwayi bw’iseru n’imbasa bwatumye akurana ubumuga bw’ingingo, akaba yumva yifuza ko umukobwa we atazakurira mu gahinda n’intimba nk’ibyo se yakuriyemo.

Ubu uyu muryango uri mu rugamba rukomeye rwo gushaka uko bazamujyana kumuvuza mu Buhinde aho bizeye ubuvuzi bwisumbuyeho bwazatuma umwana wabo yongera gusubirana ubuzima buzira umuze. Basaba buri wese ufite umutima w’impuhwe kubagoboka no kubafasha uko ashoboye ngo barebe ko bazabona ubuvuzi bw’uyu mwana w’umukobwa.

REBA VIDEO Y’IKIGANIRO TWAGIRANYE HANO:

Umuryango wa Esther utuye i Kabuga mu murenge wa Rusororo, uciye ku muhanda wo ku cyicaro gikuru cya FPR, urenze gato ishuri rya Riviera High School. Uwashaka kubasura cyangwa kugira ubundi bufasha abaha, yahamagara nyina kuri 0788899107 cyangwa agahamagara Se kuri 0788523534.


INKURU ZA :
Tanga Igitekerezo
Ibitekerezo 1
MUHIRE.Antoni Kuya 17-08-2019

Turashima urwanda rwacu kuba bagiye guca marariya bakoresha indege

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...