AMAKURU

UKWEZI
ubumwe

Kigali: Umupfumu w’imyaka 24 yagaragaje iby’amayobera avurisha abakurambere - VIDEO

Kigali: Umupfumu w’imyaka 24 yagaragaje iby’amayobera avurisha abakurambere - VIDEO
13-02-2019 saa 10:17' | By Chief Editor | Yasomwe n'abantu 11362 | Ibitekerezo 11

Kanyamahanga Eric, ni umugabo ukiri muto kuko afite imyaka 24 gusa y’amavuko, akaba ashimangira ko kuva afite imyaka 20 yatangiye ubuvuzi gakondo nk’umupfumu wabigize umwuga aho avuga ko avura indwara zitangaje yifashishije abakurambere be bapfuye ajya ahura nabo buri munsi bakaganira. Mu kiganiro kirambuye twagiranye yahishuye byinshi bidasanzwe ku buvuzi bwe.

Kanyamahanga ni umupfumu uvuga ko abikomora kuri sekuru, ariko mu kazi ke akaba anitabaza abakurambere be bapfuye barimo ba nyirakuruza, ba sekuruza n’abandi, ngo aba bose bajya bahurira mu kazu afite mu rugo yita indaro, bakava mu bapfuye bakagaruka bakaganira bakamufasha ibiba byananiranye akabishobozwa n’imbaraga zabo.

Bijya gutangira, ikinyamakuru Ukwezi cyamenye ibyo uyu mugabo ukuri muto agaragaza ko avura, binyuze ku rupapuro yahaye bamwe mu bamugana rugaragaza indwara zose ashobora kuvura, bituma umunyamakuru ashaka kubonana na nyirubwite.

Izi zose ni indwara Kanyamahanga Eric ahamya ko avura mu buryo bworoshye

Gutanga umuti utuma uwabuze akazi akabona, umuti w’urukundo utuma umuntu akundwa cyane, umuti utuma umucuruzi abona abakiriya, umuti ugarura ibyibwe, umuti utuma abakwambuye bahita bakwishyura, umuti utuma umukobwa wabuze umugabo azinguka agahita amubona, umuti uhuza abatandukanye n’indi myinshi itandukanye niyo Kanyamahanga avuga ko atanga kandi ngo amaze gufasha abatari bacye, aho ngo yitabaza abakurambere be bakamufasha gukemurira abamugana ibyo bibazo byose.

Aka kazu ngo ni indaro avuganiramo n’abakurambere be bapfuye bakamuha amabwiriza

Kanyamahanga yadutangarije ko hari indwara avura akoresheje imiti y’imyahirano hakaba n’iyo akoresha amagambo gusa abifashijwemo n’imbaraga z’abakurambere, kandi ngo bimaze gufasha benshi mu bamugana yagiye akemurira ibibazo. Mu rugo iwe hari intama y’ibara rimwe avuga ko hari umuntu waje afite ikibazo cy’amagini akamutuma kuzana iyo ntama ngo ayamukuremo ayashyire mu ntama, umuntu agakira hanyuma intama ikaguma iwe aho ntawayirya cyangwa ngo agire ikindi ayimaza ahubwo ategereje ko igihe kizagera igapfa ayo magini akagendana nayo.

Iyi ntama ngo amagini yavuye mu muntu ayijyamo, ategereje ko izapfa akayimbana n’ayo magini

Kanyamahanga avuga ko hari abajya baza kwivuza iwe akababwira ko indwara barwaye bakwiye kuzijyana ku kigo nderabuzima kuko ngo yemeranya na Minisiteri y’Ubuzima ko hari abavuzi gakondo bashaka kubeshya ko bavura indwara zose kandi bishakira amaramuko. Avuga kandi ko afite imbaraga zidasanzwe zituma n’uwamubuza kuvura yajya abikora mu buryo bwihariye aho yemeza ko afite inkoni ashobora kwitwaza abakurambere bakamufasha kuyikirisha abantu atiriwe abaha imiti.

