AMAKURU

UKWEZI

Rubavu: Umusore yishwe aciwe umutwe ujugunywa ukwawo n’igihimba ukwacyo

Rubavu: Umusore yishwe aciwe umutwe ujugunywa ukwawo n’igihimba ukwacyo
26-11-2018 saa 14:06' | By Vincent Nsengiyumva | Yasomwe n'abantu 3814 | Ibitekerezo

Abagizi ba nabi bataramenyekana bishe umugabo witwa Ndayisenga Pascal w’imyaka 24, wo mu muduhudu wa Murambi akagari ka Buhaza mu murenge wa Rubavu bamuca umutwe bawujugunya ukwawo n’igihimba ukwacyo.

Aya mahano yabaye mu ijoro ryo kuri iki Cyumweru, kuko umutambo watoraguwe mu rukerera rwo kuri uyu wa Mbere tarriki 26 Ugushyingo 2018.

Ndayisenga Pascal yavuye mu rugo mu ma saa moya z’umugoroba agiye wo ku Cyumweru ubwo nyina yari amutumye kumugurira inzoga, kuva ubwo ntibongeye kumuca iryera, baza gutoragura umurambo bucyeye.

Abaturanyi ba nyakwigendera babwiye Ukwezi ko yari asanzwe akunda kwambutsa magendu ziganjemo urumogi azivanye muri Congo, bakaba basanisha urupfu rwe n’ibi yakoraga.

Bavuga Ndayisenga Pascal ko ashobora kuba yishwe n’abo yambukirizaga ibi biyobyabwenge.

Umunyamabanga Nshingwabikorwa w’umusigire muri uyu murenge wa Rubavu, Nzitabakuze Jean de Dieu, yemeje amakuru y’urupfu rwa nyakwigendera Ndayisenga Pascal avuga ko hataramenyekana abari inyuma y’ubwo bwicanyi.

Yagize ati “ Hari mu ma saa moya, ubwo nyina yamutumaga inzoga mu ga Centre, yagiye bategerezza ko agaruka ntibamubona. Baje kubona umurambo we mu rukerera, bamuciye umutwe.”

Nzitabakuze akomezza avuga ko bahawe amakurru y’uko yacuruzaga magendo irimo urumogi, bakaba bakeka ko byaba bifitanye isano n’iyicwa rye.

Umurambo wa nyakwigendera Ndayisenga Pascal wahise ujyanwa mu bitaro bya Gisenyi, mu gihe hategerejwe ko abo mu muryango we bisuganya bakamushyingura.

Ndayisenga Pascal yari yubatse assize umugore bari bamaranye amezi atanu bashakanye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...