konka coffee
KONKA

AMAKURU

UKWEZI

Umurerwa Olive wapfakaye akiri umugeni, yasezeranye n’umusore Imana yamushumbushe - VIDEO

Umurerwa Olive wapfakaye akiri umugeni, yasezeranye n’umusore Imana yamushumbushe - VIDEO
24-01-2019 saa 18:58' | By Chief Editor | Yasomwe n'abantu 16414 | Ibitekerezo 10

Amateka y’ibyabaye kuri Umurerwa Olive, ni ubuhamya bwagiye bukora benshi ku mutima ariko ku batari bacye bikaba n’ikimenyetso cyo gukomera kw’amasezerano y’Imana. Yapfushije umugabo we bakimara gukora ubukwe, ahigira Imana ko atazigera ayijya kure nayo imusezeranya ko itazigera imutererana ndetse mu byo yamusezeranyije harimo no kongera gukora ubukwe, ubu umugabo yamushumbushe bakaba bamaze gusezerana imbere y’amategeko.

Tariki 12 Werurwe 2011 nibwo Umurerwa Olive yashyingiwe, akora ubukwe n’umusore wari umusirikare bamarana ibyumweru bibiri bari mu kwezi kwa buki hanyuma umugabo asubira mu kazi ariko muri Nzeri uwo mwaka aza gutabarukirayo atarongera kubonana n’uwari umugore we.

Ibi byabaye kuri Olive Umurerwa ni ibintu byamushenguye cyane kuko icyo gihe yari afite imyaka itarenga 24 kandi yari yarakuriye mu buzima butoroshye bw’ubupfubyi. Mu buhamya yagiye atanga mu myaka ishize, yagize ati: “Nabanye n’umugabo wanjye ibyumweru bibiri, nongera kumubona ngiye kumushyingura.”

Nyuma yo gupfakara ariko ntiyihebye ngo ahagarike umurimo w’Imana, dore ko ari umuhanzikazi akaba n’umuvugabutumwa mu itorero rya ADEPR. Asobanura ibyo yahigiye Imana yagize ati: “Naravuze ngo Mana, ngiye kukubaha nawe uzanyubahisha. Ntabwo nzitwara nabi, nzakomeza kwitwara nk’uko umugore ufite umugabo yitwara, noneho nzanarushaho kugirango izina ryawe ritazatukwa kubera njyewe. ”

Umurerwa Olive yakomeje kwihangana no kwitangira umurimo w’Imana mu kubwiriza ubutumwa cyane akoresheje indirimbo zihimbaza Imana, nyuma Imana iza kumusezeranya ko azabona undi mukunzi izamushumbusha bagakora ubukwe, ibyo Imana ikaba yaranatangiye kubisohoza kuko ubu yamaze gusezerana imbere y’amategeko mu murenge wa Kacyiru kuri uyu wa Kane tariki 24 Mutarama, ubu mu mategeko akaba ari umugore wa Biziyaremye J. M Vianney.

Mbere yo gusezerana imbere y’amategeko babanje gusobanurirwa icyo amategeko asaba abashakanye

Barahiriye imbere y’ibendera ko bazabana akaramata baranabisinyira

Nyuma yo gusezerana bishimiye ko babahaye agatabo gakubiyemo incamake y’amasezerano yabo

Bafashe amafoto y’urwibutso rw’ibihe byiza bagize hamwe n’inshuti n’imiryango

Nyuma yo gusezerana imbere y’amategeko, tariki 9 Gashyantare 2019, hazabaho imihango yo gusaba no gukwa izabera i Gikondo aho bakunda kwita i Gatagara, nyuma banasezerae imbere y’Imana mu rusengero rwa ADEPR SEGEM i Gikondo.

