konka coffee
KONKA

AMAKURU

UKWEZI
ubumwe

Visi Meya wa Kicukiro na Gitifu wa Kanombe bagizwe abere

Visi Meya wa Kicukiro na Gitifu wa Kanombe bagizwe abere
22-03-2019 saa 21:37' | By Nsanzimana Ernest | Yasomwe n'abantu 2924 | Ibitekerezo 1

Urukiko rw’ibanze rwa Kicukiro rwanzuye ko icyaha cyo kunyereza umutungo ubushinjacyaha bwari bukurikiranyeho Visi Meya wa Kicukiro ushinzwe ubukungu n’ iterambere Mukunde Angelique n’Umunyamabanga Nshingwabikorwa w’Umurenge wa Kanombe ntacyo bakoze.

Umucamaza yahise asaba ko barekurwa ubwo yasomaga imyanzuro y’ urukiko ku ifungwa n’ ifungurwa by’ agateganyo anavuga ko urukiko rwasanzwe nta mpamvu yo gukomeza kubakurikirana.

Tariki 6 Werurwe nibwo abarengwa batawe muri yombi bakurikiranyweho kunyereza miliyoni n’ ibihumbi 900 y’ ihuriro ry’ abafatanyabikorwa mu iterambere ry’akarere (DJAF).

Tariki 19 Werurwe bagezwa imbere y’ urukiko baburana ku ifungwa n’ ifungurwa ry’ abateganyo. Mukunde Angelique Umuyobozi w’Akarere ka Kicukiro wungirije ushinzwe iterambere ry’ubukungu we araregwa guhabwa 300 000Frw mu buryo bunyuranyije n’amategeko, kandi ngo byakozwe mu nyungu ze bwite atari iz’ihuriro.

We n’umwunganizi we Me Buhuru Pierre Celstin bireguye bavuga ko aya mafaranga yari intwererano isanzwe ihabwa n’abandi, kuko Mukunde yari afite ubukwe bwa murumuna we.

Me Buhuru avuga ko ibyabaye ari abanyamuryango bagiye bahanahana amafaranga mu banyamuryango kandi byari bisanzwe bikorwa bityo atari ukunyereza umutungo wa Leta. Avuga ko gufunga umukiriya we ari amatiku.

Umunyamabanga Nshingwabikorwa w’Umurenge wa Kanombe Higiro Emmanuel yireguye avuga ko amafaranga yahawe yayahawe mu buryo bwemewe kuko yari yapfushije.

Kuri uyu wa 22 Werurwe abaregwa bose bitabye Urukiko rw’Ibanze rwa Kicukiro kugira ngo basomerwe umwanzuro ku ifungwa n’ifungurwa ry’agateganyo.

Umucamanza wari uyoboye iburanisha yavuze ko ibikorwa bakoze byanyuze mu mucyo bitagize icyaha baregwa n’ubushinjacyaha cyo kunyereza umutungo wa leta.

Ahita avuga ko nta mpamvu zikomeye zituma abaregwa bakomeza gukurikiranwaho iki cyaha, anategeka ko bose bahita barekurwa.

Ubushinjacyaha bwahawe iminsi itanu yo kuba bwajuririye uyu mwanzuro w’urukiko.


INKURU ZA :
Tanga Igitekerezo
Ibitekerezo 1
iganze Kuya 25-03-2019

Imana ishimwe. Na visi MEYA WA nYARUGENGE nYAGASANI AMUFASHE ABONE AVA MU GIHOME.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...