konka coffee
KONKA

AMAKURU

UKWEZI
Minijust

Umugore wa Byamungu wabuze umugabo n’abana bose yavuze amagambo yakoze benshi ku mutima

Umugore wa Byamungu wabuze umugabo n’abana bose yavuze amagambo yakoze benshi ku mutima
13-01-2019 saa 01:19' | By Nsanzimana Ernest | Yasomwe n'abantu 9424 | Ibitekerezo 5

Mukagatare Dorcus, umugore wa nyakwigendera Dr Byamungu Livingstone mu muhango wo gushyingura umugabo we n’ abana be bane mu ijwi ryuzuyemo ikiniga cyo kubura abo yakundaga yatanze ubutumwa bwakoze abantu ku mutima

Uyu mubyeyi usigaye wenyine nyuma yo gupfusha abana be bose n’ umugabo bababyaranye, yasezeye ku bo yakundaga yicaye mu kagare kuko nawe atarakira neza.

Yashimiye abantu bose bamubaye hafi muri ibi bihe bikomeye byo kubura umugabo n’abana. Mu bo yashimiye harimo Leta y’ u Rwanda. Yavuze ko ambasaderi w’ u Rwanda muri Uganda yamusuye kenshi aho yari arwariye mu bitaro i Kampala.

Umwana w’ imfura wa Dorcus witwaga Charite yitabye Imana bitunguranye tariki 8 Werurwe 2018, abandi abana bane bose bapfira rimwe na se tariki 30 Ukuboza 2018. Bivuze ko umwaka wa 2018 wasize Dorcus nta mwana n’ umwe asigaranye mu bana batanu yabyaye.

Dr Byamungu n’abana be bapfiriye mu mpanuka y’ imodoka yabereye muhanda Masaka - Mbarara mu ijoro rya tariki 30 Ukuboza 2018.

Uyu mubyeyi uri mu kigero cy’imyaka 40 , yavuze ko abantu bamwifurizaga noheli nziza, bakanamwifuza umwaka mwiza akavuga ko atawizeye.

Dorcus yavuze ko ari ubwa mbere aherekeje abantu barenze umwe bitabye Imana umunsi , uretse abishwe muri Jenoside yakorewe abatutsi.

Yavuze ko Dr Byamungu yakoze ibisabwa byose nk’ umugabo mu rugo. Aha ati “Yakunze abana aramfasha ndiga ndarangiza. Ntacyo navuga ko utakoze Uwiteka wenyine akwihere iruhuko ridashira”

Dorcus yasubiyemo amazina y’abana be yabuze, ati “Ngabo, Nziza, Manzi, Chelsea na Charite wagiye mbere bari abana bakunda gusenga bakanakunda abantu. Manzi yakundaga guceceka no gusoma ntabwo yakundaga kuzerera nahoraga mubwira ko ari umunyapolitiki mwiza. Ngabo ‘twamwitaga IT , ni we wadukoreraga ibintu byose bijyanye n’ ikoranabuhanga birimo kwishyura imisoro, yari asigaye atwigisha. Nziza yari umuhungu ukunda guceceka ibyo akora byose akagisha inama mama we. Yakundaga mama we cyane".

Dorcus yavuze ko yatunguwe no kuba Imana yarisubije abana be bose ikanisubiza na bucura we UWERA Bless Chelsea. Ngo amaze gupfusha imfura ye nibwo yabyaye Bless abahungu be n’abandi bantu bakajya bamubwira ko Bless ari igisubizo Imana yamuhaye.

Dorcus mu ijwi rigaragaza ikiniga ati: "Icyo nabifuriza ni iruhuko ridashira ku bwanjye nakifuje kuba twarajyanye tukaba turi kumwe uyu munsi ariko siko byagenze. Ariko uwiteka azi impamvu"

Mukagatare Dorcus na Dr Byamungu wigeze gukora muri BRD bashyingiranywe tariki 21 Nzeli 1999 urupfu rubatandukanya tariki 30 Ukuboza 2018.


Past. Antoine Rutayisire asabira ba nyakwigendera


Prof. Silas Lwakabamba ari mubafashe mu mugongo umuryango wa Byamungu


Murumuna wa Dorcus yavuze ko Dr Byamungu yamubereye umubyeyi mwiza


INKURU ZA :
Tanga Igitekerezo
Ibitekerezo 5
Rutaganda Amos Kuya 15-01-2019

Nta magambo uwariwe wese yabona yo gukomeza Dorcus.uretse kuvuga ngo Imana yo ishobora ibyo abantu tudashobora Imukomeze mw’ izina rya Yesu.

J. Paul Kuya 15-01-2019

Imana ibakire mubayo.

Akankwatsa George Kuya 13-01-2019

Am in a crazy state as I see five caskets of the same family members, I can’t control my tears. Imana ibaruhure neza kandi nawe Dorcus nugahangayike imana irikumwe name.

karekezi john Kuya 13-01-2019

RIP my dear friend Byamungu.Ababanye nawe twese dushenguwe n’agahinda gakomeye.Yali inshuti yanjye,twarabanye kandi twarakoranye.Yagiraga umutima mwiza cyane.Ntabwo ari ukumurata,niko bimeze.Jyewe nk’umukristu,mwifurije kuzazuka ku munsi wa nyuma Imana ikamuha ubuzima bw’iteka.Ni Yesu ubwe wabivuze muli Yohana 6:40 yuko abizera Imana kandi bakayishaka izabazura.Tujye dushaka Imana cyane tugihumeka,ntitugahere gusa muli shuguri,akazi,politike,etc…Turapfa tukabisiga.

Isidore Kuya 13-01-2019

Ntakundi, Imana yisubije intore zayo, Baruhukire mu mahoro.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...