konka coffee
KONKA

AMAKURU

UKWEZI

Turifuza abanyeshuri bafite ubumenyingiro ku byaha mpuzamahanga - Ntete Jules

Turifuza abanyeshuri bafite ubumenyingiro ku byaha mpuzamahanga - Ntete Jules
2-11-2018 saa 09:07' | By Jean Claude Habimana | Yasomwe n'abantu 1134 | Ibitekerezo

Ubugenzuzi bukuru bw’ubushinjacyaha mu Rwanda ku bufatanye n’Ishami ry’Umuryango w’Abibumbye ritabara imbabare bavuga ko urubyiruko rugomba kugira ubumenyingiro ku mategeko mpuzamahanga.

Ibi byagarutsweho kuri uyu wa Kane tariki ya 1 Ugushyingo 2018 ubwo hatangizwaga amarushanwa ahuza abanyeshuri biga muri Kaminuza zitandukanye zigisha amategeko mu Rwanda.

Iki gikorwa cyitabiriwe n’abarimu b’inzobere mu by’amategeko muri za Kaminuza zikorera mu gihugu, imiryango ya leta n’iyigenga ifite aho ihurira n’amategeko, ndetse na bamwe mu banyeshuri biga ibya amategeko mu Rwanda.

Ntete jules Marius, Umugenzuzi Mukuru w’Ubushinjacyaha mu Rwanda avuga ko bafatanyije n’Ishami ry’Umuryango w’Abibumbye bateguye amasushanywa agamije ko abanyeshuri bagira ubumenyingiro atari gufata mu mutwe ibyo bize mu mashuri gusa.

Yagize ati “Twashyizeho amarushanwa ku banyeshuri biga amategeko, ngo baze binyuze mu biganiro mpaka, aho umunyeshuri asobanura ibijyanye n’ibyaha mpuzamahanga, ndetse akanasobanura icyo amategeko mpuzamahanga avuga ku byaha mpuzamahanga.”

Marius ashimangira ko uburyo bw’ibiganiro mpaka ndetse n’inama abanyeshuri bagirwa n’inzobere mu by’amategeko mpuzamahanga bibafasha kubona ubumenyi bwiyongera kubwo babonye mu mashuri”.

Akomeza avuga ko biciye muri aya marushanywa hari benshi mu banyarwanda bazabasha gusobanukirwa n’amategeko agenga ibyaha mpuzamahanga kuko bazaba bayakurikirana.

Kayisanabo Suzana, umwe mu banyeshuri bahatana muri aya marushanwa wiga muri Kaminuza y’u Rwanda, ishami ry’amategeko, avuga ko hari byinshi yigiye mu marushanwa atigeze abona ku ntebe y’ishuri.

Ati “Twebwe twinjiye mu marushanwa nk’abandi banyeshuri bose icyo tugamije si ibihembo nubwo nabyo bibonetse tutabyanga, ariko ubumenyingiro twaboneye muri iyi minsi tumaze twitegura guhangana n’abandi banyeshuri burahambaye.”

Yunzemo ati “ Ubu nsobanukiwe neza amategeko arengera ikiremwamunut ku Isi, ubu nzi kuvugira mu ruhame imbere y’inzobere zifite Impamyabumenyi z’ikirenga mu by’amategeko mpuzamahanga, ibi ntaho mu ishuri nigeze mbibona.”

Pascal Cuttat, uhagarariye Ishami ry’Ubumuryango w’Abibubye ryita ku mbabare, Croix Rouge mu Rwanda, avuga ko impamvu bahisemo gufasha abanyeshuri biga iby’amategeko ari ukugira ngo basonukirwe n’amategeko arebana n’ikiremwamuntu ku rwego mpuzamahanga.

Ntete jules Marius, Umugenzuzi Mukuru w’Ubushinjacyaha mu Rwanda

Byitabiriwe n’abayobozi banyuranye


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...