konka coffee
KONKA

AMAKURU

UKWEZI

Nyamasheke: Insengero 95 zafunzwe hari n’izakoreraga mu ngo zafunzwe burundu

Nyamasheke: Insengero 95 zafunzwe hari n’izakoreraga mu ngo zafunzwe burundu
7-03-2018 saa 13:25' | By Akayezu Jean de Dieu | Yasomwe n'abantu 4370 | Ibitekerezo 9

Nk’uko byatangijwe n’Ikigo cy’Igihugu cy’Imiyoborere RGB, muri gahunda ya Leta yo kugenzura amadini n’amatorero akorera ahatujuje ibisabwa, Ubuyobozi bw’akarere ka Nyamasheke bwafunze by’agateganyo insengero 95 zirimo n’izakoreraga mu ngo (inzu zo guturamo) zafunzwe burundu.

Ibi byaje nyuma y’uko mu Cyumweru gishize ubuyobozi bw’aka karere bwagiranye ibiganiro n’abahagarariye amadini n’amatorero aho hari bamwe mu bayobozi b’amadini nabo bemeje ko zimwe mu nsengero zikorera ahantu hadakwiye bityo ubuyobozi bw’aka karere buboneraho gufata uyu mwanzuro wo gufunga izi nsengero zitujuje ibisabwa.

Umuyobozi w’akarere ka Nyamasheke wungirije ushinzwe imibereho myiza y’abaturage, Mukamana Claudette yabwiye Ukwezi.com ko iyi gahunda yatangiye mu mpera z’icyumweru gishize aho izisaga 95 zimaze gufungwa ndetse kugeza ubu iyi akaba ari gahunda igikomeje ahashobora gufungwa n’izindi.

Visi Meya Claudette kandi yakomeje avuga ko hari zimwe muzo bafunze zakoreraga mu ngo z’abaturage, izi zo zikaba zarafunzwe burundu hakaba n’izikorera mu kajagari zahawe iminsi 15 yo kuba zujuje ibisabwa.

Yagize ati “Hari tuvuge wenda nk’amatorero aba afite ibyangombwa akaba afite nk’icyemezo cya RGB ariko aho akorera hadatunganye, izo rero twarazifunze ariko birashoboka ko bashobora kubaka bakazikora neza bagakosora n’ibyo batujuje bakaba basubira kwaka ibyangombwa bakongera bagakora, ariko hari n’izo twasanze mu ngo zikorera mu kajagari izo twazifunze burundu”

Visi Meya Claudette yakomeje avuga ko abantu bagomba kwirinda akajagari kandi aho urusengero ruri abanyamadini n’amatorero bakumva ko ah umuntu asengera hagomba kuba hujuje ibisabwa, hari ubwiherero, imbere hakaba hasohora umwuka n’icyumba abantu basengeramo kikaba cyisanzuye.

Mu mpera za Gashyantare 2018, nibwo Ikigo cy’igihugu cy’Imiyoborere RGB, ku bufatanye n’ubuyobozi bw’Umujyi wa Kigali batangiye ibi bikorwa byo kugenzura insengero n’amatorero akorera ahantu hatujuje ibyangombwa aho izirenga 700 zafunzwe mu turere dutatu tugize Umujyi wa Kigali.


INKURU ZA :
Tanga Igitekerezo
Ibitekerezo 9
Bituga Kuya 14-03-2018

Nkeka ko nihubahirizwa ibyo bashingiraho ibyo bashingiraho mugufunga amasengero hashobora gufungwa n amazu akoreramo inzego zinyuranye za leta si non haba harimo kwigiriza nkana kuri bamwe.

mwene kalisimbi kidume Kuya 12-03-2018

dusengele abigize abalyi bamatulo bigize abanyabyenge kyane bakabijepe twetulikwisuka tuliguhinga bobalinze ngotweze tubajanile kwaheli leta ikomeleze aho tulikumwenayo

Marie Mukamana Kuya 9-03-2018

Nibazifunge kuko byabaye business, bareke kwirirwa babuza abantu gukora ngo barabahanurira kandi ari imitwe. Leta y’u RWANDA bravoooo

innocent HAKIZIMANA Kuya 8-03-2018

Ibi leta yakoze nibyo Pe Nina byiza cyane ndabashyigikiye
bakomereze aho
kuko insengero ntizikwiye kubakwa (gukorera mu Bantu)
icyambere. barasakuza.
ubu yobozi bukomereza aho
arko let’s irebe no kukibazo
cyo kubaka iminara mubaturage
nziko ataribyiza kubuzima bwa muntu
saw a murakoze kutugezaho amakuru imana ikomeze ibarinde nyobozi ya karere kacu hose.

dada Kuya 7-03-2018

mubareke bihangiye umurimo barye iby indangare none mushaka ko bajya kwiba?????????????

dada Kuya 7-03-2018

abapasitoro baraba bate ko bigize abaryi b amaturo?????????????????

gasana Kuya 7-03-2018

Ariko ubundi idini rigera aho kuba mu nzu y’umuntu rite? Yewe aka ni akumiro koko. Mu nzu kandi nta byangombwa, ubu se ahubwo mubwirwa niki ko ibyo bavugira munzu bifitanye isano no gusenga. Aho niho rero abakobwa batwarira inda ndetse nibindi bihabera umuntu atamenya. Nibaduhe n’abapasteur babyize rero kugira ngo umuntu nafatwa yigisha ibinyuranye nibyo Imana cyangwa agandisha abibazwe nkubisobanukirwe koko.

Nsabimana Eldad Kuya 7-03-2018

Jyewe ndabona ibisabwa ari byinshi kandi bimwe biragoye kubibona. Harasigara mbarwa

Nsabimana Eldad Kuya 7-03-2018

Jyewe ndabona ibisabwa ari byinshi kandi bimwe biragoye kubibona. Harasigara mbarwa

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...