AMAKURU

UKWEZI
cheno 2020

Rulindo: Gitifu wavuzweho kunyereza ingemwe z’ avoka na Etat civil barafunze, abaturage bari kubura serivise

Rulindo: Gitifu wavuzweho kunyereza ingemwe z’ avoka na Etat civil barafunze, abaturage bari kubura serivise
10-12-2019 saa 11:40' | By Nsanzimana Ernest | Yasomwe n'abantu 4453 | Ibitekerezo

Bamwe mu baturage b’ umurenge wa Bushoki mu karere ka Rulindo bavuga ko batarimo kubona serivise zitangirwa ku murenge kuko abayobozi bagomba gutanga izo serivise bamaze icyumweru batawe muri yombi.

Abatawe muri yombi ni Umunyamabanga Nshingwabikorwa w’ umurenge wa Bushoki Nzeyimana Pierre Claver, n’ umukozi ushinzwe irangamimerere witwa Drocella Kayisire.

Umuvugizi w’ Urwego rw’ igihugu rw’ ubugenzacyaha RIB , Umuhoza Marie Michelle yatangarije UKWEZI ko dosiye z’ aba bayobozi bafungiye kuri sitasiyo ya Byumba zamaze kugezwa mu bushinjacyaha.

Amakuru twahawe n’ abaturage avuga ko gitifu Nzeyimana yafashe ingemwe za avoka 200 mu ngemwe 2100 zari zigenewe abaturage akajya kuzitera mu murima we. Naho we Drocella bivugwa ko yahaye umuntu wasezeranye icyangombwa cy’ uko ari ingaragu bituma uwo muntu asezerana kabiri kandi bibujijwe n’ amategeko.

RIB yadutangarije ko Nzeyimana akurikiranyweho icyaha cyo kunyereza umutungo, naho Kayisire Drocella akaba akurikiranyweho icyaha cyo gutanga icyangombwa mu buryo bunyuranyije n’ amategeko.

Umwe mu baturage bagiye kuri uyu murenge gusaba serivise kuri uyu wa Mbere tariki 9 Ukuboza 2019 yadutangarije ko yagezeyo akabura umuha serivise kuko abayobozi bafunze.

Kuri iki kibazo umuyobozi wungirije w’ akarere ka Rulindo ushinzwe iterambere ry’ ubukungu Mulindwa Prosper yatangarije UKWEZI ko nk’ ubuyobozi bw’ akarere bagiye gushaka uburyo uyu murenge wabona abandi bayobozi byihuse. Ati “Turashyirayo abandi bayobozi byihuse”.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...