AMAKURU

UKWEZI
cheno 2020

‘Nabyaye abana babiri ndi umupadiri i Kabgayi’- Padiri Habyarimana washatse umugore [VIDEO]

‘Nabyaye abana babiri ndi umupadiri i Kabgayi’- Padiri Habyarimana washatse umugore [VIDEO]
27-01-2020 saa 12:55' | By Nsanzimana Ernest | Yasomwe n'abantu 5422 | Ibitekerezo 3

Padiri Habyarimana Andre wabaye muri paruwasi zitandukanye zo mu Ntara y’ Amajyepfo akazi kureba umurimo wo gusoma misa ku bushake bwe akajya kwishakira umugore avuga ko umupadiri ukora ibyaha akaguma mu gipadiri asaza yicuza.

Tariki 25 Nyakanga 2000, Habyarimana Andre yahawe isakaramentu ry’ubusasaridoti, nyuma aba umupadiri muri Paruwasi gatolika ya Kinazi, Cyeza na Mushishiro. Yabaye Omoniye w’ibitaro bya Kabgayi. Muri 2009 yafashe icyemezo ava mu gipadiri ashaka umugore ubu afite abana batanu.

Amategeko ya kiliziya avuga ko iyo umuntu ahawe ubupadiri bikurikije amategeko aba padiri ubuzima bwe bwose. Niyo yabivamo akomeza kwitwa padiri.

Padiri Habyarimana yize imibare n’ubugenge mu ishuri ryisumbuye muri G.S Rambura(Gisenyi) nyuma asaba kujya kwigira kuba padiri muri seminari nkuru arabyemererwa kuko ababishinzwe bamushimye imyitwarire. Nyuma y’imyaka 9 ingingo yo kudashaka umugore yaramunaniye abivamo.

Aganira na UKWEZI yagize ati “Nakoze igipadiri imyaka igera nko ku 9 ariko nyuma imirimo w’ubupadiri numvise ntawushoboye kubera displine zimwe na zimwe nari narasezeranye ariko nasanze ntashoboye gukomeza, cyane cyane displine yo kubaho umuntu adashaka.”

Akomeza agira ati “Numvise inaniye cyane cyane ko nari maze kugira abantu babiri bambwira ko dufitanye abana babiri. Nkumva rero gukomeza kubwira abantu ngo ntibagasambane kandi nanjye nabikoze, hari n’ibimenyetso bivuga ko mfite umwana, ndavuga nti ikiza ni ukuba inyangamugayo nkabwiza abantu ukuri, nkemera inshingano”.

Padiri Habyarimana avuga ko mbere y’uko ava mu bupadiri abakirisitu bari babizi ko afite abana, ndetse ngo na Musenyeri Smaragde Mbonyintege uyobora diyosezi ya Kabgayi yabimuganirizagaho amwihanangiriza.

Umunsi umwe yagiye gusoma misa mu mibyizi, asoma ivanjiri Yezu avuga ngo ‘muharanire kunyura mu irembo rifunganye, ngo benshi bazaza imbere yanjye bavuga ngo twakikije abarwayi mu izina ryawe, twasomye misa, nzababwira nti nimumve imbere mwa nkozi z’ibibi mwe, nimugende sinigeze mbamenya’.

Padiri Habyarimana ati “Numvise arinjye Yezu abwiye. Uwo munsi mfata icyemezo, ndagenda mfata ibyanjye byose ngenda ntanabwiye musenyeri, namwandikiye message”.

Avuga ko Musenyeri yamwandikiye amusaba ko yasubira mu nshingano yari afite kuko yakoraga muri Soras, ntiyasubirayo, ubu akora muri Radiant Insurance company.

Ngo musenyeri bajya baganira akamusaba ko yagenda bakaganira akanyura mu nzira zigenwa na kiliziya zikurizwa n’umupadiri ushaka kuva muri uyu muhamagaro.

Amategeko ya Kiliziya ateganya ko uwo mupadiri yandikira Musenyeri avuga impamvu ashaka kuva mu murimo w’ubupadiri, Musenyeri akamutereraho kashe iyo baruwa ikoherezwa I Roma kwa Papa bagasuzuma niba koko akwiye kuva mu gipadiri bakazamusubiza bamwemerera cyangwa bamuhakanira.

Kugeza ubu Padiri Habyarimana amaze imyaka irenga 10 aretse gusoma misa, ntabwo arasezerana n’umugore we byemewe n’amategeko. Avuga ko akibitekerezaho kugira ngo arebe niba izi nshingano zo kwita ku muryango azishoboye.

Padiri Habyarimana avuga ko umupadiri uguma gusoma misa asambana cyangwa akora ibindi byaha nk’ubugambanyi asaza yicuza, mu gihe uwavuye mu bupadiri ashobora kubaho yishimye.

Inkuru irambuye y’amajwi n’amashusho


INKURU ZA :
Tanga Igitekerezo
Ibitekerezo 3
Havugimana Kuya 30-01-2020

Abapadiri nkabo Ni ukuri bagakwiriye kumesa kamwe Dore ko Hari nabandi benshi bameze batyo ariko banze kwerura. Ni byiza re ro kureka kuvangavanga kuko ntawuba warabibahase.

Anathalie Kuya 29-01-2020

mubyukuri ntibikwiye ko Abihayimana bakabaye abambere mugutanga ingero mbi, uwo mupadiri ni lntwari

Mutoniwase Kuya 27-01-2020

Uwomupadiri.nge.ndamushimye.yakoze.ikintu.cyukur,kuba.padiri.nibintu.bitoroshye.warangiza.ukaba.umusambanyi.ukaba.ufite.abana.rwihishwa.nokubarera.utabishoboye.padi.wakoze.ibintu.byiza.kbs,nange.ndumukiristu.gaturika.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...