REBA VIDEO Y’IBYO OLIVE YATANGAJE HANO:

Umurerwa Olive yatangarije ikinyamakuru Ukwezi ko abantu benshi bazi amateka maremare n’ubuhamya bwe, yifuza ko bazanamushyigikira muri ibi byishimo by’ubukwe bwe, n’uwakenera ibindi bisobanuro cyangwa akaba yifuza kumurangira birenzeho ngo azifatanye nawe, ashobora kumuhamagara kuri telefone igendanwa 0783383130.


INKURU ZA :
Tanga Igitekerezo
Ibitekerezo 10
Janviere Kuya 13-02-2019

Biranshimishije cyane.Urugo ruhire , lmana uzakubakire uzabyare hungu na kobwa.

Twagiramungu Basile Kuya 27-01-2019

Nukuri imana ishyimwe kubwo kwiyubahisha kwayo kubwo imirimo nibitangaza ikoze natwe twifatanyije nawe muribyo byishimo tukurinyuma

Twagiramungu Basile Kuya 27-01-2019

Nukuri imana ishyimwe kubwo kwiyubahisha kwayo kubwo imirimo nibitangaza ikoze natwe twifatanyije nawe muribyo byishimo tukurinyuma

Twagiramungu Basile Kuya 27-01-2019

Nukuri imana ishyimwe kubwo kwiyubahisha kwayo kubwo imirimo nibitangaza ikoze natwe twifatanyije nawe muribyo byishimo tukurinyuma

Anselme Manirakiza Kuya 25-01-2019

Imana yacu ikunyuza ikunyuza mumataba mumisozi bikarangira igushikije kumasezerano yakugeneye kdi ibikora inyuranije nibyabanababantu
bakwibwiraho gusa byosebiva mukwizera nogusenga

HITAYEZU Kuya 25-01-2019

GISAGARA URABESHYA CYANE. NINDE WAKUBWIYE KO ABARI MU ITORERO BABA BAHUJE BOSE UKWIZERA ?? HABA HARI N’ABASHYITSI BATABARIZWA MURI IRYO DINI. KUKO MU MUCO TUGIRA HARIMO NUWO KWAKIRA ABASHYITSI. KANDI SIKO BOSE BIGARAGAZA. KANDI SIKO TWESE TWUMVA IBINTU KIMWE. HARI ABARYA BYOSE HARI NABAJONJORA. ABARAMIZWA AMATA NK’ABANA ,N’ABARYA IBIKOMEYE.

gisagara Kuya 25-01-2019

Ariko ntitukavangire Bible.Uyu mudamu,aravuga ko ari "Umuvugabutumwa" muli ADEPR.Kubwiriza abantu nkuko Yesu n’Abigishwa be babigenzaga,bisobanura "kungurana ibitekerezo" n’abantu mudahuje idini (Ibyakozwe 17:17).Kujya imbere y’abantu muhuje idini ukavuga,ntabwo ari ukubwiriza.Kubera ko muba muhuje ukwemera.Yesu n’Abigishwa be,basangaga abantu mu mihanda,mu ngo zabo,mu masoko,etc...bakababwiriza.Uwemeraga ibyo bavuga,yahinduraga idini rye,akabakurikira,kuko yumvaga aribo bafite ukuri.Ikindi kandi,nta cyacumi basabaga nkuko amadini y’iki gihe akora.Ahubwo bashakaga umwanya bagakora n’akazi gasanzwe,kugirango babeho.Soma muli Ibyakozwe 20:33 wumve uko Pawulo yabigenzaga.Uko niko kubwiriza.

Alice Kuya 25-01-2019

Ubonye umugabo w’umwana mwiza!
Jean Marie n’agapfubyi kagenzi kawe!

Firimini Kuya 25-01-2019

Nukuri isezerano ryimana rirasohoye,imana icyoyavuze naho cyatinda ntikizahera,oriva yarihanganye pe

Passy Kuya 24-01-2019

Imana yacu ni iyo kwizerwa. Urugo ruhire mubyeyi. Imana ihemba neza ntiyambura, kdi uyubahishije na yo iramwubahisha.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...