AMAKURU

UKWEZI
ubumwe

[AMAFOTO]: ‘Umubare w’ abaza I Kibeho ugenda uturusha ubushobozi’ – Meya Habitegeko

[AMAFOTO]: ‘Umubare w’ abaza I Kibeho ugenda uturusha ubushobozi’ – Meya Habitegeko
28-11-2019 saa 14:26' | By Nsanzimana Ernest | Yasomwe n'abantu 2695 | Ibitekerezo

Umuyobozi w’ Akarere ka Nyaruguru Habitegeko Francois arasaba abashoramari kudakomeza kurangarana amahirwe yo kuba Kibeho isurwa na bamukerarugendo benshi kandi biyongera uko umwaka utashye nk’ uko abivuga.

Kuri uyu wa Kane tariki 28 Ugushyingo 2019, I Kibeho mu karere ka Nyaruguru hateraniye imbaga y’ abakirisitu baturutse ku migabane n’ ibihugu bitandukanye ku isi bari mu Rwanda mu rwego rwo kwizihiza isabukuru y’ imyaka 38 ishize umubyeyi Bikira Mariya abonekeye Kibeho.

Imbaga yari iteraniye I Kibeho irimo abaturutse muri Kenya, USA, India, Italy, Poland, Belgium,Tchecoslavaquia,Tanzanzia,Uganda,Burundi,Germany,China,DRC,Spanish,Rwanda,...

Mu myaka yashize abakorera ubukerarugendo nyobokamana I Kibeho bakunze kugaragaza ko bahura n’ imbogamizi yo kubona aho bacumbika.

Meya Habitegeko yatangarije UKWEZI ko iki kibazo kigihari asaba abikorera kubyaza umusaruro amahirwe yo kuba Kibeho isurwa n’ abantu benshi buri mwaka.

Yagize ati “Turi gushyirayo ibikorwaremezo kugira ngo abahasura bage bagenda bishimye, ariko turacyafite ingorane ku bijyanye no gucumbikira abantu no kubakira, kuko umubare w’ abaza I Kibeho ugenda uturusha ubushobozi”.

Akomeza agira ati “Abikorera icyo nabasaba ni ukureba aya mahirwe bakayabyaza umusaruro. Kubona abantu bangana gutya baza bakabura icyo bafungura, bakabura aho barara, biba ari uburangare ku ruhande rw’ abikorera niko nabivuga”.

I Kibeho ku butaka butagatifu Leta yamaze kugezayo ibikorwa birimo amazi, umuriro, itumanaho, ndetse n’ umuhanda wa Kaburimbo uri gukorwa, biteganyijwe ko umwaka utaha uzasiga uyu muhanda waruzuye. Ikindi kiri gukorwa n’ ibitaro bya Munini nabyo bigiye kuzura.

Buri mwaka Kibeho isurwa n’ abarenga ibihumbi 600 nk’ uko bitangazwa n’ akarere ka Nyaruguru. Abasura Kibeho ntabwo bayisura gusa ku munsi w’ isabukuru y’ amabonekerwa ahubwo no mu minsi isanzwe Kibeho hahora abakerarugendo mu ngendo nyobokamana.

Kuri iyi nshuro , isabukuru ya 38 y’ amabonekerwa y’ I Kibeho yitabiriwe n’ abarenga ibihumbi 50 barimo abanyamahanga barenga 1300.


Imvura yaguye biba ngombwa ko abafite imitaka bitwikira




Ku itariki ya 28/11/1981 nibwo Alphonsine Mumureke wigaga muri college ya Kibeho yabonekewe na Bikira Mariya.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...