konka coffee
KONKA

AMAKURU

UKWEZI

Kigali: Urusengero rw’Abadivantisiti b’Umunsi wa Karindwi rwafunzwe mu zitujuje ibisabwa

Kigali: Urusengero rw’Abadivantisiti b’Umunsi wa Karindwi rwafunzwe mu zitujuje ibisabwa
10-03-2018 saa 12:27' | By Akayezu Jean de Dieu | Yasomwe n'abantu 9906 | Ibitekerezo 2

Kuwa Gatanu tariki 09 Werurwe 2018, ubuyobozi bw’akarere ka Nyarugenge bwafunze urusengero rw’Idini y’Abadivantisiti b’Umunsi wa Karindwi ruherereye I Nyamirambo mu karere ka Nyarugenge, Umujyi wa Kigali. Ni nyuma y’ubugenzuzi bwakozwe n’ubuyobozi bw’umurenge wa Nyamirambo bikagaragara ko urusengero rutujuje ibisabwa.

Nk’uko bigaragara mu itangazo ryashyizwe kuri uru rusengero rikaba ryashyizweho umukono n’Umunyamabanga Nshingwabikorwa w’Umurenge wa Nyamirambo, Uwamwiza Marie Chantal, ngo ubugenzuzi bwakozwe n’uyu murenge hari ibyo bwasanze uru rusengero rutujuje bityo ruba rufunzwe mu gihe ibyo bisabwa bitari byaboneka.

Iri tangaza rimanitse kuri uru rusengero rigira riti “Turamenyesha ko uru rusengero rufunzwe n’ubuyobozi bw’umurenge wa Nyamirambo nyuma y’ubugenzuzi bwakozwe tariki ya 09/03/2018 n’umurenge wa Nyamirambo, rukaba ruzafungurwa nyuma yo kugaragaza ko rwubahirije ibyo rwasabwe n’abagenzuzi”

Mu mpera za Gashyantare 2018, nibwo Ikigo cy’igihugu cy’Imiyoborere RGB, ku bufatanye n’ubuyobozi bw’Umujyi wa Kigali batangiye ibi bikorwa byo kugenzura insengero n’amatorero akorera ahantu hatujuje ibyangombwa aho izirenga 700 zafunzwe mu turere dutatu tugize Umujyi wa Kigali.

Ifungwa ry’izi nsengero kandi ryakurikiwe n’itabwa muri yombi rya bamwe mu bakozi b’Imana barimo na Bishop Rugagi aho bivugwa ko bakurikiranyweho gukoresha inama mu buryo bunyuranije n’amategeko no kurwanya ububasha bw’amategeko.

Icyo gihe umuvugizi wa Polisi y’u Rwanda CP Theos Badege yari yabwiye Ukwezi.com ko nyuma y’aho hahagaritswe insengero zitujuje ibisabwa, byaje gutahurwa ko bamwe mu bayobozi b’amatorero baremye itsinda bagatangira n’inama zitemewe bagamije gutambamira cyangwa kunaniza iyubahirizwa ry’amategeko.


INKURU ZA :
Tanga Igitekerezo
Ibitekerezo 2
Paup Kuya 11-03-2018

Arko hari insengero ubona ukumirwa ibyazo umuntu ashwana nundi agashinga urusenfero abagore bakirirwa mumenshi asashinga

gasna Kuya 11-03-2018

Erega abapasteur batwaye amafranga bakayagura za V8 bakaniyubakiramo amazu i Nyarutarama n’ahandi nibabigurishe babigarure byubake inzu z’Imana. Nta buryo waba ufite insengero z’umusaka ufite amazu i Nyarutarama n’ahandi ukaba umaze kugira amazu ane atanu kandi abantu basengera mu musaka. Iki ni igihe Imana ibahaye ngo bicuze ibyaha bagarura ibyo batwaye mu buryo butemewe n’amategeko.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...