konka coffee
KONKA

AMAKURU

UKWEZI
Minijust

Muhanga: Abaturage bishyura ibishingwe bagiye guhabwa ikarita ibaranga

Muhanga: Abaturage bishyura ibishingwe bagiye guhabwa ikarita ibaranga
11-01-2019 saa 12:07' | By Nsanzimana Ernest | Yasomwe n'abantu 694 | Ibitekerezo

Imirenge ibarizwa mu mujyi wa Muhanga abatuyemo bishyura ibishingwe bagiye guhabwa amakarita abaranga mu rwego rwo guhangana n’ ikibazo cy’ umwanda.

Ni mu gihe muri zimwe muri ruhura zo mu mujyi wa Muhanga hari abitwikira ijoro bakamenamo imyanda. By’ umwihariko iki kibazo kigaragara Mukivoka hafi ya Sitade ya Muhanga.

Mu kiganiro n’ abanyamakuru kuri uyu wa 10 Mutarama 2019, Umuyobozi w’ akarere ka Muhanga Beatrice Uwamariya yavuze ko akarere ka Muhanga kasabye rwiyemezamirimo watsindiye isoko ryo gutwara ibishingwe gutanga aya makarita, kugira ngo abatishyura amafaranga y’ isuku bamenyekanye banabazwe aho bamena ibishingwe.

Yagize ati “N’ ubu urebye muri iyi salle ushobora gusangamo abantu badafitanye imikoranire na kampani itwara inyanda kandi batuye muri uyu mujyi. Iyo kampani twayisabye ngo inoze imikorere itange amakarita ku bantu bakorana nayo”

Meya Uwamariya yongeyeho ko nk’ uko umuntu watanze ubwisungane mu kwivuza Mituelle de Santé yerekanaga ikarita bamubajije niba yarishyuye ubu bwisungane ngo ni nako umuturage akwiye kugira ikarita igaragaza ko yishyura ibishingwe.

Uko Muhanga izabona ikimoteri cyayo cy’ imyanda…

Kugeza ubu Muhanga nta kimoteri ifite cyo kumenamo imyanda yifashisha icy’ akarere ka Ruhango. Iki kimoteri cy’ akarere ka Ruhango nacyo ntabwo gifite rwiyemezamirimo wo gutunganya iyi myanda kuko habuze utsindira iri soko nk’ uko byatangajwe na Meya Uwamariya.

Intego ya Leta y’ u Rwanda ni uko buri mujyi mu mijyi itandatu yunganira Kigali, harimo n’ umujyi wa Muhanga ugomba kugira ikimoteri cyawo. Ikigo cy’ igihugu gishinzwe amazi isuku n’ isukura WASAC nicyo kiri gukora inyigo y’ ibi bimoteri.

Abakoze iyi nyigo bagaragaza ko buri kimoteri kizatwara miliyari zirenga ebyizi z’ amafaranga y’ u Rwanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...