konka coffee
KONKA

AMAKURU

UKWEZI

Nyagatare: Aborozi ngo aho kuraza amatungo hanze nibo bararayo

Nyagatare: Aborozi ngo aho kuraza amatungo hanze nibo bararayo
9-01-2019 saa 12:02' | | Yasomwe n'abantu 614 | Ibitekerezo

Abaturage boroye amatungo magufi mu murenge wa Katabagemu baravugako bararana nayo mu nzu ndetse ngo kubera ikibazo cy’ ubujura buri muri aka gace bakwemera bakarara hanze aribo aho kurazayo amatungo yabo arimo ihene n’ intama.

Aba baturage babitangarije UKWEZI aho banagaragaje ingero za bagenzi babo baraje amatungo hanze bugacya yibwe. Aya matungo bavuga ko bayaraza mu nzu mu gitondo bakayasohora akirirwa hanze bakongera kuyinjiza bugorobye.

NIRAGIRE Vestine utuye mu mudugudu wa Kibuye mu kagari ka Bayigaburire yagize ati "Nkubwize ukuri sinaraza ihene zanjye hanze pe, ubwo se kuzirazayo bugacya bazibye kandi arizo nakeshaga byose naba ntekereza iki? Nzishyira muri salon nanjye n’ umugabo n’ abana tukajya mu cyumba".

NYIRANSENGIYUMVA Clementine utuye muri uyu mudugudu we yavuze ko yakwemera akarara hanze ari we ho kugira araze amatungo ye hanze.

Yagize ati "Ubuse nk’iyi hene n’iyi ntama nibyo bandagije ngo mbone ako gafumbire bazananziturire, hanyuma nziraze hanze mbyuke bazibye ubwo se naba ntekereza? Oya pe nukwemera nkararana nazo”.

Umunyamabanga Nshingwabikorwa w’ Umurenge wa Katabagemu Kubwa Ruboneka Sylivain yemeye Ukwezi ko kurarana n’amatungo bihari ariko anavuga ko bafashe ingamba ngo bihagarare.

Yagize ati "Ibyo birahari mu mirenge myinshi yo muri ibi bice byo kurarana n’ amatungo kubera ubujura gusa biri kugenda bicika kubera ingamba twafashe zo gukaza umutekano, ubu twashyizeho irondo ry’umwuga muri buri mudugudu dufitemo abantu 4 bacunga umutekano, ubu tugeze kuri 80% mu gucunga umutekano w’ ibintu biri hanze dusigaje kugirana amasezerano n’ ababa baraye irondo kugirango icyabura baraye irondo bajye bakiryozwa, hari na gahunda yo kororera mu bikumba rusange tugendeye ku masibo no mu midugudu yegeranye”

Yakomeje agira ati Abaturage rero nibashire izo mpugenge zo kwibwa bareke kurarana n’amatungo yabo cyane ko bitera n’ umwanda mu ngo".

Aba baturage bavuga ko babizi ko kurarana n’amatungo bishobora kubakururira indwara cyane cyane izikomoka ku mwanda ariko ngo nta yandi mahitamo bafite kuko batahitamo gutegeza abajura amatungo yayo.

Charles NTIRENGANYA


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...