konka coffee
KONKA

AMAKURU

UKWEZI

Umuryango SOS Adventure wahurije hamwe abapasiteri 500, batangiza ibikorwa bizafasha Abanyarwanda

Umuryango SOS Adventure wahurije hamwe abapasiteri 500, batangiza ibikorwa bizafasha Abanyarwanda
27-04-2018 saa 17:30' | By Chief Editor | Yasomwe n'abantu 1980 | Ibitekerezo

Umuryango mpuzamahanga w’ivugabumwa ufite icyicaro mu gihugu cya Sweden , Save Our Souls [ SOS Adventure ] wahuye n’abayobozi b’amadini n’amatorero basaga 500 bakorera mu Mujyi wa Kigali , baganira ku mikoranire ndetse n’uko harushaho kwimakazwa ivugabutumwa rishingiye ku ijambo ry’Imana riherekejwe n’ibikorwa byo gufasha abatishoboye.

Uyu muryango usanzwe ukorera mu Mijyi imwe n’imwe y’ibihugu by’uburayi , Aziya n’ Amerika abawuyobora bavuga ko Imana yabahamagariye kubwiriza abantu ubutumwa bwiza bwa Yesu Kristu buhindura, ariko bakabukorera ku mihanda bityo abamaze kugerwaho n’ubwo butumwa na bo bakajya kubwiriza abandi.

Umuhuzabikorwa wawo Per Gisselsson yabwiye abanyamakuru ko ikibazanye mu Rwanda ari ukubwiriza Abanyarwanda ubutumwa bw’amahoro kandi bubazanira ibyiringiro.

Ati :” Tuzanye ubutumwa bw’amahoro n’ibyiringiro mu Rwanda ,twahuye n’abapasiteri basaga 500 bose bakorera muri uyu Mujyi wa Kigali. Tuvuga ubutumwa bwiza buherekejwe n’ibikorwa byiza birimo gutanga indorerwamo z’amaso ku barwayi b’amaso kandi tugakora ibikorwa bitandukanye bifitiye akamaro umuryango.”

Yakomeje ati :” Tubwiriza ubutumwa bw’ibyiringiro ku mihanda ,tubikora mu buryo tuyobowemo na Mwuka wera. Tubikora twibwira ko bigirira umumaro abantu . Asia na Amerca y’amajyepfo byabagiriye akamaro cyane. Dukora amatsinda yo kubyina no kuririmba ,bikitabirwa n’abantu baturutse mu Mijyi itandukanye y’ibyo bihugu dukoreramo.”

Pasiteri Peter Almqvist ukuriye ibikorwa by’isakazabutumwa mu bihugu bitandukanye yatangaje ko uretse ibikorwa by’ivugabutumwa bazakorera mu Rwanda , biteganyijwe ko hazabaho guhuza ba rwiyemezamirimo b’imbere mu gihugu n’abandi baturutse hirya no hino ku isi by’umwihariko abo mu k’umugabane wa Aziya.

Mu magambo ye ati :” Abantu basaga 1500 bazatangwa n’uturere tugize umujyi wa Kigali ni bo bazahabwa ubwisungane mu kwivuza na SOS Adventure. Imana yaduhamagariye kujya mu mijyi n’ibyaro kugirango dufashe insengero zo muri ibyo bihugu. Ikindi ni uko abantu bafite indwara z’amaso bazahabwa amataratara ( lunette ).

Yakomeje agira ati :” Mu ngamba dufite harimo no guhuza abikorera bo mu Rwanda n’abandi bo hirya no hino ku isi . Abakora ubushabitsi ni byiza ko baza kubukorera no mu Rwanda kandi hakabaho imikoranire ya hafi hagati yabo n’ab’imbere mu gihugu.”

Biteganyijwe ko ibikorwa by’umuryango SOS Adventure bizatangizwa k’umugaragaro tariki 25 Nyakanga 2018 , bisozwe tariki 29 Nyakanga kuri tapi rouge i Nyamirambo ho mu karere ka Nyarugenge mu Mujyi wa Kigali. Abazabyitabira ngo bazaba basaga ibihumbi 50 by’Abanyarwanda bavuye hirya no hino mu gihugu.

Ubuyobozi bwa SOS Adventure mu Rwanda buvuga ko muri Nyakanga uyu mwaka buzakora ivugabutumwa rya batatu kuri batatu , aho bizera ko umuntu umwe azazana abantu batatu kuri Yesu Kristu kandi n’uwabwirijwe akabwiriza abandi.

Bishop Samedi Theobard ati :” Ni umugisha ko twakiriye iri tsinda mu Rwanda bizadufasha kwegera urubyiruko rusaga 3,000 bakore amahugurwa kandi badufashe gukomeza ivugabutumwa muri bagenzi babo bityo nabo bazakizwe. Ivugabutumwa twaryise batatu kuri batatu.”


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...