konka coffee
KONKA

AMAKURU

UKWEZI

Bishop Rugagi yavuze ku byamuvuzweho birimo guhunga igihugu no guhanura ibinyoma

Bishop Rugagi yavuze ku byamuvuzweho birimo guhunga igihugu no guhanura ibinyoma
28-02-2018 saa 16:27' | By Akayezu Jean de Dieu | Yasomwe n'abantu 10292 | Ibitekerezo 3

Bishop Rugagi Innocent uyobora Itorero Abacunguwe mu Rwanda (Redeemed Gospel Church),yavuze ko atigeze ahanurira Miss Shanitah ko azaba Nyampinga w’u Rwanda 2018, ahubwo ko yamusabiye umugsiha. Yanasonanuye ko nta bibazo biri Politiki byari gutuma ahunga igihugu nk’uko byavuzwe cyane ubwo yari yagiye muri Kenya.

Tariki 12 Gashyantare 2018, nibwo ubuyobozi bw’Umurenge wa Nyarugenge bufatanyije n’inzego z’umutekano bwafunze urusengero rw’ Itorero Abacunguwe mu Rwanda (Redeemed Gospel Church), riyobowe na Bishop Rugagi Innocent.

Ifungwa ry’Itorero Abacunguwe ryakurikiwe n’urugendo rw’uyu mushumba waryo muri Kenya muri gahunda y’ivugabutumwa, ibintu bamwe bahereyeho bavuga ko ashobora kuba ahunze igihugu nyuma y’uko urusengero rwe rufunzwe.

Ibi ariko byaje nyuma gato y’izindi nkuru zari zimaze iminsi zivuga iby’uko Bishop Rugagi yahanuriye umukobwa witwa Umunyana Shanitah ko ariwe wagombaga kwegukana ikamba rya Nyampinga w’u Rwanda 2018.

Mu kiganiro n’Itangazamakuru cyo kuri uyu wa Gatatu tariki 28 Gashyantare 2018, Bishop Rugagi yavuze ko ibyavuzwe kuri we mu irushanwa rya Miss Rwanda 2018, bitandukanye cyane n’ukuri, ahamya ko atigeze ahanurira Miss Shanitah ahubwo ko yamusengeye mu rwego rwo kumusabira umugisha.

Yagize ati “Tariki 4 Gashyantare 2018, nibwo nahamagaye umukobwa witwa Shanitah. Shanitah ni umwana wanjye, aririmba muri Angels (Korali yo mu Itorero Abacunguwe). Papa we ni umujyanama mu rusengero, rero niwe wansabye ngo nsengere umukobwa we ari mu irushanwa rya Nyampinga w’u Rwanda. Mu by’ukuri njyewe icyo nakoze ni ukumusabira umugisha ntabwo ari ukumuhanurira.”

Yakomeje avuga ko muri we asanzwe akunda gushyigikira abanyarwanda biyumvamo impano zitandukanye atanga urugero rw’umuhanzi Alpha Rwirangira watwaye irushanwa rya Task Project, aho yahise avuga ko ubwo uyu muhanzi yatwaraga iri rushanwa, Bishop Rugagi yari muri Kenya kandi ngo nawe yaramusengeye ndetse aranamushyigikira cyane.

Yagize ati “Mba numva ko nashyigikira umunyarwanda wese ufite impano runaka kandi agashaka kuyigaragaza. Nahamagaye Belinda na Shanitah ndanabasengera bombi ariko ntabwo nigeze mbahanurira. Uruzi iyo Imana iba yampaye ubwo buhanuzi? mba narabahanuriye.”

Ifungwa ry’urusengero ryabaye mu buryo butunguranye.

Bishop Rugagi yavuze ko iby’ifungwa ry’itorero ‘Abacunguwe’ bisa nk’ibyamutunguye dore ko uru rusengero rwari rwarabanje gufungwa nyuma , Umuyobozi w’akarere ka Nyarugenge aza kumuha urwandiko rumwemerera gufungura, biza kugera nyuma ubuyobozi bw’Umurenge buragaruka bufunga urusengero.

Yavuze ko bijya gutangira ari abazungu b’Abahinde bakorera hafi y’urusengero rwe, ahamya ko bagejeje ikibazo cyabo ku buyobozi bw’Umurenge wa Nyarugenge, ari nabwo ubuyobozi bwaje kumusaba ko yashyiramo ibyuma birinda urusaku (Sound proof).Ibi byuma Bishop Rugagi ngo yabishyizemo nyuma , Umuyobozi w’Umurenge araza aramufungira birangije ajya ku karere bamuha urupapuro rumuha uburenganzira bwo gufungura ariko nyuma umurenge uragaruka uramufungira.

Bishop Rugagi yabajijwe impamvu atagiye kurega ubuyobozi bw’Umurenge dore ko bwamufungiye kandi we afite ibyangombwa yahawe n’ubuyobozi bw’akarere bumwemerera kuba akorera aha hantu, avuga ko yanze kugonganisha inzego.

Yagize ati “Ikintu ugomba kubanza kureba ni ukureka ikintu kitwa igonganisha ry’inzego ugatwara ibintu mu mahoro, niba komanda wa Polisi turi kumwe akaba ari kubwira Gitifu ati ko afite urwandiko rw’iminsi ine kugira ngo abe yimutse mwamuretse, Gitifu ati oya.”

