konka coffee
KONKA

AMAKURU

UKWEZI

Menya ibyo wakoresha ugahangana n’indwara y’umwijima ya Hepatite B yibasiye benshi

Menya ibyo wakoresha ugahangana n’indwara y’umwijima ya Hepatite B yibasiye benshi
31-05-2018 saa 11:43' | By Jean Denys Ndorimana | Yasomwe n'abantu 15152 | Ibitekerezo 5

Muri iki gihe iyo uvuze indwara ya Hepatite, abantu benshi bagira ubwoba kuko ari indwara ifata inyama ikomeye y’umwijima, twese turabizi ko umwijima ari inyama y’ingirakamaro mu mubiri w’umuntu kuko iyo yangiritse, umubiri wose ugira ibibazo bikomeye. Hari ubwoko butandukanye bwa Hepatite, ariko hano turarebera hamwe Hepatite B.

Ese hepatite B ni iki?

Hepatite B ni indwara y’umwijima iterwa n’udukoko duto (virus) two mu bwoko bwa B, utwo dukoko tukaba twinjira mu mubiri tunyuze mu nzira zitandukanye, ubundi dukunze kwiturira mu mwijima. Ni nayo mpamvu bavuga ko ari indwara y’umwijima.

Ese yandura gute?

Hepatite B yandura binyuze mu maraso cyangwa andi matembabuzi y’uwanduye; ishobora kwanduzwa umwana ku mubyeyi igihe abyara cyangwa undi wese uyirwaye akanduza umwana igihe akiri muto. Ishobora kandi kwanduzwa igihe uhabwa amaraso kwa muganga igihe bitakozwe neza, kwijomba ibintu bitobora umubiri; nk’igihe uhabwa imiti mu mutsi.

Hepatite B kandi yandurira byoroshye mu mibonano mpuzabitsina; ku bantu bahuza ibitsina n’abantu batandukanye cyangwa se baryamana n’uyirwaye. Muri macye, inzira agakoko gatera SIDA kanduriramo na Hepatite B ishobora kuzanduriramo.

Ese ni ibihe bimenyetso biyiranga?

Iyi ndwara hari abayigira ntigaragaze ibimenyetso, cyangwa ukaba wakwitiranya ibimenyetso n’iby’izindi ndwara nk’ibicurane.

Dore bimwe mu bimenyetso rusange:

  • Kubura ubushake bwo kurya (Appetit)
  • Umunaniro udasanzwe
  • Umuriro ariko udakabije
  • Kuribwa mu nda
  • Iseseme no kuruka
  • Gutakaza ibiro mu buryo budasanzwe
  • Kuri bamwe hiyongeraho:
  • Inkari zijimye
  • Kuvira imbere
  • Guhinduka umuhondo ku ruhu n’amaso
  • Kwituma ibyeruruka
  • Guta ubwenge, kumva uzungera, cyangwa kugwa muri koma
  • Kumva utonekara uruhu

Ese wari uzi ko hari imiti myimerere ihangana na Hepatite B ndetse igafasha n’umwijima gukora neza?

Ushobora kuba urwaye Hepatite B kuburyo byanatera umwijima wawe kwangirika,ubu habonetse imiti myimerere ikozwe mu bimera kandi ikaba yizewe ku rwego mpuzamahanga kuko ibifitiye ibyemezo mpuzamahanga (twavuga nka:FDA:Food and Drug Administration,n’ibindi).

Iyo miti rero ihangana cyane na Virus zitera Hepatite B, zikagenda zigabanuka. Iyo miti kandi ifasha uturemangingo tw’umwijima kutangirika, igatuma amaraso atembera neza mu mwijima, ndetse igatuma n’umwijima utabika ibinure n’imyanda, bityo umwijima wawe ugakora neza ndetse n’umubiri muri rusange ukamererwa neza. Muri iyo miti twavugamo nka: Livergen capsule, A-Power capsule, Cordyceps plus Capsule, Soybean lecithin capsules. Iyi miti nta ngaruka igira ku wayikoresheje kuko ari imyimerere.

Abantu baba bifuza gufashwa gukoresha ubwo buryo bw’imiti y’umwimerere, bashobora kugana ivuriro Horaho Life rikorera i Kigali mu nyubako yo kwa Rubangura muri etaji ya 3 ku muryango wa 301 na 302. Ku bindi bisobanuro wabahamagara kuri 0789433795/0726355630. Ushobora no gusura website yabo www.horahoclinic.rw.


INKURU ZA :
Tanga Igitekerezo
Ibitekerezo 5
jean denys Kuya 1-06-2018

Murakoze basomyi bacu,ndagira ngo nsubize abatwandikiye

1.Iyi miti nta mazina agira mu kinyarwanda kuko ntikorerwa mu rwanda,nubwo ikorwa mu bimera ariko ntabwo ikorerwa mu rwanda.Ni nkuko wabaza ngo Paracetamol yitwa ngo iki mu kinyarwanda?
2.ntabwo dupima ahubwo ujya kwa muganga bakagupima noneho uzana ibisubizo byo kwa muganga tukagufasha

Murakoze

Bizimana thade Kuya 31-05-2018

Mudusobanurire iyomiti Muki nyarwanda muraba mukoze

Bizimana thade Kuya 31-05-2018

Mudusobanurire iyomiti Muki nyarwanda muraba mukoze

TUYISENGE MAURICE Kuya 31-05-2018

Ikibazo mfite mwaba mupima umubiri wose?umuntu akamenya uburwayi arwaye,
None niba mubikora kwipimisha bisaba iki?cg ni angahe?

ndayambaje vedaste Kuya 31-05-2018

iyo miti mwakaisobanuye mukinyarwanda nkuko ikinyamakuru cyacu cyandika ikinyarwanda kd dukeneye kwivuza mudusubize munaturangire iyariyo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...