konka coffee
KONKA

AMAKURU

UKWEZI

Radio Ubuntu Butangaje ’yasebeje abagore’ yahagaritswe burundu izira uko yitwaye mu bihano

Radio Ubuntu Butangaje ’yasebeje abagore’ yahagaritswe burundu izira uko yitwaye mu bihano
24-04-2018 saa 14:54' | By Chief Editor | Yasomwe n'abantu 4304 | Ibitekerezo 5

Radio Ubuntu Butangaje (Amazing Grace) yari imaze igihe ikora itangazamakuru ryibanda ku myigishirize n’ivugabutumwa rya gikirisitu, yambuwe uburenganzira bwo kuzongera gukora itangazamakuru nsakazamajwi mu Rwanda, bitewe n’uko yanze kubahiriza ibyo yategetswe n’Urwego Ngenzuramikorere RURA.

Itangazo RURA yashyize ahagaragara kuri uyu wa Kabiri tariki 24 Mata 2018, rivuga ko Radio Ubuntu Butangaje (Amazing Grace) yambuwe uburenganzira yari yarahawe bwo gukora itangazamakuru nsakazamajwi mu Rwanda, kuko ibihano iheruka gufatirwa byose itigeze ibyubahiriza.

Kuwa Gatatu tariki 21 Gashyantare 2018, nibwo Ikigo ngenzuramikorere RURA cyari cyagejeje ibaruwa ku buyobozi bwa Radio Ubuntu Butangaje (Amazing Grace), bamenyeshwa ko ifunzwe mu gihe cy’ukwezi kumwe ndetse ikanacibwa ihazabu.

Muri iyi baruwa RURA yamenyeshaga iyi radiyo ko ifunzwe mu gihe cy’ukwezi kumwe ndetse ikanacibwa ihazabu rya miliyoni ebyiri z’amafaranga y’u Rwanda izira kuba yaremereye umuvugabutumwa Niyibikora Nicolas gucishaho ubutumwa yabwirizagamo abantu asebya abagore anagaragaza ko ari abantu babi.

RURA kandi yari yategetse Radio Ubuntu Butangaje ko mu gihe kitarenze amasaha 12 uhereye igihe baboneye ibaruwa, igomba kuba yatambukije ubutumwa busaba imbabazi ku bw’icyo kiganiro cyatambutseho cy’umuvugabutumwa Niyibikora Nicolas wavugaga ububi bw’abagore. Ibi byose ngo ntibyubahirijwe kuko RURA yakuyeho umurongo wa Radiyo ba nyirawo banze kuwukuraho, bakaba batarasabye imbabazi ndetse n’ihazabu baciwe ngo ntayo bishyuye.

Ubwo yatangaga ikiganiro kuri radiyo Ubuntu Butangaje mu minsi ishize, umuvugabutumwa Nicolas Niyibikora yatutse abagore abita indaya, abita abicanyi n’abagizi ba nabi, avuga ko ari bo ibibi byose ku isi biturukaho ndetse ashimangira ko muri Bibiliya bagaragazwa nk’inkomoko y’ibibi.


INKURU ZA :
Tanga Igitekerezo
Ibitekerezo 5
Etienne Kuya 26-04-2018

Radio irarengana pe!!! Ni iki yavuze Kitari muri Bible. RURA nayo yagombye gushishoza ntibe nyamujya iyo bijya

faki Kuya 25-04-2018

Ariko nyamara radio ntamakosa ifite ahubwo nuko isi aho igeze reta ziba zishakako higishwa ibyo zishaka ariko umunu ukorera imana ntakitanditse yavuze

gasana Kuya 25-04-2018

Uyo muyobozi akwiriye kwemera agasaba imbabazi kuko iradiyo ye yabaye umuyoboro wo gukwirakwiza imvugo mbi n’inyigisho mbi. Radio RTLM niyo yavugirwagaho ibintu byose bibi byatumye Genenocide yakorewe abatutsi ikara cyane. Iyaba yari ikiriho yakagombye kumenagurwa, ariko kuko itakiriho kandi ariyo yabaye Radio rutwitsi, kandi ikaba yari ifite ubuzima gatotsi ndayisabira ko yakagombye gushyikirizwa inkiko ikabazwa ibyo yakoze ndetse igacibwa indishyi, icyo nzi cyo ni uko bishoboka ko ntategeko ryigeze ritworwa ryo kuyisesa; abayishinze nabo bakayiha umurongo yagenderagaho bahamwe n’ibyaha. Hitimana Noel n’abandi bari abanyamakuru kuri iyo radio n’abo bakwiriye kubihanirwa ndetse nabayigiyeho batanga ibiganiro bibi. Ibi nabivuze nshaka gusobanura ko umuyobozi wa Radio Amazing Grace atagomba kwigurutsa ibyo Nicholas yavugiye kuri Radio ayoboye kuko bamubereye umuyoboro, iyo iyi radio itabaho ntabwo Nicholas yari kuvuga ibyo yavuze, kereka iyo ashaka ahandi abivugira. Nicholas nawe nk’umunyarwanda uzi aho tuvuye, akamenya amahano yazanywe no kubiba inzangano aho zaba zikomotse hose, akwiriye kubiryozwa. Yavuze nabi Ababyeyi batubyara yandagaza Kiliziya Gatorika, akwiriye gusaba imbabazi cyangwa akabihanirwa. Abandi bakwiriye gusaba imbabazi ni abadventisiti bigishije Nicholas, bakamuha ipeti ngo rya Pasteur…..ibi kuba bashaka kwigurutsa Pasteur Nicholas ntibishoboka kuko kuvuga ko bamuciye cyangwa bamutenze cyangwa bamufungiye amasakaramento ntabwo aribyo kuko ntibigeze bamukura mo ibyo bamushyizemo. Kuko aho agiye hose avuga ko ari umudeventisiti; ntahantu atageze yigisha mu matorero y’abadivantisiti, ntashuri narimwe atagiyemo yigisha ibintu nkabiriya, yigeze no kwigisha mumavuna yabereye muri college ya Gitwe. Iyo ugiye mu biterane by’abadiventisiti, uzatege amatwi uburyo bavuga ngo umuyobozi w’itorero runaka kw’isi ngo ni inyamaswa. Twasabye ko bavuguruza Nicholas bavuga ibyo bo bemera ariko ntabwo babikoze! Bakwiriye kugira icyo bavuze kubyo Nicholas yavuze bakavuguruza bakoresheje theology yibyo bo bemera. Kuko niba umuntu yihandagaza akavuga ibintu nkabiriya, hagomba kuboneka abandi bantu bazi neza ibyo Bible ivuga kuri icyo kintu bakavuguruza ibyo Nicholas yavuze bakoresheje Bible, ariko kuba yarigishijwe nabo hanyuma bakavuga ngo ntabwo akiri uwabo byo sibyo. Umunyarwanda yaravuze ngo aho kwica Gitera uzice ikibimutera, Nicholas ibyo yigisha ntarindi shuri yagiyemo usibye irya Eglise Adventiste.

Asanda Kuya 25-04-2018

Amagambo usoresheje inkuru yawe arimo ibinyoma. keretse niba utarumvise ibyo nikora yavuze

Sahoguteta Kuya 24-04-2018

Arikose komufunze radio mugirango uwavuzeko abagore aribanyirabayazana bibyago isi ifite mugirangoyarabeshye hoya mwirengagijenkana namwemurabizitu mwirengagije intoryi musoroma intobotobo kbs.gusa nange ntimunkurikiraneda ndacyashaka kwiberahope.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...