AMAKURU

UKWEZI

Rusizi: Umugabo yishe umugore we amukubise agafuni mu mutwe amushinja kumuca inyuma

Rusizi: Umugabo yishe umugore we amukubise agafuni mu mutwe amushinja kumuca inyuma
8-08-2018 saa 11:20' | By Vincent Nsengiyumva | Yasomwe n'abantu 4627 | Ibitekerezo 1

Umugabo witwa Ntakirutimana Aloys w’imyaka 42 y’amavuko utuye mu mudugudu wa Kacyiru, akagari ka Kigenge Umurenge wa Nzahaha mu karere ka Rusizi arashinjwa kwica umugore we amukubise ifuni mu mutwe. Intandaro y’ubu bwicanyi ngo ni amakimbirane yakomokaga ku gushinjana gucana inyuma.

Ubu bwicanyi bwabaye mu rukerera rwo mu ijoro ryo kuwa Kabiri rishyira ku wa Gatatu tariki 7 Kanama 2018.

Ntakirutimana Aloys na nyakwigendera Icyimpaye Jeanne d’Arc wari ufite imyaka 32, bari bafitanye abana 7 dore ko banabanaga mu buryo bwemewe n’amategeko.

Umunyamabanga Nshingwabikorwa w’Umurenge wa Nzahaha, Ingabire Joyeux yahamirije Ukwezi.Com iby’ubu bwicanyi, avuga ko bwatewe ahanini n’amakimbirane yavugwaga muri uyu muryango.

Yagize ati “Nibyo koko Ntakirutimana yishe umugore we amukubise agafuni mu mutwe, amwica kubera amakimbirane bari bafitanye yari amaze igihe.Uwo mugabo twahise tumushyikiriza polisi sitatiyo ya Gashonga, ubu ari gukurikiranwa n’Ubugenzacyaha kugira ngo ahanwe.”

Gitifu Ingabire yakomeje avuga ko amakuru bahawe n’inzego z’ibanze ari uko uyu mugabo na nyakwigendera bari bafitanye amakimbirane amaze iminsi, ngo kuko umugabo yashinjaga umugore wekumuca inyuuma.

Yanavuze ko ubuyobozi bwagerageje kubunga mbere y’uko iki cyaha kiba, ngo nabo bakaba barerekanaga ko basa n’abababariranye, ariko ngo bikaba byabatuinguye kumva ko Ntakirutimana yaje kumwica.

Umuvugizi w’Urwego rw’Ubugenzacyaha mu Rwanda Mbabazi Modeste nawe yahamirije Ukwezi.com iby’ubu bwicanyi, avuga ko uyu mugabo yahise atabwa muri yombi akaba ari gukorwaho iperereza kugira ngo hamenyekane icyamuteye kwiyicira umugore.

Yagize ati “ Nibyo koko umugabo witwa Ntakiutimana Aloys yishe umugore we mu ijoro ry’ejo hashize.Akimara gukora ubu bwicanyi, byahise bimenyeshwa bimenyeshwa urwego rw’Ubugenzacyaha butangira gukurikirana uwo mugabo arafatwa, ubu ari mu maboko y’Ubugenzacyaha.”

Yakomeje atanga ubutumwa bukangurira Abanyarwanda kurwanya amakimbirane yo mu ngo no gutanga amakuru ku ngo zitabanye neza kugira ngo inzego z’ubuyobozo zigire aho zihera zikurikirana ibibazo nk’ibyo hataraba imfu.

Yakomeje asaba ko buri wese yakagombye kuba ijisho rya mugenzi we, akamenya ikibazo kiri mu rugo rw’umuturanyi. Aha avuga ko gahunda y’amasibo yo mu midugudu ari inzira nziza igomba kujya ikoreshwa batanga amakuru y’ibibazo biri mu ngo za bagenzi babo.

JPEG - 138.2 kb

Abaturage bazzindukiye mu rugo rwa Ntakirutimana wiyiciye umugore kureba ishyano yari yakoze


INKURU ZA :
Tanga Igitekerezo
Ibitekerezo 1
Claudine Kuya 8-08-2018

Ariko ibi muranona bidakabije koko, ubu bwicanyi bwa buri munsi bwo mungo, kdi mu Rwanda hari amahoro? Jye nkeka ko hari ibibazo bikomeye mungo nyarwanda, byagombye gutekerezwaho neza n’abadukuriye. Naho ubundi tugiye tuvuga buri rugo rurimo ibibazo gusa, abayobozi ntibamenya aho bafata n’aho bareka, zaba ingo hafi ya zose.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...