konka coffee
KONKA

AMAKURU

UKWEZI
ubumwe

‘Mwarimu simvuga ngo afashwe nabi ariko ntafite ibimuhagije’ Mgr Nzakamwita

‘Mwarimu simvuga ngo afashwe nabi ariko ntafite ibimuhagije’ Mgr Nzakamwita
20-05-2019 saa 10:23' | By Nsanzimana Ernest | Yasomwe n'abantu 4237 | Ibitekerezo 6

Umushumba wa Kiliziya gatolika muri Diyosezi ya Byumba Musenyeri Sylverien Nzakamwita yavuze ko mu Rwanda mwarimu ariwe ukora cyane ariko ngo ntafite ibimuhagije.

Ubu butumwa Mgr Nzakamwita yabutanze tariki 18 Gicurasi 2019, ubwo ibigo by’ amashuri byitiriwe Mutagatifu Jean Baptiste de la Salle birimo n’ ishuri rya Byumba, byizihizaga imyaka 300 ishize de la Salle yitabye Imana.

Uyu muhango wanitabiriwe na Minisitiri w’ Intebe w’ u Rwanda Dr Edouard Ngirente , wize kuri iri shuri mu mashuri yisumbuye.

Ishuri rya TTC de la Salle ni naryo Dr Ngirente yizeho amashuri yisumbuye mu ishami ry’Imibare n’Ubugenge.

Musenyeri Nzakamwita yavuze ko iyi yubile ari umwanya mwiza Leta ikwiriye gutekereza ku mibereho ya mwarimu kugira ngo akomeze kwitangira umurimo.

Yagize ati “Nk’umushahara wa mwarimu rwose ni muto, Nyakubahwa Minisitiri w’Intebe rwose, mwarimu simvuga ngo afashwe nabi ariko ntabwo afite ibimuhagije […] kandi ni we ukora kurusha n’abandi, kuko iyo anebwe biragaragara.”

Minisitiri w’Intebe, Dr Edouard Ngirente, yavuze ko anejejwe no kwifatanya n’aba biyahayimana ndetse n’iri shuri rya TTC mu kwizihiza imyaka 300 ishize Jean Baptiste de la Salle yitabye Imana, ashima uruhare umuryango yashinze na Kiliziya Gatolika bagira mu bijyanye n’uburezi.

Yashimye uburyo abiga mu mashuri yabo bagira uburere bwiza n’uruhare mu guteza imbere igihugu ndetse bakaba bakomeje kongera umubare w’amashuri, abizeza ko impungenge bafite zizabonerwa umuti.

Ati “Nkabizeza ko ubwo bufatanye musanganywe na leta buzakomeza ariko nkavuga ko kubaka amashuri ni kimwe, ariko no kurera neza ni ikindi, icyo tukaba tukibizeyeho. Ireme ry’uburezi ni ikintu ubu dushyize imbere mu gihugu cyacu, kugira ngo abana bige ariko bige neza, bahahe ubumenyi bukwiye butuma babasha kugira uruhare mu guteza imbere igihugu cyacu.”

Yavuze ko u Rwanda rushaka kubaka ubukungu bushingiye ku bumenyi, bityo butagerwaho igihe abanyeshuri badahabwa ubumenyi ireme rikwiye.

Mu ntangiriro z’ uyu mwaka wa 2019 , Leta y’ u Rwanda yongereye 10% ku mushahara wa mwarimu. Mu minsi mike ishize Umuyobozi w’ Ikigo cy’ igihugu cy’ Uburezi REB Dr Ndayambaje Irené yavuze ko bafite gahunda yo gukomeza kongera umushahara wa mwarimu kugeza mwarimu abaye umuntu wa mbere uhembwa umushahara utubutse kurenza abandi bakozi ba Leta.

Uretse ibi kandi Leta y’ u Rwanda ivuga ko abanyeshuri biga uburezi bagiye kujya bigira ubuntu muri Kaminuza.




INKURU ZA :
Tanga Igitekerezo
Ibitekerezo 6
Harerimana dieudonne Kuya 23-05-2019

Bose bagiye bavugisha ukuri nkuyu wihaye Imana ibibazo byakemuka urakoze nubundi erega nicyo Imana yabatumye Ku Is I

Nduwayezu Dominique Kuya 22-05-2019

OK imvugo ibe ingiro

Kamaliza Theodette Kuya 22-05-2019

Mwakoze Bishop kuvugira mwarimu...Kandi Koko iyo anebwe biragaragara.

HARERIMANA Eric Kuya 22-05-2019

Niba hari umuntu wari ukwiriye guhemwa ni Mwarimu.
Ibi byigweho n’ababishinzwe, abarimu hakore ab’umwuga kandi bitanga ariko nabo bahembwe pe. Ibyo kuba agahimbaza musyi si ko mbyemera.
Murakoze.

Nkurunziza Eugène Kuya 21-05-2019

Mubyeyi wacu Bishop ndagushimiye cyane Nizereko Premier Minister nawe azagira icyo akora Mwarimu agasibanuka nawe kuko, ugereranyije usanga umwana Mwarimu y’ubushije usanga amurusha ubushobozi

Uwamahoro m josee Kuya 20-05-2019

Ndashimira musenyeri wabashije kuvuga akazi bamwarimu bakora nukuri bakora akazi gakomeye cyane pe bagakwiye kuza mubahebwa umushahara utubutse kuko bakora imirimo myiza cyane ababishinzwe nimugire icyo mubitekerezaho kuko nibo babyeyi banana bacu baza kumwanya wakabiri nyuma yacu murakoze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...