AMAKURU

UKWEZI
ubumwe

Ubuhamya bwa Fiona wacuruzaga abakobwa bagenzi be ngo abone ayo kugura ibiyobyabwenge

Ubuhamya bwa Fiona wacuruzaga abakobwa bagenzi be ngo abone ayo kugura ibiyobyabwenge
5-09-2019 saa 13:45' | By Chief Editor | Yasomwe n'abantu 4084 | Ibitekerezo

Umukobwa witwa Kabagema Fiona asobanura inzira y’ inzitane y’ubuzima yanyuzemo burimo kuba yarabaswe n’ ibiyobyabwenge byamuteye kujya acuruza bagenzi be ngo abone amafaranga yo kubigura kuko we yangaga kwicuruza atinya kuzatwara inda cyangwa kuzarwara SIDA, ariko ubu arashima Imana ko umuryango witwa Winning Souls Ministries wamufashije akaba atakiri muri ibyo biyobyabwenge.

Winning souls for Christ Ministries ni umuryango washinzwe ugamije gufasha imitima y’ abantu babaswe n’ ibiyobyabwenge, kuko kugeza ubu ibiyobyabwenge ari kimwe mu bibazo byugarije isi cyane cyane urubyiruko . Ev. Mporana Jean Paul ni umuyobozi wa Winning Souls Ministiries, yatubwiye aho igitekerezo cyo gushinga uyu muryango cyaturutse.

Yagize ati: "Urabizi muri iki gihe ibiyobyabwenge ni ikibazo gihangayikishije ibihugu byinshi, mu Rwanda rero twasanze naho icyo kibazo gihari kandi kigenda gifata indi ntera , Imiryango ifite ibibazo n’ igihugu, iyo tureba abana bajya Iwawa buri gihe twumvise natwe twagira uruhare nk’ abavugabutumwa, tugafatanya na Leta mu gufasha ruriya rubyiruko kuva mu biyobyabwenge"

UMVA UKO ABIVUGA HANO:

Umwe mu bana bafashijwe n’ uyu muryango kuva mu biyobyabwenge witwa Kabagema Fiona yatubwiye ko uyu muryango wamufashije cyane kuko bamukurikirana umunsi ku munsi nyamara mu gihe yari yarabaswe n’ibiyobyabwenge yari yarayobye kugeza n’ ubwo yize ingeso yo gucuruza abakobwa bagenzi be mu bagabo kugirango abashe kubona amafaranga yo kujyana mu kabari.

UMVA UBUHAMYA BW’UYU MUKOBWA HANO:

Uyu muryango Winning Souls Ministiers ukaba warateguye igiterane mu rwego rwo gufasha aba bana no kubakorera ubuvugizi, iki giterane kikazaba ku itariki ya 22 Nzeri 2019 muri Foursquare Kimironko. Iki gitaramo kikazaba kirimo abaririmbyi barimo Simon Kabera, Rehoboth Ministries, Gisubizo Ministries, Healing Worship Team n’ Abandi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...