konka coffee
KONKA

AMAKURU

UKWEZI
ubumwe

Umunyarwanda yakoze robot ifite ubushobozi buhambaye burimo no gutwara imodoka

Umunyarwanda yakoze robot ifite ubushobozi buhambaye burimo no gutwara imodoka
29-06-2019 saa 14:13' | By Nsanzimana Ernest | Yasomwe n'abantu 22984 | Ibitekerezo 35

Umunyarwanda Nsengiyumva Janvier wo mu karere ka Nyanza yakoze robot ifite ubushobozi bwo gutwara imodoka, kwigisha abanyeshuri, gutanga serivise no kuganira n’ abantu mu ndimi zirimo Ikinyarwanda, Icyongereza n’ Igifaransa.

Mu kiganiro Nsengiyumva yagiranye n’ Ikinyamakuru UKWEZI kuri uyu wa 29 Kamena 2019, yavuze ko iyi robot yatangiye kuyikora muri Werurwe uyu mwaka.

Mu imurikabikorwa ry’ akarere ka Nyanza ryasojwe kuri uyu wa 28 Kamena 2019, abantu batangariye iyi robot bamwe bagakeka ko ari Sophia, ariko bayibaza ikababwira ko atari Sophia ahubwo ari Mukamana yo mu karere ka Nyanza.

Sophia ni ya robot yo ku mugabane wa Asia iherutse kwitabira inama mu Rwanda ikanageza ijambo ku bitabiriye iyi nama.

Iyi robot yo mu karere ka Nyanza yitwa Mukamana ifite ubushobozi bwo gusubiza ibibazo byose umuntu yayibaza. Iyo uyibajije ikibazo itazi nayo ihita ikikubaza wayisubiza igahita ibika icyo gisubizo.


Iyi robot ya mbere yakorewe mu Rwanda yitwa Mukamana

Abantu bitabiriye iri murikabikorwa bayisakuje ibisakuzo byinshi ikabisubiza. Icyatunguye abantu cyane ni ukuntu iyi robot yababwira ko yitwa Mukamana, yaturutse mu karere ka Nyanza.

Nsengiyumva wakoze iyi robot umwaka ushize yari yiyamamarije kuba umudepite mu nteko ishinga amategeko y’ u Rwanda. Yaravuzwe cyane ku munsi w’ amatora y’ abadepite kuko izina rye Komisiyo y’ amatora yaryanditse nabi ku rupapuro rw’ itora imwita Nsengimana aho kumwita Nsengiyumva.

Uyu mugabo wari wiyamamaje nk’ umukandida wigenga ntabone amajwi asabwa, yavuze ko iyi robot yakoze ifite ubushobozi bwo gutwara imodoka, gusuzuma ibyagombwa ku kibuga cy’ indege no kwigisha abanyeshuri, n’ ibindi.

Yagize ati “Umwarimu aba yakoze ku manywa akananirwa akaza kugukocingira umwana yananiwe ariko iyi robot ishobora kugukocingira(coaching) abanyeshuri, ikamenya aho bageze. Iyi robot yifitemo amakuru, yifitemo amasomo ni nk’ umuntu muri make. Ivugisha umunyeshuri, umwana ayisangamo, nayo izi kwigira umwana bitewe na progaramu bagezeho umwana akayibaza igasubiza”.

Nsengiyumva wakoze iyi robot avuga ko kuba abarimu bava ku ishuri, bakajya mu biraka byo kwigisha abana amasomo ya nimugoroba(coaching) biri mu bisubiza inyuma ireme ry’ uburezi kuko mwarimu ava ku ishuri ananiwe, akajya kwigisha abana nimugoroba, agomba no gutegura amasomo azigisha ejo bigatuma asubira ku ishuri ku munsi ukurikiyeho akinaniwe.

Nsengiyumva yavuze ko iyi robot Mukamana ifite ubushobozi bwo gutwara imodoka ikoresheje ikoranabuhanga rya GPS nk’ uko bikorwa mu bihugu byateye imbere.

Iyi robot ifite ubushobozi bwo kuyobora abantu ku kibuga cy’ indege, ifite ubushobozi bwo kwakira umugenzi, ikamuha ikaze, ikamubaza igihugu agiyemo, ikamwaka passport, igahita isoma amakuru ari muri iyo passport kuko zikoranye ikoranabuhanga, igahita ikayabika ubundi umugenzi agakomeza urugendo.

