AMAKURU

UKWEZI
ubumwe

Usigaye uhura n’umurokore ukagirango uhuye n’indaya yo mu Migina - Ev. Mama Charlene

Usigaye uhura n’umurokore ukagirango uhuye n’indaya yo mu Migina - Ev. Mama Charlene
22-08-2019 saa 08:49' | By Chief Editor | Yasomwe n'abantu 7123 | Ibitekerezo 5

Umuvugabutumwa wo mu itorero rya ADEPR umaze kwamamara nka Charlene, avuga ko kuzarangiza urugendo rwo ku isi amahoro aricyo gihembo cyiza cy’uwasenze kandi wabanyen’ Imana. Anenga kandi imyitwarire y’abarokore bamwe na bamwe bo muri iki gihe haba ku myitwarire no ku myambarire, aho ngo ushobora guhura n’umurokore ukamwitiranya n’indaya yo mu Migina.

Mama Charlene kandi mu butumwa bwe, avuga hari abibeshya ko kuba wabona imodoka nziza cyangwa umugore mwiza ari igihembo Imana iba iguhaye ariko ko ari ukwibeshya. Yagize ati: "Imana yaguha umugore ukavuga ko iguhembye kandi imuguha ejobundi akaguca inyuma? Imana yaguhemba umugabo ngo iraguhembye kandi uyu munsi agusegura ukuboko ejobundi akagusegura ingumi?...Ntabwo kubona inzu ijyanye n’icyerekezo ari igihembo n’abadasenga barazubaka, ntabwo kubona imodoka nziza ari igihembo n’ abatubaha Imana barazigura, Ntago kurongorwa no kurongora ari igihembo n’ indaya zikora ubukwe... nutarangiza urugendo amahoro uzaba wararuhiye ubusa"

Izi nyigisho yazitangiye muri Paroisse ya Bugarama, umudugudu wa Kibangira mu Karere ka Rusizi, iyi nyigisho yayitanzeabwira abantu ko Imana yamuhaye ubutumwa bwo kubwira ubwoko bwayo kuva mu byaha, ngo kuko muri iyi minsi hari ubusambanyi bw’ indengakamere, gucana inyuma kw’ abashakanye n’ibindi.

Yibukije abantu kutarangazwa n’ ibyo babona we yise inyongezo y’ Imana ahubwo bakagaruka kuri gakondo, "Ati mbabarira umbwire wowe indangamuntu yawe ko wayitaye? ..... bakumenyeraga ku jipo ndende none uhura n’ umurokore mu isoko ukagirango ni indaya yo mu Migina. Uhura n’ umupentekote hariya kwa Rubangura ukagirango ni umubingwakazi wo mu isi wibereye aho, ikintangaza ni uko hari abo tuhahurira najya kubona nkabona batondagiye ku ruhimbi ngo ni za baririmbyi".

IREBERE VIDEO Y’IBINTU BIKOMEYE BYOSE YAVUZE HANO:


INKURU ZA :
Tanga Igitekerezo
Ibitekerezo 5
tete Kuya 23-08-2019

ariko mwa bantu mwe mwiyita abakozi b’imana ikibazo mufite ni ikihe?amarushanwa murimo ninde uzabahemba?njye murancanga

Umunyarwandakazi Kuya 23-08-2019

Ariko ubu ubutumwa bw’imyambaro buzashira ryari koko? Ubu se muri amazon bacyambara ubusa, cyangwa muri za Botswana abagore bambara udushabure n’amabere hanze mu birori nta barokore barimo koko? Imana ntirahagera? Agakiza n’imyenda bihuriye he? Abantu baramarwa n’ibyaha, barakurikira abashumba basambana cyangwa biba, abarokore b’amakanzu agera ku birenge baragirirana ishyari, abandi bararogana bambaye ibitambaro; ingo zirasenyuka ari iz’abana b’Imana ariko mwe muracyavuga imyenda? Imyenda izajyana nde mu ijuru koko? Ko byose binaterwa n’umuco? Umwerakazi iyo yashatse guseduisa umugabo agukubitiramo ikanzu igeze ku birenge, umusatsi we naturelle akawurambura neza! Yakwambara ikabutura, umuntu wese iwabo akabona ari normale. Iwacu bati ikabutura ni ubwibone nimwambare ikanzu!!! Ese ijambo ry’Imana ribamo contradictions. Ariko dore icyo rihuza hose hose mu isi ndetse no mu ijuru: Kristo yitangiye abanyabyaha ngo bahinduke abana b’Imana, bahabwe identite nshya. Imana Yaduhaye Umwuka Wayo muri twe ngo atuyobore muri iyo nzira nshya, tubone dutungane. Icyo Imana itwigishiriza muri yo nka Data, nka Kristo, nk’Umwuka ni : twihane ibyaha duhindukirire Imana. Tureke ubusambanyi, tureke ubwicanyi, tureke kuramya ibigirwamana (amastatues, amafaranga, ubwibone, etc), tuve mu nzangano, tubabarire, dukunde abanzi bacu, twemere Umwuka w’Imana atuyobore. KANDI TUREKE KUMUHIMBIRA IBYO ATAVUZE.

Kalisa Kuya 23-08-2019

Iyi nyigisho ni nziza. Ariko hari ikibazo nkunda kwibaza , kuki abarokore mwigisha ku busambanyi gusa? nta kindo cyaha kibaho? Kuki se birenga tukumva abapasiteri n’abadiyakoni basambanya twa dukobwa turirimba ? cyangwa mu byumba by’amasengesho? Abo wita indaya nureba nabi bazagutanga mu ijuru kuko amajipo maremare ntabwo ari yo azakujyana mu ijuru.

Joseph Kuya 23-08-2019

Kazungu, imana ntinegurizwa izuru kandi Yobu 28.28 hagira hati: "Maze ibwira umuntu iti: dore kubaha Uwiteka nibwo bwenge kandi kuva mu byaha niko kujijuka".

kazungu Kuya 22-08-2019

Ngo umurokore?twese turi abarokore koko twarokowe n’amaraso y’umwana w’Imana nabo wita indaya bararokowe kdi iryo juru wasnga barigutanzemo da kuko Imana itareba nkabana babantu kdi ntica imanza nk’abana b’abantu.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...