konka coffee
KONKA

AMAKURU

UKWEZI

Muhima: Abaganga barashinjwa kurangarana umubyeyi wabyaye bigatuma umwana apfa

Muhima: Abaganga barashinjwa kurangarana umubyeyi wabyaye bigatuma umwana apfa
4-06-2018 saa 15:51' | By Akayezu Jean de Dieu | Yasomwe n'abantu 5394 | Ibitekerezo 7

Abaganga bo ku bitaro bya Muhima biherereye mu murenge wa Muhima, akarere ka Nyarugenge mu Mujyi wa Kigali barashyirwa mu majwi ko barangaranye umubyeyi waje kubyarira kuri ibi bitaro aza kubyara umwana wapfuye abaganga bafata umurambo bawuryamisha iruhande rwa nyina aho kuwujyana mu buruhukiro ‘Morge’

Ibi byabaye mu mpera z’iki Cyumweru aho uyu mubyeyi yageze kuri ibi bitaro kuwa Gatandatu nyuma aza kubagwa ku Cyumweru ariko ngo kubera uburangare bw’abaganga byaje kumuviramo kuba uwo yari amaze kwibaruka yarahise yitaba Imana ngo umurambo aho kuwujyana muri morge bawuryamisha iruhande rwa nyina.

Uwari urwaje uyu mubyeyi yavuze ko kuva ubwo yageraga kuri ibi bitaro yagaragaraga nk’uwazahaye cyane ndetse ngo baje no kumenya ko uwo yari yibarutse yavutse ari muzima nyuma aza kwitaba Imana bitewe n’umunaniro.

Yakomeje avuga ko bashenguwe cyane no kuba baragiye mu cyumba uyu mubyeyi yari arwariyemo basanga uwo mwana witabye Imana amuryamye hafi ngo babajije abaganga bamubwira ko urufunguzo rwo muri ‘Morge’ hari undi muganga warutahanye.

Umuyobozi w’Ibitaro bya Muhima, Rutagengwa William yabwiye ikinyamakuru Ukwezi.com ko ikibazo gihari ari umuntu wo mu muryango w’uyu mubyeyi wagiye avuga ibintu atazi naho ngo umubyeyi we ntabwo yigeze arangaranwa kandi ngo kuba umuntu yabyara umwana agapfa hari impamvu ibisobanura iri ‘Medical’

Yagize ati “Umubyeyi yaraje baramukurikirana igihe kiragera babona ko ari ngombwa ko bamubaga, baramubaga, umwana avamo apfuye, ni ibintu bibaho, umubyeyi umwana baramumwereka bamujyana muri Morge, umubyeyi bamuha maraso, ari mu bitaro ameze neza twavuganye mu gitondo n’abanyamakuru bavuganye”

UMVA HANO DR ABISOBANURA:

Bamwe mu barwayi bavuga ko ibi bitaro bifite imikorere itari myiza ari naho bahera bavuga ko inzego zifite ubuzima mu nshingano zagakwiye kujya zikora ubugenzuzi kenshi kugira ngo bakemure ikibazo cy’imitangire mibi ya serivisi muri ibi bitaro bya Muhima.


INKURU ZA :
Tanga Igitekerezo
Ibitekerezo 7
plamedi Kuya 17-06-2018

mwihangane baganga,ugushaka ntakubura,kdi koko ntawe uvura nyamunsi.....abandi bati Muhima Muhima.....ESE ko munenga gusa nta kiza kiba Ku Muhima!!!!!
Imana yonyine niyo ibizi....Yego ntabyera NGO De!!!Natwe uwadushungura ntiyatuburamo inkumbi!
Abavuga basebanya rwose mugerageze kugabanya...

Mutuyimana florence Kuya 13-06-2018

Burya ntakabura imvano icyo nabwira abaganga bo kumuhima nuko basuzuma niba muri services batanga ntakibura nge nkurikije case zimaze kuhavugwa numva haribitagenda neza sinzi niba arukubasebya ark ari nabyo bakurikiranwa namategeko murakoze

Mutuyimana florence Kuya 13-06-2018

Burya ntakabura imvano icyo nabwira abaganga bo kumuhima nuko basuzuma niba muri services batanga ntakibura nge nkurikije case zimaze kuhavugwa numva haribitagenda neza sinzi niba arukubasebya ark ari nabyo bakurikiranwa namategeko murakoze

alias Kuya 5-06-2018

ariko abaganga bo kumuhima mwararushye tu niyo mpamvu jye mbihanganisha mukazi mukora ntako muba mutagize ariko bikarenga mukajyanwa mwitangazamakuru .ngirango abantu bakagombye kumenya KO mutavura urupfu

niragire dyna Kuya 5-06-2018

Nuko iyo umuntu ababaye avuga byinshi, ariko ibitaro bya Muhima njyewe mbona ntako baba batagize ahubwo arukubateza urubwa

Jado Kuya 4-06-2018

Ibikoresho numubare wabaganga nicyo kibazo naho ubundi Ubuntu byose bibaye ntimukabyite uburangare bwabaganga. Hari Ubuntu byinshi niba bisabwa kugira NGO hirindwe incidents nkizo

akanyamakuru kamatiku gusa ubwo se uvuze iki se Kuya 4-06-2018

umva bassi ugira utugambo twamatiku gusa akanwakawe kuzuyemo amatiku guteranya urwango gusa uzabayo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...