konka coffee
KONKA

AMAKURU

UKWEZI

Urusaku rubuza umudendezo abaturage mu bituma insengero zifungwa

Urusaku rubuza umudendezo abaturage mu bituma insengero zifungwa
19-03-2018 saa 22:30' | By Akayezu Jean de Dieu | Yasomwe n'abantu 2917 | Ibitekerezo 1

Ibyuma by’umuziki n’indangurura majwi ni byiza kandi birakenewe cyane mu nzu y’Imana no mu biterane ariko iyo byakoreshejwe nabi (bigasakuza birenze), Usanga bitakiri ugusenga ahubwo byatangiye kubangama; haba mu rusengero imbere no mu nkengero zarwo (ku baruturiye).

Kuva muri Gashyantare 2018, Leta y’u Rwanda yatangiye umukwabu wo gufunga zimwe mu nsengero zitujuje ibisabwa aho kuri ubu muri buri karere ko mu gihugu barimo kugenda bafunga zimwe muri izi nsengero zitujuje ibisabwa birimo no kuba urusengero rugomba kugira ibyuma bifata amajwi bizwi nka Sound Proofs.

Nkuko bigaragazwa n’ ikigo cy’ igihugu gishinzwe kubungabunga ibidukikije, urusaka rukabije rwitwa gutyo iyo rurengeje igipimo cya decibel (db) 80. Ubu buryo bukaba aribwo bukoreshwa mu gupima urusaku.

Umukwabu wo gufunga insengero zifite urusaku ruri ku rwego rwo hejuru watangiye muri 2014, aho muri Nzeri Polisi y’u Rwanda yahagaritse insengero 4 zirimo Église de la Restauration Eglise Remera Shinning Lumière, l’Église anglicane na Kibagabaga ADEPR Kacyiru.

Izi nsengero zabaye zihagaritswe n’ibikoresho ndangurura majwi byazo ndetse icyo gihe hatawe muri yombi abayobozi b’izi nsengero kubera ko insengero zabo zavuzaga urusaku rukabije dore ko byabangamiraga umutekano abaturage baturanye n’ izo nsengero.

Ibi bikaba byarabaye nyuma y’umunsi umwe Ministeri y’umutekano,Umujyi wa Kigali na Polisi bagiranye inama kuburyo hakwirindwa urusaku rukomoka ku byuma ndangurura majwi bakoresha mu nsengero no mu tubari.

Minaloc hari icyo ivuga kuri iki kibazo

Mu nama yabaye muri Gashyantare 2018, yahuje Minaloc, RGB n’abayobozi b’amadini n’amatorero yo mu Mujyi wa Kigali, Minisitiri Kaboneka yashimangiye ko u Rwanda ari igihugu cyubahiriza uburenganzira bw’abasenga ariko ko n’abadasenga nta wukwiye kubabangamira, ko bose bakwiye kugira uburenganzira bungana.

Yavuze ko hamaze kwakirwa ibirego byinshi by’abinubira urusaku rukururwa n’insengero kandi ko hari n’abashoramari bafunze ibikorwa byabo kubera rwo.

Ati “Ibi ni ibirego tubona umunsi ku wundi. Hari benshi dufite bamaze kubaka amazu anagezweho ari n’abashoramari twabibashishikarije inzu zabo zikagera aho zifunga kubera urusaku. Hari ingero hirya no hino. Hari n’abadusaba ngo turashaka kuza gushora imari, muradufasha iki ngo tugire uburenganzira twe guhohoterwa?" Aha ni muri Gashyantare 2018 mu nama yari yahuje izi nzego:
Umunyamabanga wa Leta mushya muri Minisiteri y’Ubutegetsi bw’Igihugu (MINALOC) ushinzwe Iterambere ry’Abaturage, Cyriaque Harerimana, Minisitiri w’Ubutegetsi bw’Igihugu, Francis Kaboneka n’Umukuru w’Urwego rw’Imiyoborere (RGB), Prof Shyaka Anastase


Hari icyo itegeko rivuga

Ingingo ya 600 y’Igitabo cy’Amategeko ahana ibyaha ifite umutwe ugira uti “Urusaku rwa nijoro” igateganya ko “Umuntu wese ukora icyaha cyo gusakuza no gutera induru mu ijoro ku buryo bihungabanya umutuzo w’abaturage, ahanishwa igifungo kuva ku minsi umunani (8) kugeza ku mezi abiri (2) n’ ihazabu y’amafaranga y’u Rwanda kuva ku bihumbi mirongo itanu (50.000) kugeza kuri miliyoni imwe (1.000.000) cyangwa kimwe gusa muri ibyo bihano"

Ingingo y’108 y’ Itegeko Ngenga rigena uburyo bwo kurengera, kubungabunga no guteza imbere ibidukikije mu Rwanda iteganya ihazabu y’amafaranga y’u Rwanda kuva ku bihumbi icumi (10.000) kugeza ku bihumbi ijana (100.000).

Bamwe batangiye gushyira za Sound proof mu nsengero zabo, ubuziranenge buracyemangwa

Kuva muri Gashyantare 2018, ubwo hatangizwaga umukwabu udasanzwe wo gufunga insengero zitujuje ibisabwa benshi mu bakozi b’Imana n’abahagarariye insengero batangiye gushakisha uburyo bakuzuza ibyo basabwa n’inzego bwite za Leta zifite mu nshingano kugenzura ibisabwa kugira ngo idini cyangwa itorero ryemererwe gusengerwamo no gukorera mu gihugu.

Mu byo aba bayobozi b’amadini bakomeje gushakisha harimo gushyira ibyuma bifata amajwi mu nsengero zabo ‘Sound Proofs’ ariko nk’uko byaje kugaragara hari bamwe mu bari gukora ibi byuma byagaragaye ko bashobora guteza impanuka zitandukanye bakaba bashyira mu kaga ba nyir’izi nsengero

Kuwa 14 Werurwe 2018, nibwo inkongi y’umuriro yibasiye urusengero rwa ADEPR ruri i Gikondo mu Karere ka Kicukiro mu Mujyi wa Kigali rurashya bikomeye aho mu byashyizwe mu majwi y’icyateye iyi nkongi harimo kuba ari amasinga y’amashanyarazi yakoranyeho ubwo barimo bashyiramo ibyuma bifata amajwi bizwi nka ‘sound proof.

Ibyo kuba bamwe baraketse ko iyi nkongi y’umuriro yaratewe n’uko insinga zakoranyeho muri iki gikorwa cyo gushyiramo ibyma bifata amajwi, byagarutsweho n’Umuvugizi wa Polisi y’u Rwanda mu Mujyi wa Kigali, SSP Emmanuel Hitayezu wabwiye Ukwezi.com ko iyi nkongi yibasiye urusengero avuga ko yabayeho ubwo bari mu gikorwa cyo gushyiramo Sound Proof. Aha ni kuwa Gatatu tariki ya 14 Werurwe 2018, inkongi y’umuriro yibasiye urusengero rwa ADEPR rwa SGM ruri i Gikondo


INKURU ZA :
Tanga Igitekerezo
Ibitekerezo 1
uwayo Kuya 20-03-2018

ko uvuga itegeko ry’urusaku ukazana urwa nijoro gusa se niba bibujijwe gusakuza nijoro aba kumanywa barazira iki? ese iyi nkuru ko ntumva icyo ishaka kutugezaho wadusobanuriye neza

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...