konka coffee
KONKA

AMAKURU

UKWEZI

Umugabo yicishije mukuru we ibuye bapfa amasambu

Umugabo yicishije mukuru we ibuye bapfa amasambu
31-10-2018 saa 08:02' | By Vincent Nsengiyumva | Yasomwe n'abantu 6346 | Ibitekerezo 7

Umugabo witwa Shumbusho Ngabirano wo mu Muduguru wa Rugenda, Akagali ka Mulindi Umurenge wa Kaniga mu Karere ka Gicumbi yishe mukuru we, Karuhogo Godefraid amukubise ibuye. Intandaro y’ubwicanyi ni amasambu basigiwe n’ababyeyi babo.

Aya mahano yabaye ku Cyumweru tariki ya 28 Ukwakira 2018, ubwo bapfaga ibiti byari mu isambu bari basangiye.

Bamwe mu baturanyi b’aba bagabo bavuze ko intandaro y’ubu bwicanyi ari ibiti Shumbusho yari avuye gutema mu ishyamba bivugwa ko bari basangiye mu gihe mukuru we Karuhogo atabishakaga.

Umwe yagize ati “Hari ishyamba bari basangiye basigiwe n’ababyeyi babo,umwe yashatse gutema ibiti byo gushingirira ibishimbo undi arabyanga. Shumbusho yaje kujya gutema ibyo biti, Karuhogo amusanga mu ishyamba amubuza kubitwara, maze Shumbusho ahita atura ibyo biti yari yikoreye afata ibuye arikubita mukuru we maze ahita apfa."

Undi yagize ati “Ni amabuye abiri yamukubise, yamukubise irya mbere mu rubavu ahita agwa hasi, hanyuma amukubita irya kabiri mu mpyiko ahita ashiramo umwuka.”

Abaturage bo mu Mudugudu wa Rugendo ntibavuga rumwe ku makimbirane yabaga hagati y’aba bavandimwe, aho bamwe bavuga ko bari babanye neza ndetse bagafata ruriya rupfu nk’impanuka, mu gihe hari abandi babivuguruza bavuga ko bari basanganwe amakimbirane ashingiye ku masambu ngo kuko bari baranagejeje ikibazo ku buyobozi.

Umuyobozi ushinzwe umutekano Muduguru wa Rugendo, Murebwayire Adelphine yabwiye TV1 ko aba bavandimwe bari babanye neza nta kibazo bagirana, akaba abona ruriya rupfu nk’impanuka yabagwiririye.

Ati “Bariya bavandimwe nta kindi kibazo bagiranagani nk’impanuka yabagwiririye. Bariabana bakundana, babaye impfubyi bakiri bato barabana bakajya bahinga hamwe, bakajya bagirana inama, baza gukura bashaka abagore.”

N’ubwo bamwe bavuga ko bari babanye neza , hari abandi babivuguruje bavuga ko bari basanganwe amakimbirane ndetse ko ibibazo byabo byageze mu buyobozi.

Hari uwagize ati “ Kuriya bavuga ngo ni impanuka ni ukubeshya, n’ubuyobozi ubwabwo bagiye kuburegera ko bafitanye ikibazo cy’imirima bagomba kuza kubagabanya.Ibyo biri mu buyobozi.”

Nyakwigendera Karuhogo Godefraid usize umugore n’abana babiri yashyinguwe ku icamunsi cyo ku wa Kabiri tariki 30 Ukwakira2018, mu gihe murumuna we Shumbusho wamwivuganye afungiye kuri sitasiyo ya polisi ya Kaniga.


INKURU ZA :
Tanga Igitekerezo
Ibitekerezo 7
ukuri Kuya 1-11-2018

RIP

bhbhh Kuya 1-11-2018

ni byiza

kuaku Kuya 1-11-2018

imana imwakire gusa inzego z,ubugenza cyaha zikoreshe ubushishozi kugirango hamenye kane ukuri nimba koko murumunawe yaragambiriye kwica mukuruwe.

Kyisigazi Kuya 31-10-2018

Byadutunguye njye aboba Gabo ndabazi turaturanye GS ntabwo baribafitanye ibibazo bihambaye bapfaga

Kyisigazi Kuya 31-10-2018

Byadutunguye njye aboba Gabo ndabazi turaturanye GS ntabwo baribafitanye ibibazo bihambaye bapfaga

Kyisigazi Kuya 31-10-2018

Byadutunguye njye aboba Gabo ndabazi turaturanye GS ntabwo baribafitanye ibibazo bihambaye bapfaga

Ngezahayo theophile Kuya 31-10-2018

Uriya mugabo yahemutse azahanywe hakurikijwe itegeko

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...