AMAKURU

UKWEZI
RPF

Alarm Ministries igiye gukora igitaramo gikomeye yanatumiyemo Apôtre Gitwaza

Alarm Ministries igiye gukora igitaramo gikomeye yanatumiyemo Apôtre Gitwaza
24-03-2018 saa 10:06' | By Vincent Nsengiyumva | Yasomwe n'abantu 1927 | Ibitekerezo

Alarm Ministries igiye gukora igitaramo cy’imbaturamugabo izanamurikiramo album yayo ya Kane y’amashusho yise “Turakomeye”. Iki gitaramo gitegerejwe na benshi cyatumiwemo Umuyobozi w’Itorero Zion Temple Celebration Centre ku Isi, Apôtre Dr Paul Gitwaza, akaba ari nawe uzabwiriza ijambo ry’Imana.

Iki gitaramo cy’amateka cya Alarm Ministries kizabera muri Serena Hotel, tariki ya 25 Werurwe 2018 kuva saa cyenda.Uretse Umuvugabutumwa kandi Apôtre Dr Paul Gitwaza, cyanatumiwemo Healing Worship Team na Korali Shalom yo muri ADEPR Nyarugenge nazo zikomeye cyane mu kuririmba indirimbo zihimbaza Imana.

Iki gitaramo gitaramo gitegerejwe n’abatari bake, kizamurikirwamo Album yitwa “Turakomeye” igizwe n’indirimbo 12 zose zikaba zizaririmbirwa abazacyitabira ndetse hanongerweho zimwe mu zakunzwe cyane mu bihe byashize.

Apotre Dr Paul Gitwaza umushumba wa Zion Temple ku isi watumiwe muri iki gitaramo ni we uzigisha ijambo ry’Imana, ndetse akaba anaherutse kubishimangira abinyujije ku rubuga rwa facebook, aho yagaragaje ko azaba ari umugoroba udasanzwe ku bazitabira iki gitaramo.

Umuyobozi akaba n’Umuvugizi wa Alarm Ministries, Mazeze Charles, yatangaje ko imyiteguro y’igitaramo imeze neza, anashimangira ko bafite icyizere ko Imana izabigaragariza bikagenda neza birenze uko babitekereza.

Iri tsinda rihuriyemo abaririmbyi b’amadini n’amatorero atandukanye yo mu Rwanda ryamamaye mu ndirimbo zinyuranye zirimo “Hariho Impamvu”, “Hejuru y’Amajuru”, “Songa mbele”, “Mwami Mana” , n’izindi zagiye zikora ku mitima ya benshi.

Kwinjira muri iki gitaramo ni amafaranga 10 000 Frw mu myanya y’icyubahiro, 5000 Frw na 3000 Frw. Amatike ari kugurishirizwa kuri Blues Café no ku Cyicaro cya Zion Temple mu Gatenga.

Igitaramo cya Alarm Ministries gitegerejwe n’abatari bake


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...