konka coffee
KONKA

AMAKURU

UKWEZI

Patient Bizimana ari gutegura igitaramo gikomeye azahuriramo n’umuhanzikazi rurangiranwa Sinach

Patient Bizimana ari gutegura igitaramo gikomeye azahuriramo n’umuhanzikazi rurangiranwa Sinach
6-03-2018 saa 11:45' | By Muhizi Olivier | Yasomwe n'abantu 1401 | Ibitekerezo

Icyamamare mu ndirimbo zo kuramya no guhimbaza Imana mu Rwanda, Patient Bizimana, ari gutegura igitaramo cy’Imbaturamugabo kizabohokeramo imitima ya benshi, akaba yaratumiyemo umuramyi ukomeye ku mugabane wa Afurika, wo muri Nigeria uzwi nka Sinach.

Uyu muhanzikazi utegerejwe na benshi bakunda indirimbo zo kuramya no guhimbaza Imana , Osinach Kalu uzwi nka Sinach yamenyewkanye cyane mu ndirimbo zinyuranye zagiye zikora ku mitima ya benshi nka ‘I know who I am’ n’izindi.

Kuri uyu wa mbere tariki 5 Werurwe 2018, Patient Bizimana afatanyije na Mushyoma Joseph uzwi ku izina rya Bubu, bagiranye ikiganiro n’abanyamakuru ndese basobanura na gahunda y’igitaramo cya Easter Celebration kizitabirwa na Sinac.

Patient Bizimana yavuze ko imyiteguro igeze kure ndetse anatangaza ko kuzana Sinach ari uko afite indirimbo zifasha abantu benshi kandi akaba ari umuntu ureberwaho na benshi mu bahanzi baririmba indirimbo zo kuramya no guhimbaza Imana.

Yanavuze ko yashatse kwagura ‘Easter Celebration’ muri rusange dore ko imaze kuba ikintu kinini.

Yagize ati " Nabanjirije kuri ba Appolinnaire ba hafi bo muri East Africa, ubu hazaza Sinach ufite indirimbo zifasha abantu benshi…yagiye aba urugero rwiza ku bantu benshi bakora umuziki wa Gospel.Iki gitaramo kigomba kugerar ku rwego rwa Afurika akaba ari nayo mpamvu namuhisemo. Uyu mwaka ufite umwihariko wawo haba mu buryo buri tekinike ndetse n’abo tuzafatanya."

Bubu uyobora EAP yatangaje ko bo bazafasha Patient kuzategura igitaramo muri rusange, haba mu mitegurire n’indi mirimo yose yo mu gitaramo yaba ijyanye n’amajwi, imyinjirire, amatara n’ibindi.

Abahanzi b’ibyamamare mu Rwanda nka Israel Mbonyi na Uwimana Aime nabo bari mu bazafasha Patient muri Easter Celebration 2018.

Patient yanatangaje ko ari gutegura Album izaba ivuga ku musaraba gusa izasohoka muri 2019. Zimwe mu ndirimbo zizaba ziriho zizaririmbwa muri icyo gitaramo.

Sinach azagera mu Rwanda tariki 30 Werurwe 2018 azanye n’abantu 13 bazamufasha. Iki gitaramo giteganyijwe kuba tariki ya 1 Mata 2018 kikazabera muri ‘Parking ya Stade Amahoro’.

Easter Celebration Concert 2017 yabereye muri Hotel Radisson Blu tariki 16 Mata 2017. Marion Shako wo muri Kenya na Appolinaire w’i Burundi nibo baherukaga kuza gufasha Patient Bizimana muri iki gitaramo.

Osinach Kalu uzwi nka Sinach ni muntu ki ?

Umwanditsi w’indirimbo ndetse akaba ari umuramyi uyobora abandi muri Believers Loveworld , itorero riherereye i Lagos muri Nigeria. Indirimbo ze nyinshi zikunda gukoreshwa mu nsengero zinyuranye mu mwanya wahariwe kuramya no guhimbaza Imana.

Yamenyekanye cyane mu ndirimbo nka ‘WayMaker’, ‘Great Are you Lord’, ’Rejoice’, He did it Again, Precious Jesus, The Name of Jesus, This Is my Season, Awesome God, I stand Amazed , Simply Devoted, Jesus is Alive n’izindi.


Patient Bizimana yavuzeko igitaramo cya Easter Celebration kimaze kugera ku rwego rwa Afurika


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...