Mu kiganiro twagiranye, twamubajije byinshi biteye amatsiko ku buvuzi bwe n’imbaraga z’ubupfumu ahamya ko afite, asubiza ashize amanga agaragaza ko ari umunyempano gakondo udasanzwe ufite ububasha buhebuje.

REBA VIDEO Y’IKIGANIRO TWAGIRANYE HANO:


INKURU ZA :
Tanga Igitekerezo
Ibitekerezo 11
Anti-crucifiction Kuya 11-06-2019

hhhhhhhhhhhhhhhhhhhhhhhh Mbega Imana idutabare

BARACK Kuya 28-03-2019

NTIBITANGAJE UMWUGA WA ERIC NUWO YASIGARANYW NABAHOZE BABIKORA IKIBABAJE NUKO HARIHO ABIGIRA NGO NABAROKORE BAKAMUSEKA.BIBAGIYEHO GATO UMUNTU AVUKANA IBIREMWA 3 UMUMALAIKA YANDIKA IVYIZA NUWANDIKA IBIBI HAMWE NIJYINI,UGIZE AMAHIRWE UKAGIRA IJYINI RISENGA NAMAHIRWE HARIHO ABAGIRA AMAJYINI ABATEZA INZOGA-GUSAMBANA -KUPFUMURA NKA ERIC NIBIND

Prince Kuya 16-02-2019

Birababaje cyane ukuntu abanyafrika tumaze kwibagirwa burundu inkomoko n’amateka yacu, iby’abakurambere abantu bavuga, ni ubuvuzi bwa Gihanga wahanze isi n’ijuru, ntabwo ari kuba umurozi cg umugiranabi.

Prince Kuya 16-02-2019

Birababaje cyane ukuntu abanyafrika tumaze kwibagirwa burundu inkomoko n’amateka yacu, iby’abakurambere abantu bavuga, ni ubuvuzi bwa Gihanga wahanze isi n’ijuru, ntabwo ari kuba umurozi cg umugiranabi.

furaimu Kuya 13-02-2019

kanindora okyari munaku?imana ikubabarire

gatera Kuya 13-02-2019

Uyu MUPFUMU,ndabona yitwa Eric.Ubwo ni umukristu ukwiye kwemera ibyo Bible itwigisha.Muli Umubwiriza 9:5,10,Imana itubwira ko abapfuye batumva kandi ntacyo bashobora gukora.Bisobanura ko "abakurambere" be ntacyo bamufasha.Ahubwo Bible isobanura neza y’uko "abadayimoni" aribo badushuka,bakigira abakurambere bacu,kugirango dukore imihango Imana itubuza.Imana idusaba kwirinda abadayimoni,ndetse ikavuga ko abakorana nabo batazaba muli paradizo.Inkuru yo muli Bible,itubwira abantu Pawulo yabwirije,mbere bari abapfumu.Bamaze kumenya ukuri kwa Bible,bahise batwika ibikoresho byabo byose byabahuzaga n’abadayimoni.Ikindi kandi,mujye mujijuka.Inyatsi,Umwaku,etc...ntibibaho.Ni imitwe Abapfumu na Pastors benshi baba bateka ngo barye amafaranga y’abantu.

uuwihanganuwihanganye Kuya 13-02-2019

uy’umugabo n,umuhanga muzaduhe nimeroye

uuwihanganuwihanganye Kuya 13-02-2019

uy’umugabo n,umuhanga muzaduhe nimeroye

Twahirwa Emmanuel Kuya 13-02-2019

turabemera

Fifi Kuya 13-02-2019

Ibintu nkivyo j sindavyemera nagato.none KO aboneka ko agikenye

Fifi Kuya 13-02-2019

Ibintu nkivyo j sindavyemera nagato.none KO aboneka ko agikenye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...