konka coffee
KONKA

AMAKURU

UKWEZI

Urubanza rwa Bishop Sibomana, Rwagasana na bagenzi babo rwari buburanishwe mu mizi rwasubitswe

Urubanza rwa Bishop Sibomana, Rwagasana na bagenzi babo rwari buburanishwe mu mizi rwasubitswe
20-03-2018 saa 11:15' | By Vincent Nsengiyumva | Yasomwe n'abantu 3067 | Ibitekerezo 1

Bishop Sibomana Jean wari Umuvugizi wa ADEPR na bagenzi be barimo Tom Rwagasana baregwa kunyereza no gucunga nabi imutungo y’itorero bari bashinzwe bongeye kugaragara imbere y’urukiko kuri uyu wa 20 Werurwe 2018, ariko urubanza ntirwakomeza.

Ubwo aba bose uko ari batandatu bageraga imbere y’Urukiko rwa Gasabo ngo batangire baburanishwe urubanza mu mizi, hari abahageze badafite ababunganira biba intandaro yo gusubikwa kugira ngo nabo bashake abunganizi.

Aba baregwa kunyereza no gucunga nabi imitiungo y’itorero ni uwari Umuvugizi wa ADEPR, Bishop Sibomana Jean; Bishop Tom Rwagasana; Ushinzwe ubuzima bw’itorero ; Mutuyemariya Christine wari ushinzwe Ubutegetsi n’Imari; Sebagabo Léonard; Sindayigaya Théophile ndetse na Niyitanga Straton .

Nyuma yo gusanga bataburanishwa kubera ko bamwe muri bo batari bafite abunganizi, umucamanza uyoboyer urubanza yahise yanzura ko rugomba gusubikwa, rukazasubukurwa tariki ya 21 Kamena 2018 bose babonye ababunganira.

Muri Gicurasi umwaka ushize nibwo aba bari abayobozi ba ADEPR batawe muri yombi, nyuma ariko baza kurekurwa by’agateganyo kubera impamvu zitandukanye zirimo uburwayi nk’uko bamwe muri bo bagiye babigaragariza urukiko.

Aba bose, baregwa kuba baranyereje amafaranga y’itorero abarirwa muri miliyari eshatu n’imisago y’amafaranga y’u Rwanda, bakaba baregwa ko basabye abakirisitu b’iri torero gutanga amafaranga ngo bishyure umwenda bari barafashe muri BRD ariko aho kuyishyura bakayakoresha mu nyungu zabo bwite.

Nk’uko byasobanuwe n’Ubushinjacyaha, ngo hari abantu basinyirwaga amasheki y’amafaranga menshi n’abayobozi ba ADEPR bigaragara ko ari ayo bishyuwe na ADEPR cyane cyane ku bikoresho byubakishijwe Hotel Dove iri ku Gisozi, nyamara nyuma ngo abasinyiwe sheki bamaraga kubikuza ayo mafaranga bakayasubiza abayobozi bakayakoresha mu nyungu zabo bwite, mu gihe abayoboke bari barasabwe amafaranga bizezwa ko ari ayo guhita bishyura banki bari barafashemo umwenda.


INKURU ZA :
Tanga Igitekerezo
Ibitekerezo 1
UWAMUNGU Jean Baptiste Kuya 21-03-2018

IMANA NIYO IZI UKURI. ARIKO NAGIRA INAMA UMUKRISTO AHO AVA AKAGERA,KWITA KU IJAMBO RY’IMANA PAWULO YANDIKIYE ABAFIRIPI ,ABABWIRA KO IBYARI INDAMU YE YABITEKEREJE KO ARI IGIHOMBO KUBWA KRISTO. BYABA ARI IKIBAZO ABO BAHOZE ARI ABAYOBOZI B’ITORERO BARASUBIRAGA INYUMA BAKISUBIZA AMAFARANGA BAGARAGAJE KO AGIYE GUKORA IGIKORWA,NYAMARA NTAGIKORE.
DUKWIE GUHOMBA IBY’ISI KUGIRANGO TUZARAGWE UBWAMI BWO MU IJURU.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...