AMAKURU

UKWEZI
ubumwe

Ubwoba muri UR-CST nyuma y’ uko habonetse umurambo w’ umunyeshuri w’ umukobwa

Ubwoba muri UR-CST nyuma y’ uko habonetse umurambo w’ umunyeshuri w’ umukobwa
9-09-2019 saa 15:36' | By Nsanzimana Ernest | Yasomwe n'abantu 11414 | Ibitekerezo 2

Bamwe mu banyeshuri biga muri kaminuza y’u Rwanda koleji y’ikoranabuhanga i Kigali bavuga ko batewe ubwoba n’inkuru ya mugenzi wabo basanze yishwe umurambo we uri muri kaminuza.

Kaminuza y’u Rwanda ivuga ko ibi ari ubwa mbere bibaye kuva yashingwa ariko iperereza riri gukorwa ngo hamenyekane ukuri ku rupfu rw’uyu mukobwa w’imyaka 21.

Sandrine Imanishimwe wishwe yigaga mu mwaka wa mbere ishami ry’ikoranabuhanga mu gashami ka biochemistry.

Bamwe mu banyeshuri babwiye BBC ko umurambo we wabonywe n’abanyeshuri mu ijoro ry’ejo ku cyumweru muri iyi kaminuza ishami ryayo riri mu mujyi wa Kigali, bavuga ko yari afite uruguma runini inyuma ku mutwe.

Umwe mu banyeshuri utifuje gutangazwa amazina avuga ko kugeza ubu abiga hano bafite ubwoba bwinshi kuko kwicira umuntu muri kaminuza ari ibintu bidasanzwe.
Mike Karangwa ushinzwe itumanaho muri Kaminuza y’u Rwanda yabwiye BBC ko ibi ari ubwa mbere bibayeho kuva Kaminuza y’u Rwanda yashingwa (2013).

Ati: "Icyo bidusaba turongera twigenzure turebe neza aho byaba byaturutse, gusa ubu ntawahita yemeza ko yapfiriye muri kaminuza ni yo mpamvu dutegereje ikizava mu iperereza".

Karangwa avuga ko ahantu basanze umurambo ari iruhande rw’uruzitiro ngo birashoboka ko ari abantu bashobora kuba bamwishe bakazana umurambo bakawinjiza imbere mu kigo kugira ngo basibanganye ibimenyetso.

Karangwa avuga ko ukuri ku rupfu rwa Imanishimwe kuzamenyekana neza mu bizava mu iperereza.

Nubwo umurambo wasanzwe muri kaminuza, Karangwa avuga ko ubu ntawakwemeza ko yiciwe imbere muri Kaminuza.


Uyu mukobwa wishwe yabaye Umunyamakuru kuri Radio Huye

Ishami rya Kaminuza riri hagati mu mujyi wa Kigali mu cyahoze kitwa KIST, ni hafi y’ahantu hakomeye nka Serena Hotel, ni hafi y’urugo rw’umukuru w’igihugu ariko ni na hafi y’agace gatuwe cyane kitwa Biryogo.

Karangwa avuga ko ubusanzwe umutekano w’abanyeshuri ba Kaminuza urinzwe yaba ku baba mu kigo, ndetse ngo n’abacumbitse hanze umutekano wabo bawukurikirana bafatanyije n’inzego z’ibanze z’aho batuye.

Karangwa avuga ko ikintu nk’iki koko gishobora gukura umutima abanyeshuri.

Ati: "Mukanya abayobozi b’iyi koleji y’ikoranabuhanga bagiye kuganiriza abanyeshuri kugira ngo babahumurize".

Nyakwigendera Imanishimwe akomoka mu karere ka Huye ndetse amakuru agera ku UKWEZI aravuga ko uyu mukobwa yigeze gukora kuri Radio Huye.


INKURU ZA :
Tanga Igitekerezo
Ibitekerezo 2
bimawuwa Kuya 11-09-2019

Nta cctv iyo kaminuza ifite se ngo izafashe police kmenya icyateye ayo mahano. ubundi hakwiye cctv ahantu henshi cyane cyane ahahurira abantu benshi aha tuwe nabantu benshi no ku mihanda zifasha mu gucunga umutekano. security yo ku muryango ntabwo iba ihagije yo nyine haba hakenewe na cctv imbere ni nyuma yinyubako zihuriramo abantu benshi.

JNT Kuya 11-09-2019

IMANA IMWAKIREMUBAYO NONESE NTABA SECURTY BABA MURIKIGO ?

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...