konka coffee
KONKA

AMAKURU

UKWEZI

Kicukiro: Insengero 217 zirimo n’imisigiti zafungiwe kutuzuza ibisabwa -Amafoto

Kicukiro: Insengero 217 zirimo n’imisigiti zafungiwe kutuzuza ibisabwa -Amafoto
11-03-2018 saa 18:26' | By Akayezu Jean de Dieu | Yasomwe n'abantu 7016 | Ibitekerezo 5

Mu mirenge itandukanye y’akarere ka Kicukiro zimwe mu nsengero zikorera ahatujije ibisabwa zamaze gufungwa n’ubuyobozi bw’imirenge aho zimwe muri izi nsengero zafunzwe harimo n’ahasengera Abayisiramu hazwi nk’umusigiti.

Ushinzwe itumanaho no gutanga amakuru mu karere ka Kicukiro, Munyaneza Deo, yabwiye Ukwezi.com ko kugeza ubu muri aka karere hamaze gusurwa insengero zigera kuri 365 ari nazo zimaze gukorerwa ubugenzuzi n’ubuyobozi bw’aka karere.

Muri izi zose zasuwe izigera kuri 217 zamaze gufungwa kubwo kuba ubuyobozi bwarasanze hari ibyo zitujuje birimo; Kugira icyangombwa gitangwa na RGB, Ubwiherero buhagije, parikingi, ibyuma bitangira amajwi (Sound proof), ibyumba bingana n’umubare w’abateranira muri izi nsengero no kuba zubatse ahantu hagenywe hatari mu nzu zo guturamo cyangwa hagati mu ngo z’abantu.

Ikibazo cyo gufungwa kwa zimwe mu nsengero gikomeje gufata indi ntera mu gihe abahagarariye aya madini n’amatorero nabo bakomeje kugenda bashaka umuti nk’uko bigaragarira mu myanzuro (Ukwezi.com dufitiye Kopi) y’inama y’igitaraganya yahuje abayobozi ba ADEPR ku rwego rw’Umujyi wa Kigali aho bagaragaza insengero zizifashishwa mu gihe zimwe zafunzwe kandi bakanasaba abakirisitu kwitwararika

Imyanzuro y’Inama ihuje Buro Nyobozi ya ADEPR n’Abashumba b’Ururembo rw’Umujyi wa Kigali(Région, District na Paruwasi) ku ikibazo cy’insengero zafunzwe zitazasengerwamo ku Cyumweru.


1. Paruwasi Masaka(yose) bazasengera Gasabo muri Paruwasi Rusororo ku Umudugudu wa Kabuga Ville guhera saa 10h15.

2. Paruwasi Ruyaga nifungirwa izasabirwa gusengera mu Ururembo rw’Iburasirazuba,Akarere ka Rwamagana Paruwasi Nyakariro.

3. Paruwasi Gatenga nidafungurirwa izajya guteranira Kicukiro Shell guhera saa12h15.

4.Paruwasi Nyarugenge izajya gusengera kuri Dove Hôtel 8h00-12h00.

5 -Umudugudu wa International uzateranira kuri Dove Hôtel 07h00-09h00.

6.Paruwasi Nyakabanda niba idafunguriwe bazateranira Kimisagara(Kove)12h15.

7 Paruwasi ya Cyahafi nibadafungurirwa bazateranira ku Muhima saa(12h15).

8. Umudugudu wa Kiruhura(Paruwasi Muganza)Uzateranira ku Umudugudu wa Rubonobono(Paruwasi Gatsata,Akarere la Gasabo)saa12h15.

- Mukomeze kwitwara neza muri iyi gahunda kugeza igihe ibisabwa bizaboneka.

- Mukomeze gukora ibisabwa kugirango mufungurirwe.

- Ibindi bibazo byavuka kubera izi mpinduka Abashumba babikemura bafatanije nabayobozi b’Uturere.

Murakoze

Mu mpera za Gashyantare 2018, nibwo Ikigo cy’igihugu cy’Imiyoborere RGB, ku bufatanye n’ubuyobozi bw’Umujyi wa Kigali batangiye ibi bikorwa byo kugenzura insengero n’amatorero akorera ahantu hatujuje ibyangombwa aho izirenga 714 zafunzwe mu turere dutatu tugize Umujyi wa Kigali.

Ifungwa ry’izi nsengero kandi ryakurikiwe n’itabwa muri yombi rya bamwe mu bakozi b’Imana barimo na Bishop Rugagi aho bivugwa ko bakurikiranyweho gukoresha inama mu buryo bunyuranije n’amategeko no kurwanya ububasha bw’amategeko.

Icyo gihe umuvugizi wa Polisi y’u Rwanda CP Theos Badege yari yabwiye Ukwezi.com ko nyuma y’aho hahagaritswe insengero zitujuje ibisabwa, byaje gutahurwa ko bamwe mu bayobozi b’amatorero baremye itsinda bagatangira n’inama zitemewe bagamije gutambamira cyangwa kunaniza iyubahirizwa ry’amategeko.

Uyu musigiti uri mu Murenge wa Kanombe, akarere ka Kicukiro ni hafi gato na Hiltop Hotel Uru ni urusengero rw’itorero Deliverance ruri mu Murenge wa Nyakabanda, aha ni inyuma mu harwo Urusengero rw’Itorero Deliverance narwo rwafunzwe muzitujuje ibisabwa Itorero ry’abadivantisite b’umunsi wa karindwi riri Kabeza naryo ryarafunzwe


INKURU ZA :
Tanga Igitekerezo
Ibitekerezo 5
karekezi. Muzuka Kuya 16-03-2018

Kaboneka(Minaloc) na police mutubabarire mutubwire igihe muzafungira utubare turara dusakuza bugaca.Ex:Akabare Kari Murillo Nyarugunga ku bademob mu ikorosi ni intwaramuheto turebe ko muzagatinyuka cyane ko n, aho kari hatemewe ni mu korosi haba accident buri munsi,
Uretse n, should n, shandy hose Hari utubari twazengereje abahatuye.

Rwarakabije Kuya 16-03-2018

Ntibyoroshye pe!!!

Gakwandi Kuya 15-03-2018

None se Umusigiti wa Remera hafi ya HILL TOP wazize iki ko wujuje ibisabwa ukaba ufite n’isuku isesuye?

munyaneza Kuya 12-03-2018

Ariko njye nkeka ko hagombaga gutangwa igihe kingana n’umwaka noneho abo binaniye bagafungirwa,kuko twese dushyigikiye ko abantu basengera ahantu hatunganye.Gufunga insengero zingana gutya bishobora kuzagira ingaruka mbi n’umuvumo ku gihugu

PIT Kuya 11-03-2018

ARKO BAKURIKIZIKI UWAKWEREKA UMUSIGITI WOMUGATSATA AHO WUBATSE YEWE TUBITEGE AMASO

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...