konka coffee
KONKA

AMAKURU

UKWEZI
Minijust

Umunyamakuru w’ imikino Kwizera Elie Fatty yagizwe umwere

Umunyamakuru w’ imikino Kwizera Elie Fatty yagizwe umwere
14-03-2019 saa 18:43' | By Nsanzimana Ernest | Yasomwe n'abantu 4611 | Ibitekerezo 2

Urukiko rwisumbuye rwa Nyarugenge ku gicamunsi cyo kuri uyu wa 14 Werurwe 2019 rwahanaguyeho umunyamakuru Elie Kwizera icyaha cyo gusambanya umwana utarageza ku myaka y’ ubukure rutegeka ko ahita arekurwa.

Uyu munyamakuru w’ imikino abenshi bamenye nka Fatty yatawe muri yombi muri Kanama umwaka ushize wa 2018 kuva icyo gihe kugeza ubu yari agifunze.

Mu iburanisha ubushinjacyaha bwamusabiye gufungwa burundu bumushinja ko yafashe ku ngufu umwana w’ umukobwa utarageza ku myaka y’ ubukure.

Uregwa yisobanuye avuga ko amasaha ubushinjacyaha bwavuze ko aribwo icyaha cyakozwe we yari akiri ku kazi. Yongeraho ko icyo cyaha ntacyo yakoze n’ uwo mukobwa bamushinja atamuzi. Yanavuze ko abanyamakuru bafite inshingano yo kwamagana ihohoterwa rikorerwa abana bityo ko atatandukira ngo akore ibyo ashinzwe kwamagana.


Mu ntangiriro za Nzeli 2018 nibwo Kwizera Elie Fatty yakakiwe gufungwa iminsi 30 y’ agateganyo

Urukiko rwisumbuye rwa Nyarugenge bwavuze ko rwasuzumye ingingo z’ impande zombi rusanga ibyo ubushinjacyaha bwavuze nta shingiro bifite.

Urukiko rwanzuye ko uregwa ari umwere ku cyaha cyo gusambamya umwana utagejeje imyaka y’ubukure, runategeka ko ahita arekurwa.

Nk’ uko biteganywa n’ amategeko ubushinjacyaha bufite iminsi 30 yo kujurira igihe bwaba butanyuzwe n’ imikirize y’ urubanza.


INKURU ZA :
Tanga Igitekerezo
Ibitekerezo 2
higiro Kuya 15-03-2019

Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma babura ubuzima bw’iteka muli paradizo dutegereje ivugwa muli 2 Petero 3:13.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

Natasha Kuya 14-03-2019

Ibintu byo kubeshyera abantu ibyaha bijye bihanirwa kuko ni ubugome. Uwabeshye ajye ahabwa igihano uwo yabeshyeye yari guhabwa, icyaha kimuhamye. Jye nzi umuhungu ufunze nawe ise w’umukobwa yaramubeshye, ngo yafashe ku ngufu umukobwa we, abanza kujya yaka frw uwo muhungu ngo kugirango atamurega, uwo muhungu ayamwimye, aramurega koko. Ikibazo nuko umupolisi wamukoreye dossier, yamwumvishije ko ibyiza aruko yabyemera kuko ahita arekurwa. Undi yarabyemeye nkuko amubwiye, ubwo aba aramufunze, ubu ari Mageragere. Ikibazo ntafite n ubushobozi ngo ashake umuburanira. Papa wuwo mukobwa rero ubwo uwo si uwa mbere abeshyeye, kuko hari undi mwana w’umuturanyi we yabeshyeye, ariko birangira abaye umwere.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...