AMAKURU

UKWEZI
ubumwe

Gaby Kamanzi yahishuye iby’uko yiswe Miss Gospel, igihembo yahawe na byinshi ku muziki we

Gaby Kamanzi yahishuye iby’uko yiswe Miss Gospel, igihembo yahawe na byinshi ku muziki we
29-08-2019 saa 08:41' | By Chief Editor | Yasomwe n'abantu 1301 | Ibitekerezo 1

Gaby Irene Kamanzi, umuhanzikazi mu ndirimbo zo kuramya no guhimbaza Imana, ari mu bihe byiza mu muziki we kuko uretse kuba yaregukanye igihembo yaherewe mu gihugu cya Kenya, yanashyize hanze amashusho y’indirimbo ye nshya iri mu zizaba zigize album ye ya kabiri yenda gushyira ahagaragara. Uyu mukobwa mu kiganiro twagiranye yanadutangarije byinshi birimo uko yiswe Miss Gospel, iby’uko yakoze muri MTN, iby’umuziki we muri rusange n’ibindi.

Mu kiganiro twagiranye na Gaby Kamanzi, twamubajije iby’uko Bishop Rugagi muri 2015 yamwise Miss Gospel. Mu magambo ye, Gaby Kamanzi ati: "Uwo munsi hari ikanzu nari nambaye igiye kuri taille mbese nk’iy’aba Miss. Yumva arayikunze kandi yari imbereye byo, nicyo cyatumye anyita Miss Gospel kandi iyo Gospel wenda ni ukubera ko ndi umuririmbyi wa Gospel... Oya ntabwo nzaba Miss njyewe, ariko niba umuntu yakwise izina kubera impamvu runaka ukabona ni impamvu nziza, ntabwo wakwanga iryo zina"

REBA VIDEO Y’IKIGANIRO CYOSE TWAGIRANYE HANO:

Gaby Kamanzi yadutangarije ko yishimiye guhabwa igihembo yaherewe muri Kenya nk’umuhanzikazi uririmba neza umuziki wa Live mu kuramya no guhimbaza Imana, avuga ko n’ubwo adakora agamije kubona Awards, atabura kwishimira ko ibyo yakoze biba byakunzwe.

Gaby Kamanzi kandi yagarutse ku ndirimbo ye nshya yise "Ewe Mungu" iri mu rurimi rw’Igiswahili, avuga ko izaba iri kuri album ye ya kabiri izasohoka mu mpera z’uyu mwaka, ikazaba iriho indirimbo yakoranye n’abahanzi batandukanye bo muri Afurika y’Uburasirazuba.

REBA INDIRIMBO EWE MUNGU YA GABY KAMANZI HANO:

Gaby Kamanzi yatuganirije byinshi biteye amatsiko, birimo uko byari byifashe mu gihe yakoraga muri MTN ashinzwe kwitaba no kwakira abahamagara basaba ubufasha, ibintu agaragaza ko yabikoraga abikunze ariko kubera amasaha yakoraga bikaba ubwo yitaba umuntu afite ibitotsi, ngo ibi byaramusetsaga cyane.


INKURU ZA :
Tanga Igitekerezo
Ibitekerezo 1
F Kuya 30-08-2019

Gaby, shyiramo agatege ushake umugabo, imyaka irakujyanye.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...