Bishop Rugagi yavuze ko yifuje kujya gukodesha icyumba kimwe mu nyubako yo kwa Makuza, nyuma ubuyobozi bw’Akarere ka Nyarugenge buza kumuhakanira bumubwira ko iki cyumba kiri hejuru mu igorofa, ibintu bishobora guteza ingorane mu gihe haba habayeho impanuka.

Yavuze kandi ko yari yatangiye kuvugana n’ubuyobozi bwa Kaminuza y’u Rwanda kugirango abe yatizwa aho gusengera muri iyi kaminuza ahazwi nka ‘Kigali Conference and Exhibition Village’

Ibyo guhunga igihugu

Bishop Rugagi Innocent, yasobanuye ko atigeze ahunga igihugu nk’uko byakunze kuvugwa aho yasobanuye ko yateguye urugendo rwo kujya muri Kenya mbere y’uko urusengero rwe rufungwa aho yari agiye mu giterane atagombaga gusiba kubw’impamvu zoroheje nk’izi zo gufunga urusengero rwe, aha yashimangiye ko ibijyanye n’ifungwa ry’urusengero yabisigiye aba Pasiteri bagenzi be bo muri iri torero.

Yagize ati “Nta bibazo bya Politiki mfitanye n’igihugu, yewe nta n’umuntu mfitanye nawe ikibazo hano mu Rwanda.”

Aha kandi yahise anasobanura ibyavuzwe ko afite umupfumu muri Kenya, aho yavuze ko hari ikipe nini yajyanye nayo muri Kenya, ahamya ko abo bantu bamubera abahamya.

Yagize ati “Iki cy’ubupfumu bwo muri Kenya, usibye n’ubupfumu nta n’umupfumu nzi.”

Yavuze ko aramutse abonye umupfumu yabikora nk’uko Paulo yabikoze agakora ibishoboka byose ngo ahinduke, ati “Keretse azanye imyuka mibi imbere yanjye ngo musengere akizwe azabe umukandida mu bugingo bw’Imana.”

Bishop Rugagi yasabye abanyarwanda by’umwihariko abasenga ko bamufasha bakamuha inkunga y’amasengesho kuko abona ari mu bihe byo kugeragezwa.

REBA VIDEO BISHOP RUGAGI ASABA KO BAMUSENGERA ANAHAKANA IBYO GUHUNGA:

REBA HANO VIDEO BISHOP RUGAGI ASUBIZA IBY’UKO YABA YARAKUYE IMBARAGA Z’ABAPFUMU MURI NIGERIA:

BISHOP RUGAGI AVUGA IBY’ABASHYIRA HANZE IBINYOMA ARI KUMWE NA AFANDE THEOS BADEGE:

REBA HANO VIDEO BISHOP RUGAGI AGARAGAZA KO HABA HARI IKIHISHE INYUMA MU GUFUNGIRWA URUSENGERO:


INKURU ZA :
Tanga Igitekerezo
Ibitekerezo 3
Claude Kuya 1-03-2018

Past, ihangane Niba ari Imana ukorera izakurwanira kdi Niba atariyo nabyo uko wamamara Niko wegera ikuzimu, gusa ibihe nkibi biguhe kumenya Imana cyane!!

tomson Kuya 28-02-2018

Daniel na bagenzi be I Babylon ntibafashe umwanya wo kwisobanura birangira imana bakoreye yiyerekanye ,Petero yarafashwe arafungwa ntiyigeze Ajya Ku karubanda gutanga ubusobanuro kubyo yavugagwaho malayika araza amusohora muri gereza nta mbunda,Paul na Sila bariririmbiye urubanza rwabo rurirangiza, David ntiyigeze aterana amagambo na Saul wamuhigaga ahubwo yaramuhunze , Yesu ubwe ntiyigeze yiyerekana nkumunyabubasha yaricecekeye barahondagura arinda atanga. Kimwe mubyaranze abakozi b’imana nyakuri na yesu ubwe ni uguceceka imana ikiburanira. abafaransa baravuze NGO idebe ririmo ubusa.......wabaye umunyabwenge wareka kwigira nka Uzza. Imana entire an I rite a irishoboye. Niba abakurwanya barimo kurwanya imama bazatsindwa ariko niba Atari imama ukorera uzagwa kugasi.

tomson Kuya 28-02-2018

Daniel na bagenzi be I Babylon ntibafashe umwanya wo kwisobanura birangira imana bakoreye yiyerekanye ,Petero yarafashwe arafungwa ntiyigeze Ajya Ku karubanda gutanga ubusobanuro kubyo yavugagwaho malayika araza amusohora muri gereza nta mbunda,Paul na Sila bariririmbiye urubanza rwabo rurirangiza, David ntiyigeze aterana amagambo na Saul wamuhigaga ahubwo yaramuhunze , Yesu ubwe ntiyigeze yiyerekana nkumunyabubasha yaricecekeye barahondagura arinda atanga. Kimwe mubyaranze abakozi b’imana nyakuri na yesu ubwe ni uguceceka imana ikiburanira. abafaransa baravuze NGO idebe ririmo ubusa.......wabaye umunyabwenge wareka kwigira nka Uzza. Imana entire an I rite a irishoboye. Niba abakurwanya barimo kurwanya imama bazatsindwa ariko niba Atari imama ukorera uzagwa kugasi.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...