AMAKURU

UKWEZI
cheno 2020

Kigali: Abangilikani batangiye kubaka inzu igeretse 4 izuzura mu mezi 7 itwaye miliyoni 450

Kigali: Abangilikani  batangiye kubaka inzu igeretse 4 izuzura mu mezi 7 itwaye miliyoni 450
4-03-2019 saa 14:14' | By Vincent Nsengiyumva | Yasomwe n'abantu 1683 | Ibitekerezo

Itorero ry’Abangilicani mu Rwanda ryatangije umushinga uhuriweho n’amadiyosezi yose wo kubaka inzu y’ubucuruzi kuri Paruwasi ya Remera/Giporoso izuzura mu gihe gito itwaye miliyoni 450 z’amafaranga y’u Rwanda.

Ni inyubako yashyizweho ibuye fatizo ku wa Gatandatu tariki 2 Werurwe 2019 n’abepisikopi b’amadiyosezi yose yo mu gihugu bari bayobowe na Bishop Dr Mbanda Laurent.

Ni umushinga ugamije kuzazamura amikoro y’iri torero ndetse ukazanabafasha mu bikorwa binyuranye birimo uburezi ndetse no kubyara indi mishinga.

Iyi nyubako ya mbere y’ubucuruzi igiye kubakwa n’iri torero, izaba igeretse kane yubatse ku buso bwa metero kare zirenga ibihumbi 2 ikazaba igizwe n’ibyumba byo gucururizamo.

Bishop Muvunyi Louis uyobora itorero ry’Abangilikani mu Mujyi wa Kigali yavuze ko iyi nyubako ari ikimenyetso cy’ubumwe bw’Abangilikani b’abanyarwanda mu iterambere.

Yagize ati “Abantu iyo bashyize hamwe ni ibintu byiza cyane. Ubufatanye ni ikintu cy’ingenzi. Biratunejeje cyane kugira igikorwa nk’iki cy’ubumwe mu iterambere ry’itorero ry’igihugu.”

Bishop Dr Laurent Mbanda uyobora itorero ry’Abangilikani mu Rwanda ashimangira ko iyi nyubako bagiye kubaka izabunganira mu kuzamura ibikorwa by’itorero ndetse n’iby’abayoboke muri rusange.

Avuga ko bafitiye icyizere cy’ahagiye kubakwa iyi nyubako ngo kuko ari kamwe mu duce tw’ubucuruzi dukomeye mu Mujyi wa Kigali.

Yagize ati “Twizera ko iyi nyubako izahitako ibona abayikoreramo kubera ko iyo urebye aka gace usanga gakorerwamo ubucuruzi cyane ugereranyije n’utundi duce two muri Kigali.”

Yavuze ko itorero ry’Abangilicani mu Rwanda rifite ikigo cy’ubucuruzi kihariye kitwa Rwanda Anglican Investment Company (RAIC) cyahawe inshingano zo kugenzura ibikorwa byaryo by’ubucuruzi ndetse n’ibindi bibyara inyungu.

Yagize ati “Itorero ryacu rya Anglican dufite Kampani yitwa RAIC, izajya ikora business ndetse inagenzura ibikorwa byose byacu bibyara inyungu.Tugiye kuyishyiramo abantu b’abahanga bazi icyo bakora, tukayikuramo abapasitori kuko rimwe na rimwe iyo twavanze ibintu birapfa ni ukuvanga amasaka n’amasakaramentu. Iyo twahaye ibintu abantu badasobanukiwe ibintu birononekara.”

Bishop Dr Laurent Mbanda yavuze ko ibikorwa byabo bari gushaka kubikorana imbaraga zidasanzwe, aho iyi nyubako izuzura mu gihe cy’amezi 7 gusa.

Bishop Dr Laurent Mbanda uyobora itorero ry’Abangilikani mu Rwanda atangizza ibikorwa byo kubaka iyi nyubako

Bishop Dr Laurent Mbanda uyobora itorero ry’Abangilikani mu Rwanda na Bishop Muvunyi Louis uyobora iri torero mu Mujyi wa Kigali bashyiraho ibuye fatizo

Bishop Dr Laurent Mbanda ashyira imbere y’Imana ibikorwa bigiye gukorwa
JPEG - 84.3 kb

Pastor Antoine Rutayisire asobanurira Bishop Dr Mbanda imiterere y’iyi nyubako


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...