AMAKURU

UKWEZI
ubumwe

Sobanukirwa uko kumvira uwo mwashakanye n’abakuyobora byakugeza ku mugisha uturuka ku Mana

Sobanukirwa uko kumvira uwo mwashakanye n’abakuyobora byakugeza ku mugisha uturuka ku Mana
19-02-2019 saa 18:03' | By Chief Editor | Yasomwe n'abantu 5676 | Ibitekerezo 2

Iyo witegereje muri iyi uminsi, usanga abantu bari kwicanga mu buzima bitewe n’uko Satani yadusutse umudayimoni mubi wo gushaka kutumvikana n’ abandi. Bityo uwo mudayimoni wo “gupinga” ukaba ugiye kumara ingo uzisenya ndetse abandi muri rusange bakaba bari mu bibazo bigiye bitandukanye.

Uyu munsi wa none ndagirango nkwibutse ingorane zituruka mu gupinga cyangwa mu kutumvikana. Ndashaka kwifashisha inkuru iboneka mu gitabo cyo Kuva igice cya kane, umurongo wa 18 kugeza kuwa 26. Reka ntangirire ku murongo wa 24 “Bukeye mu rugendo, Imana isanga Mose mu ndaro yarayemo ishaka kumwica. Maze Zipora umugore we afata isarabwayi akeba umunwa w’ icyo umwana yambariyeho awujugunya imbere ya Mose aramubwira ati” Ni ukuri umbereye umugabo uvusha amaraso. Imana ireka kwica Mose, maze umugore wa Mose aramubwira ati” Uri umugabo uvusha amaraso! Gukeba abana ni ko nkwitiriye gutyo.”

Mose yari amaze kubwirwa n’ Imana gusubira muri Egiputa, yemera gusiga ibikorwa bye aho, asiga sebukwe wamufashije mu bibazo yari afite. Kandi nabwo akigera no muri Egiputa hamwe n’ umuryango we yahisemo kujya aho Imana yamutumye kwa Farawo kurekura ubwoko bwayo kujya kuyikorera.

Ibi bitwereka ukumvira gukomeye kwa Mose. Ushobora kwibaza impamvu Imana yashatse kumwica? Ni kuyihe mpamvu Imana yashatse kwica umuntu yahamagaye kandi akagaraza intambwe yo kubaha?

Nawe muri aka kanya ushobora kwibaza impamvu uhura n’ ibibazo bigiye bitandukanye, uburwayi, vurugusi muri family yawe, kubura akazi, kwangwa n’ ibindi.... kandi ugerageza kumvira Imana. Warabatijwe, ujya gusenga buri gihe cy’amateraniro ariko uribaza uti kubera iki n’ ibi bibazo?

Mu gusobanukirwa biradusaba kongera gusoma umurongo wa 25 na 26 aho umugore wa Mose yakebaga icyo umwana wabo yari yambariyeho maze akakijugunya imbere y’ umugabo we Mose, birumvikana ko yari afite n’umujinya agahita amubwira ko ari umugabo uvusha amaraso kubera ko umugabo we yari amaze gukeba uwo mwana nk’uko imyizerere y ‘Abayisiraheli yari imeze kandi akaba ari yo mpamvu Imana yari igiye kumwica kubera ko atabikoze.

Iyo usomye Bibliya ku bijyanye na Mose itubwira ko Mose yari afite abana 2 b’abahungu. Umwe akaba yaritwaga Gerishomu undi akitwa Eliyezeri ( Kuva 18:3-4).

Ikibazo ushobora kwibaza; kuki Mose yakebeye umuhungu we mu nzira? Bibiliya itubwira ko umwana wabo yavutse mbere yo gushakana kwabo maze Mose amwita Gerishomu bisobanura “ Nabaye umwimukira mu kindi gihugu “ Muri icyo gihe Mose yamaze guhamagarwa ubwa kabiri bishaka kuvuga ko yari amaze kongera kuyoborwa n’ amategeko y’ Imana ye kandi ko agomba gusubira muri Egiputa. Amategeko y’ abayisiraheli yavugaga ko umwana w’ umwisiraheli agomba gukebwa ku munsi wa munani avutse. Bakurikije amategeko Imana yahaye Aburahamu.( intangiriro 17: 10-14)

Mose yashatse kumukeba akurikije imigenzo n’ imico y’ iwabo mu bwoko bwe , ariko umugore we yakomokaga mu bundi bwoko ( abamidiyani) kandi bakaba batari bafite iyo migenzo. Mu gusobanukirwa abo bamidiyani ni abantu bakomotse ku mugore wa kabiri wa Aburahamu witwaga Keturah, abo ntabwo bahawe itegeko ryo gukeba abana babo nk’iryo Mose yari afite.

