AMAKURU

UKWEZI

Nyamasheke: Abahinzi barabyinira ku rukoma nyuma yo kubona imbuto nziza

Nyamasheke: Abahinzi barabyinira ku rukoma nyuma yo kubona imbuto nziza
5-06-2018 saa 19:35' | By Muhizi Olivier | Yasomwe n'abantu 1032 | Ibitekerezo

Abahinzi bahinga mu gishanga cya Butera mu murenge wa Macuba Akarere ka Nyamasheke baratangaza ko biteguye kweza umusaruro wikubye inshuro ebyiri ku bishyimbo n’ibijumba bahinganga nyuma yo guhabwa imbuto nshya

Ibi barabitangaza nyuma y’aho umushinga w’ Abanyamerika Usaid Hingaweze utangiye gukorana nabo, aho wabahaye imbuto nziza y’ibishyimbo bikungahaye kuri vitamini,ndetse n’imigozi myiza y’ibijumba byera mu gihe gito.

Umuyobozi wa Koperative y’abahinzi bagera kuri 56 ikorera mu gishanga cya Butera, Console Mukamusoni yavuze ko imbuto Hingaweze yabahaye bazitezeho umusaruro udasanzwe kuko mu mezi ane gusa batangiye gukorana nayo ngo imbuto yibishyimbo yabahaye byamaze gukura kandi neza ubu bamwe bakaba banabisarura.

Yongeye ho ko abahinzi bakorera mu matsinda bakigishwa guhinga kijyambere no gutera imbuto zikungahaye kuri Vitamini A ndetse no gutera imigozi y’ibijumba ku murongo bitandukanye cyane nuko bari basanzwe bahinga kuko wasangaga bahinga nk’ibihingwa binyuranye mu murima umwe .

Koperative ya Kohimuma, igizwe n’abanyamuryango 348, abagore 198, n’abagabo 150 bishimira uburyo umushinga Hingaweze wabafashije kuko mbere basaruraga toni 17 z’ibishyimbo ariko ubu bakaba bitegura kuzamura uwo musaruro kugeza byibura kuri toni 40 z’ibishyimbo biturutse ku mbuto bahawe yera vuba kandi ikungahaye kuri vitamine A.

Aba bahinzi kandi bavuga ko bahawe ubundi bumenyi na Hingaweze bwo gukora akarima k’igikoni kazabafasha kurya indyo yuzuye no kurwanya imirire mibi mu muryango Nyarwanda. Banavuga ko aya mahugurwa bahawe na Hingaweze barimo kuyasangiza n’abandi bahinzi bakorera mu makoreperative agiye atandukanye.

Hingaweze ni umushinga w’abanyamerika USAID ukaba uzamara imyaka itanu ukorana n’aba hinzi batandukanye. Watangiriye mu karere ka Bugesera mu mezi atandatu ashize ukaba uhugura abahinzi mu kongera umusaruro ukanabaha ibikoresho bigiye binyuranye unafasha abahinzi kuzamura icyizere mu buhinzi bw’igihugu mu guhangana n’ihindagurika ry’ibihe.

Hinga Weze itaganya ko muri 2022 izaba yarageze ku bahinzi barenga 700,000 mu turere dutandukanye tw’igihugu harimo Nyabihu, Ngororero, Nyamasheke, Karongi na Nyamagabe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...