AMAKURU

UKWEZI

Leta y’u Rwanda yatanze ikiruhuko cy’Umunsi wa Gatanu Mutagatifu

Leta y’u Rwanda yatanze ikiruhuko cy’Umunsi wa Gatanu Mutagatifu
29-03-2018 saa 10:35' | By Akayezu Jean de Dieu | Yasomwe n'abantu 1720 | Ibitekerezo

Leta y’u Rwanda yatanze ikiruhuko ku bakozi bayo by’umwihariko abemera Yezu Kirisitu bizihiza Umunsi wa Gatanu Mutagatifu aho baba bibuka ububabare bwa Yezu, bakazirikana urupfu rwe ariko bakongera kwishimira kuri Pasika kuko ngo aribwo Yezu ava mu bapfuye akazuka

Kuri uyu munsi wa Gatanu Mutagatifu’Good Friday’ , I Yeruzalemu, buri mwaka, ibihumbi n’ibihumbi baba baturtse hirya no hino ku isi bakora inzira y’umusaraba urugendo runyura aho bemera ko Yezu yanyuze hose ahetse umusaraba, kugera ku gasozi yabambweho n’umurambo we washyinguwe.

Iyi mbaga y’abakirisitu iba yitabiriye iki gikorwa uba usanga hari bamwe muri bo baba bahetse umusaraba biganye uburyo Yezu yabigenje. Muri uru rugendo rutari ruto bakora baba bagenda baririmba banasoma Bibiliya mu rwego rwo kwibuka ububabare bwa Yezu Kirisitu.

Abakirisitu Gatolika bemera ko mu ijoro ryo kuri uyu wa Gatanu Mutagatifu aribwo Yuda yagambaniye Yezu. Uyu munsi kandi nibwo Yezu yagejejwe imbere ya Pilato ari nabwo yakaitiwe igihano cyo kubambwa arakubitwa ajombagurwa amahwa aramanikwa hanyuma aricwa.

Minisiteri y’abakozi ba leta n’umurimo mu Rwanda, ibinyujije ku rukuta rwayo rwa Twitter yatangaje ko yatanze ikiruhuko kuri uyu wa Gatanu Mutagatifu uzizihizwa tariki 30 Weurwe 2018.

Kuri iki Cyumweru tariki 1 Mata 2018, nibwo abakirisitu bizihiza umunsi mukuru wa Pasika ari nabwo haba hizihizwa Izuka rya Yezu. MIFOTRA kandi yavuze ko kuwa mbere tariki 2 Mata ari umunsi w’ikiruhuko cya Pasika


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...