konka coffee
KONKA

AMAKURU

UKWEZI

Bishop Rugagi arimo gukurikiranwa na Polisi kubera ibyakozwe nyuma y’ifungwa ry’insengero

Bishop Rugagi arimo gukurikiranwa na Polisi kubera ibyakozwe nyuma y’ifungwa ry’insengero
4-03-2018 saa 13:16' | By Chief Editor | Yasomwe n'abantu 12742 | Ibitekerezo 3

Bishop Rugagi Innocent uyobora itorero Redeemed Gospel Church (Abacunguwe), ni umwe mu bavugabutumwa barimo gukurikiranwa na Polisi y’u Rwanda, kubera ibikorwa bya bamwe mu bavugabutumwa byakurikiye ifungwa ry’insengero rimaze iminsi mu mujyi wa Kigali.

Hari amakuru agera ku Kinyamakuru Ukwezi.com avuga ko Bishop Rugagi Innocent yaba yatawe muri yombi na Polisi y’u Rwanda. Mu gushaka kumenya ukuri kwabyo, twagiranye ikiganiro na CP Theos Badege, umuvugizi mukuru wa Polisi y’u Rwanda.

CP Theos Badege yemereye Ukwezi.com ko Bishop Rugagi ari mu barimo gukurikiranwa. Yagize ati: "Polisi irimo irakora iperereza ku bikorwa bya bamwe mu bayobozi b’amatorero bikekwa ko bigamije kunaniza iyubahirizwa ry’amategeko n’amabwiriza agenga amadini n’amatorero. Ibyo bikorwa birimo gukoresha inama mu buryo butemewe, byakurikiye ihagarikwa ry’amwe mu masengero atari yujuje ibyangombwa. Pastor Rugagi Innocent(mwambajije nimba afunze) na we ni umwe mu bo Polisi yahamagaye gufasha muri iryo perereza."

Ubwo yasozaga Umwiherero wa 15 w’Abayobozi bakuru b’Igihugu, Perezida Paul Kagame yerekanye ko yatangajwe n’ukuntu mu Mujyi wa Kigali hafungwa insengero 700, yibaza niba ari za robine zitanga amazi cyangwa inganda zifitiye abaturage umusaruro. Yakomeje avuga ko kuba insengero ziruta robine z’amazi n’ibindi bifitiye akamaro abaturage ari ‘akajagari.’ Urusengero rwa Bishop Rugagi ni rumwe mu nsengero zisaga 700 ziherutse gufungwa mu mujyi wa Kigali zizira kuba zitujuje ibisabwa bishobora gutuma zanahungabanya umutekano w’abazisengeramo.


INKURU ZA :
Tanga Igitekerezo
Ibitekerezo 3
Ernest Dukuze Kuya 5-03-2018

ndashimira apostle Thierry Niyomugabo udusengera

kaka Kuya 4-03-2018

umugabo yose umwana ,Nzabandora

Apostle Thierry Niyongabo Kuya 4-03-2018

Mu bubasha Imana yampaye ,subwo kuvuma ariko nubwo guhezagira,Ndahezagiye Igihugu C’Urwanda Mwizina RYA Yesu Kristo.Ndumwe Mu Ncuti basengera urwanda kuva 2010..

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...