konka coffee
KONKA

AMAKURU

UKWEZI

Nyuma yo kwishyirahamwe ntibagihoza ku nkeke abagabo babo

Nyuma yo kwishyirahamwe ntibagihoza ku nkeke abagabo babo
8-06-2018 saa 07:52' | By Muhizi Olivier | Yasomwe n'abantu 537 | Ibitekerezo

Abagore bishyize hamwe muri Koperative Abatore ikora ubukorikori ,bahamya ko batagihoza ku nkeke abagabo babo babasaba igitenge cyangwa guhahira urugo kuko nabo basigaye bakorera amafaranga.

Aba bagore bakorera mu murenge wa Mbazi ho mu karere ka Huye bavuga ko kwishyira hamwe byabateje imbere bikagirira n’akamaro imiryango yabo kuko harimo n’abapfakazi ubu biyubakiye amazu.

Aba bagore bahamije kwishyira hamwe ari inzira yo kugana iterambere, ndetse ko binatuma bamwe bava mu bwigunge bakarushaho kujijuka kuberaguhora basangira bitekerezo na bagenzi babo.

Mukamana wari waracikirije amashuri nyuma akaza kugana iyi koperative, yavuze imyato igikorwa cyo kwishyira hamwe avuga ko bamukye kure habi hashoboka.

Ati “Nari naracikirije amashuri ngeze mu mwaka wa 3 mu yisumbuye ubushobozi burabura , numvaga ko ubuzima buhagaze ariko nyuma nza kujya muri koperative banyigisha kuboha ndatangira nkorana nabo none ubu nditunze ndetse nagaruye icyizere cy’ubuzima bw’ejo hazaza.”

Aba badamu ariko n’ubwo bagaragaza ibyiza byo kwishyira hamwe banagaragaza ko bagifite imbogamizi zitandukanye cyane cyane izo kubona amasoko y’ibyo bakora.

Marie Claire Safari, utuye mu Butaliyani akaba umuyobozi w’umuryango utegamiye kuri leta witwa Umubyeyi Mwiza ONLUS, utwara ibi bihangano ku isoko ryo mu Butariyani ndetse bagatera inkunga iyi koperative, avuga ko bashimishijwe n’aho aba bagore bamaze kugera, ndetse kouyu muryango uri gukora ibishoboka byose ngo kureo imbogamizi iyi koperative ihura nazo.

Yagize ati “Ubu tugiye kujya tubagurira inshuro 3 cyangwa 4 mu mwaka ndetse dushake n’andi masoko mashya ku buryo bazarushaho gutera imbere .”

Akomeza asaba aba bagore kwibumbira hamwe kuko uretse kubafasha mu buryo bw’amafaranga binatuma bivana mu bwigunge

Ati “Buriya kwishyira hamwe bituma abantu bava mu bwigunge bakagira abavanndimwe bashya bahanurana kandi bagafatanya muri buri kimwe.”

Iyi koperative Abatore yatangiye mu mwaka wa 2013, igizwe n’abagore 20 n’umukobwa 1, ibyo bakora bikaba bigurishirizwa mu Butaliyani n’abaterankunga babo babarizwa mu muryango Umugore Mwiza ONLUS.

Imwe mu mitako n’ibikoresho aba bagore bakora bakabyohereza mu Butaliyani

Aba bagore bahamya ko batagihoza abagabo babo ku nkeke babasaba kuko nabo bamazekwiteza imbere

Marie Claire Safari, utuye mu Butaliyani akaba umuyobozi w’umuryango utegamiye kuri leta witwa Umubyeyi Mwiza ONLUS


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...