Imico cyangwa imigenzo ya Mose yari itandukanye n’iy’ umugore we Zipora. Ibibazo byahise byinjira mu rugo rwabo, Mose yari akunze gukeba umwana we, umugore we ati: Ubikore niba ari wowe watwise ukamumarana amezi 9 mu nda wibeshye ubikore (Never Never......) Mose arashoberwa ariko ageze aho Nyir’amategeko amanukiye ndetse ashaka kumwica aratinyuka.

Nigeze mpura n’ikibazo nk’iki n’umugore wanjye nari nagambiriye kwita umwana wanjye Yakobo (James) umugore ati ntibishoboka abana bose bafite izina ryawe ( Nibintije) ikigeretse n’ amazina ya gikristo ni wowe wayabise nk’umukuru w’ umuryango. Ati uyu mwana we ninjye umwita izina ry’irikristo niba atari ibyo kano kanya reka nguhe uyu mutwaro nikoreye uwikorere wumve iraha twabarushije. Ubwo nabuze icyo mvuga. Hashize igihe nibwo namubwiye ko iryo zina rye yarigira izina ryo hagati (middle name) ntiyabyumva ndamwihorera. Igihe cyo kubyara kigeze, bamubajije amazina arabasubiza ati: yitwa Nibintije William James. Ikibazo gikemuka gutyo.

Tugaruke ku nkuru yacu, Mose yari yongeye gusubira mu nzira y’Imana kandi agomba gukora icyo Imana ishaka atari cyo umwana w’umuntu ashaka. Ku mugore we yabonaga atari ibintu byiza kubabaza umwana we. Nawe iyumvishe iyo shusho yabyo. Umwe aranezerewe kuko yumviye Imana kandi ko yongeye gukora ibijyanye n’ imico yabo undi nawe arababaye kubw’ umwana we bavushije amaraso ari no kurira, byari no gutuma Zipora yanarwana n’ umugabo we nyuma yo gukeba uwo mwana.

Nyuma yo gukeba umwana wa mbere akabyiihorera ariko akababarira mu mutima, ndizera ko yegereye umugabo we Mose, maze akamubwira ati” uzi uko nkubaha, uzi ukuntu ngufata neza mu nshingano zanjye, Ndagukunda, ariko ndakwingize ntuzongere gukora ikintu nk’iki ku wundi mwana tuzabona.” Birashoboka ko igihe umugore we yapfukamaga ari kubyara uwo mwana wa kabiri yahise arahira avuga ati: Nta rwembe, nta cyuma kizakora kuri uyu muhungu. Nta gukebwa .( No.... Circumcision again! I don’t care what God said). Nyuma aho agaruye ibyo gukeba umwana. Birumvikana na Mose yaramuhendahenze ngo yubahiriza amasezerano y’Imana ariko undi amwereka ko atabishyigikiye, Mose arumirwa arabyihorera ntiyakeba yica isezerano ryabo ryo gukeba umwana w’umuhungu.

Mose yumviye Imana hafi 95% ariko ntabwo ari 100%. Mose yapinze imwe mu bigenga umukristu ndetse Imana ishaka no kumwica. Mose yumviye Imana ariko umuryango umubera ibamba.

Kubaha Imana 95%, kubaha ubuyobozi bw’ igihugu cyangwa ubuyobozi bw’ itorero ryawe 95% , Kubaha umugabo wawe, umugore wawe cyangwa ababyeyi bawe 95% ntabwo bihagije biragusaba kubaha 100%. Narangiza ngusaba kuda pinga ukwizera ( Doctrines) kwawe muKristo bitewe n’ibigukikije cyangwa ibyo ubona, bitewe n’ibyo wifuza kugeraho ariko bikaba bihabanye n’ iby’Imana ishaka. Ni icyaha, Imana irabyanga. Ikibazo kuri twe ni uko dukora ibintu byiza mu nguni imwe y’ubuzima bwacu mu gihe Imana yacu yo ireba inguni zose zigize ubuzima bwacu.