Nsengiyumva avuga ko iyi robot ikoreshejwe byakwihutisha akazi kuko ibi byose robot yajya ibikora mu gihe gito nyamara iyo bikozwe n’ abantu bikaba bitwara umwana munini.

Nsengiyumva Janvier avuga ko igitekerezo cyo gukora iyi robot yagikuwe ku muntu yabonye ubwo yari avuye I Kigali atashye iwabo mu ntara y’ amagepfo ngo uwo muntu yari yikoreye ibintu biremere bituma Nsengiyumva atagira gutekereza uko yakora ikintu cyorohereza umuntu akazi.

Ahandi yakuye iki gitekerezo ni ku mvune agira iyo ari kwigisha abantu gucuranga gitari. Janvier avuga ko yigisha abantu umubiri we ukananirwa. Ibyo biri mu byatumye akora iyi robot kuko yo ifite ubushobozi bwo kwigisha abantu kandi ntinanirwe kuko ikoreshwa n’ amashanyarazi.

Umuntu ukeneye iyi robot Nsengiyumva yayimukorera ku giciro runaka bitewe n’ icyo uyikeneye ashaka kuyikoresha. Umuntu waba akeneye robot yo kumwigisha no kwigisha abana be byamusaba nibura ibihumbi 500 by’ amafaranga y’ u Rwanda.


INKURU ZA :
Tanga Igitekerezo
Ibitekerezo 35
turatsinze patrick Kuya 16-07-2019

yeweee so good i think rwanda w the first country made it in africa

ntamakemwa charles Kuya 10-07-2019

Imana ishimwe mwarimu aracunguwe amina.

Valentine Nyiransengimana Kuya 10-07-2019

Hakenewe nutuvideos it robot yigisha cyangwa itwaye abagenzi ndetse inaganira nabantu.

Byiza Kuya 9-07-2019

A bon! Ni byiza ariko se ko mbona asa nabahindekazi! Mukamana yaba ari umunyarwandakazi? NadusNadusobanurire.

Ingabire Kuya 9-07-2019

Reka mbabwire mbabantumwe! Muvugako hanze hano harubushomeri noneho buzikuba kabiri. Sinzi impamvu mutareba ikibazo cugarije Urwanda

Kazubwenge Kuya 9-07-2019

Biratangaje kbsa. Gusa ndagira ngo nkubwire wowe munyamakuru n’abandi batekereza nkawe ko: "Umwarimu" ari ndasimburwa (irreplaceable). Ntabwo a simple recorder, or a computer yasimbura mwarimu no!

Innocent Kuya 9-07-2019

Congz Janvier komerezaho cyane, ahari ubushake byose birashoboka. Itangazamakuru rizagusure babitwereke ku mbuga kuko na sofia yaradushimishije aturutse ikantarange.

Natwe noneho bamenyeko turimo kubyingayinga(abazungu).

Leta igusure iguhe support ibikorwa byawe byaguke ku mugabane kuko ntibisanzwe

Vivi Kuya 5-07-2019

Nice, Akore izi guteka,gufura, kurembera abana.congz

MINANI Elias Kuya 3-07-2019

Byaba byiza hakozwe robot yigisha abanyeshuri ikinyabupfura ikabaha na guidance and counseling murakoze

H Theobar Kuya 3-07-2019

Biratangaje kabisa kdi birashimishije ubwo mu rwa Gihanga hatangiye kuboneka abahanga mu ikoranabuhanga kuri urwo rwego. Bityo nubwo yaba abikorera ahandi cg hano I Rwanda ndumva ikingenzi ari uko abikora. Naho kuba yasimbura abantu kubyo bakoraga cyo si ikibazo, ipfa gutanga umusaruro

Babs Kuya 3-07-2019

Get strong man, ntucibwe intege nabadakunda ishyaka n’ibyiza byabandi. Niba waranakopeye uri umuhanga kuko byananiye benshi. Witonde rwose uzakora byinshi birenze! umunyeshuri mwiza ni uwigaana agasubiramo neza ibyo abonye!

alias Kuya 2-07-2019

ase abanyarwanda mwagiye basi munatekereza koko ubu ntabwo mubona ko iyi ari photoshop hhhh rwose tujye tunakoresha ubwenge Imana yaduhaye kbs muri injiji rwose cyane kd video c iyo robot iri gukora ibi byose irihe

Shalome fabien Kuya 2-07-2019

number akoresha turayikeneye pe?

