AMAKURU

UKWEZI

Abana b’abahungu ku isonga mu gukorerwa ihohoterwa ryo ku mubiri

Abana b’abahungu ku isonga mu gukorerwa  ihohoterwa ryo ku mubiri
17-05-2018 saa 20:40' | By Vincent Nsengiyumva | Yasomwe n'abantu 1984 | Ibitekerezo

Ubushakashatsi bwakozwe na Minisiteri y’Ubuzima mu Rwanda bwerekanye ko abana b’abahungu ari bo bari ku isonga mu gukorerwa ihohoterwa ryo ku mubiri gukubitwa no gukomeretsa aho bwagaragaje ko 59.5% barikorewe.

Kuri uyu wa Kane tariki 17 Gicurasi 2018 nibwo iyi Minisiteri yashyize ahagaragara ubu bushakashatsi ikaba yagaragaje ko bugamije kwerekana uko ihohoterwa rikorerwa abana rihagaze mu Rwanda bafatiye ku mwaka ushize.

Ubu bushakashatsi bwagaragaje ko abana b’abakobwa bari mu kigero cy’imyaka 18 na 24, bakorerwa iri hohoterwa ryo ku mubiri ( gukubitwa no gukomeretsa) bari ku gipimo cya 37,2% mu gihe abasore bari muri iki kigero ari 59.5%.

Ubu bushakashatsi kandi bwanagaragaje ko abana b’abakobwa bari mu kigero cy’imyaka 18 na 24, aribo bakorerwa ihohoterwa rishingiye ku gitsina ku gipimo cyo hejuru cyane ugereranyije n’abana b’abahungu kuko imibare yabuvuyemo igaragaza ko abakobwa bahohoterwa ari 23.9%. mu gihe abahungu bakorewe iri hohoterwa ari 9.6%

Dr Yvonne Kayiteshonga, umuyobozi w’ishami rishinzwe ubuzima bwo mu mutwe muri Minisante, akanaba umwe mu bayoboye ubu bushakashatsi, yavuze ko abana bakorerwa ihohoterwa bibagiraho ingaruka nyinshi kandi zikomeye.

Yagize ati “Abana bakorerwa ihohoterwa bahura n’ingaruka zzitandukanye.Hari gukomereka ku mubiri, hari kandi ibikomere byo ku mutima bimara igihe kirekire birimo agahinda gakabije, gukoresha ibiyobyabwenge cyangwa gufatwa n’indwara zo mu mutwe.”

Yanavuze ko hari abakorerwa ihohoterwa maze bagafata imyanzuro yo kwiyahura kubera ibikomere byo mu mitima baba barasigiwe n’abaribakoreye.

Dr Kayiteshonga yanashimangiye ko ababyeyi, abarezi ndetse n’abandi bantu bakuze bakagomye kubabungabunga aribo baza ku isonga mu kugira uruhare mu ihohoterwa rikorerwa abana.

Yagize ati “Byagaragaye ko abahohotera abana ari ababyeyi, abo mu muryango, abaturanyi ndetse n’abarimu.”

Ku bijyanye n’ihohoterwa rishingiye ku gitsina Dr Kayiteshonga yasobanuye ko rikorwa mu buryo bwinshi ngo kuko atari ukubafata ku ngufu gusa, ko ahubwo harimo no kubambika ubusa, kubakorakora ku ku bitsina , kubisoma no kubakorera ibindi bikorwa biganisha ku mibonano mpuzabitsina.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...