Reka ndangize nguhaye Urugero rw’ umwami Sawuli, umwami wa mbere w’ abayisraheli. Imana yaramubwiye iti “Sha ndabona abamalekites bafite umugambi mubi kuri wowe n’igihugu cyawe none ndagirango ugende ubatange, ubatere kandi nugerayo ikintu cyose cyabo uzasige ucyangije kuko niwo murengwe bafite. Ariko ndakubujije ntuzagire icyo uzazana hano muri kino gihugu cy’ubwoko bwanjye.”

Sawuli ati: Ndabyumva mugaba mukuru w’Ingabo! Uzi mpamvu? Ni uko Sawuli yari aziko atatsinda urwo rugamba ahubwo ko Imana ari yo izarurwana. Umugabo muzima agezeyo Imana imaze kurangiza urugamba nawe ati “ Reka da ntibishoboka izi mari ntazitwaye naba ndwaye mu mutwe, umuhungu muzima abwira abahungu be ati “ muracyakora ki? Abahungu ku mari nabo babikora bwangu.

Ntibageze mu gihugu cyabo n’Imari, Samuel umuhanuzi w’Imana nawe aba ateye amatako kwa Sawuli, abaza uko urugamba rwagenze nabo bamubwira ko byagenze neza, undi ati Nibyo ariko se kuki wasuzuguye Imana? (1Samuel 25:18-23) Sawuli nawe Ndumva ibyo nakoze nta muntu utari kubikora. Aha muri macye Samweli yagaragarije Sawuli ko kubera ibyo yakoze byo kwanga kumvira, iby’ubwami bwe bigiye kuba amateka.

Mukristo, Mwenedata, nawe muntu wese Imana iyobora mu gusoma kino kigisho, uyu munsi usomye iyi nkuru, reka dufate icyemezo cyo kudapinga icyo ijambo ry’Imana ritubwira. Ushobora kuba uri umukozi w’ Imana, ushobora kuba uri umukozi wa Leta, Ushobora kuba uri umwe muri family yawe cyangwa se ku baturanyi bawe, ku ishuri se ariko ndakubwiye uyu mwanya, Ntugapinge(NEVER COMPROMISE ) ibyo usabwa gukora n’Imana yawe ( ijambo ry’ Imana), igihugu cyawe, ishuri ryawe, abaturanyi bawe, uwo mwashakanye ndetse n’ababyeyi bawe. Imana iguhe umugisha.

Iri jambo muritegurirwa kandi mukarigezwaho na Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika.

Tel: +14128718098
Email: estachenib@yahoo.com


INKURU ZA :
Tanga Igitekerezo
Ibitekerezo 2
BARACK Kuya 28-03-2019

EGO INYIGISHO ZANYU NINZIZA ARIK MPORA NIBAZA KUGUTANGA IKIIIGO KUBAKRISTO MUSHINGIYE KO NGO YESU YIGISHAGA ,AKO SE MUGIHE CYIWE UBUKRISTO BWABAGAHO KO TUREBYE IMYIGISHIRIZE YE ATAHO IHURIYE NIYABAKRISO? DUSOME BIBLE NEZA DUSOBANUKIRWE

mazina Kuya 21-02-2019

Abantu benshi muli iki gihe bitwa Abakozi b’Imana.Mbese mwaba muzi icyo bisobanura dukurikije Bible?Muli Yohana 14:12,Yesu yasabye abakristu nyakuri bose gusigara bakora UMURIMO yakoraga wo "Kubwiriza ubwami bw’Imana".Bidusaba kuwukora nkuko Yesu n’Abigishwa be bawukoraga.Icya mbere,Yesu yadusabye gukorera Imana ku buntu nkuko Matayo 10:8.Tudasaba umushahara ku kwezi.Pawulo yaduhaye urugero muli Ibyakozwe 20:33.Nubwo yirirwaga mu nzira no mu ngo z’abantu ababwiriza,nta na rimwe yabasabaga amafaranga.Ahubwo yafatanyaga uwo murimo n’akazi gasanzwe kugirango abeho.Yabohaga amahema akagurisha.Umukozi w’Imana nyakuri nawe niko abigenza.Nta mafaranga asaba abayoboke.Iyo wahaga amafaranga Abigishwa ba Kristu,barakubwiraga ngo "Uragapfana n’ayo mafaranga yawe".Bisome muli Ibyakozwe 8:18-20.Kwiyita Umukozi w’Imana,ariko mu byukuri ugamije Ifaranga,Bible ibyita kuba "umukozi w’inda yawe".Soma Abaroma 16:18.Ntitugapfe kwemera abiyita abakozi b’Imana.Mutabahaye amafaranga ntimwakongera kubabona.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...