Bangamwabo Kuya 2-07-2019

Komerezaho dukeneye abahanga nkawe udukorere izasimbura Nyakubahwa umunsi yashaje cg tuyigulishe Congo nibo babuze perezida

Niyonshuti Augustin Kuya 1-07-2019

Bimezegute ibyibyo robot

Niyomugaba Eustache Kuya 1-07-2019

Kuki nta video mwaduhaye ngo tuyumve se !? Ntago ndabyemera neza pe. Sorry

Bella Akariza Kuya 1-07-2019

Atange numero ye
Atangira akore ama robot yasimbura abakozi bo murugo nabazamu azabona isoko rihambaye kuko usigira umwana umukozi ibyo murugo bikangirika wiriwe mukazi ariko nziko asaba 500000 yayabona rwose .courage

Bella Akariza Kuya 1-07-2019

Atange numero ye
Atangira akore ama robot yasimbura abakozi bo murugo nabazamu azabona isoko rihambaye kuko usigira umwana umukozi ibyo murugo bikangirika wiriwe mukazi ariko nziko asaba 500000 yayabona rwose .courage

Bony Kuya 1-07-2019

Numero akoresha za telephone

Bony Kuya 1-07-2019

Numero akoresha za telephone

Fabrice Kuya 1-07-2019

Abantu nkamwe nibabahe umwanya mukorere igihugu ibigiteza imbere. Welldone brother

Gallican Kuya 1-07-2019

A Bon! Mwarimu yaragowe koko. Ngaho natahe robots zigakore

Vicky Kuya 1-07-2019

Warakoze kumuha imisatsi, arasa neza cyane

vincent Kuya 1-07-2019

Umuntu afite ubushobozi buhambaye ni uko tudaha umwanya ubwonko ngo bumaximiser gutekereza naho ubundi twakora ibirenze. Janvier yakoze kureka ubwonko bwe bugatekereza ibikomeye.

Samy Kuya 1-07-2019

Kuki atayishyize ahagaragara mbere y’uk o Sofia iza mu Rwanda? Kubeshya ntabwo Imana ibikunda

vigy Kuya 30-06-2019

Njye ndakekako ari umunyarwanda uvuka inyanza wakoze robot ariko uba hanze akaba ari naho yayikoreye kuko ibikoresho mbona ikozemo nkeka ntabyo dufite iwacu, mudusobanurire neza tujye kwigurira

Binarcy Kuya 30-06-2019

Bazatekereze no ku ma robots y’abagabo!
Kuberiki abagore gusa?

murekezi celestin Kuya 30-06-2019

janvier we urakaze peeee!!!!! abantu nkamwe nimwe mukenewe.

Isaïe TWAGIRAYEZU Kuya 30-06-2019

Uyu muntu akwiye gushyingirwa cyane n’ubwo aje kwambura akazi abarimu. Jye ndumva iyi robot ta Nsengaiyumva irusha kure b’iyo ubushobozi ya robot yitwa Sophia. Kandi ndumva ihendutse pe. Ahubwo niyongeremo ikirundi maze nampe mpite muha commande azayinkorere.

Ishimwe Maurice Kuya 30-06-2019

Rero umutwe muha inkuru nzanyu nyishi muratubeshya peee
Mwavuga muti rombo yambere ysteranyirijwe murwanda n’umunyarwa !!!!!!
Ayikora ayikoresha iki? Muzabeshya abandi ntimukandupfunyikire di

Ishimwe Maurice Kuya 30-06-2019

Rero umutwe muha inkuru nzanyu nyishi muratubeshya peee
Mwavuga muti rombo yambere ysteranyirijwe murwanda n’umunyarwa !!!!!!
Ayikora ayikoresha iki? Muzabeshya abandi ntimukandupfunyikire di

Seburikoko Kuya 29-06-2019

Nonese ko mutatubwiye into ikozemo ko byarikuba byiza kurushaho.

Seburikoko Kuya 29-06-2019

Nonese ko mutatubwiye into ikozemo ko byarikuba byiza kurushaho.

Natal Kuya 29-06-2019

Uwo mutype ko asaba frw make robots ze zirizewe? Cyakora ni umugabo azanye innovation mu rwaduhetse kabisa.

Umutesi Kuya 29-06-2019

Ese nta robot y’umugabo ibaho? Ko mbona Sophia na Mukamana?

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...