AMAKURU

UKWEZI
ubumwe

Mu mafoto reba imiterere y’ inote nshya ya 500 n’ iy’ 1000 zizasohoka mu cyumweru gitaha

Mu mafoto reba imiterere y’ inote nshya ya 500 n’ iy’ 1000 zizasohoka mu cyumweru gitaha
7-02-2019 saa 16:48' | By Nsanzimana Ernest | Yasomwe n'abantu 7017 | Ibitekerezo 2

Banki Nkuru y’u Rwanda BNR yatangaje ko inoti nshya y’ amafaranga igihumbi n’ iya magana atanu zizajya ahagaragara mu cyumweru gitaha zigasimbura ku isoko izisanzwe.

Inoti nshya ya 500 ubu ni ikigina kidatose cyane, hariho abana bakoresha mudasobwa nk’uko iyari isanzwe bimeze ariko bavuye kuri bane basanzweho, ubu hariho batatu.


Inyuma ahari inka ubu hariho ikiraro kimenyerewe muri Pariki y’Igihugu ya Nyungwe kinyura hejuru y’ishyamba kizwi nka ‘Canopy walkway’, cyashyizweho mu rwego rwo kumenyekanisha ubukerarugendo bw’u Rwanda.

Ku noti ya 1000 Frw nshya ho nta cyahindutse kinini uwayibona yagira ngo ni isanzwe, ariko hahinduwe akantu kamwe kashyizweho hagamijwe kurushaho kwimakaza umuco nyarwanda, aho ahari inuma y’icyatsi hashyizwe Intore, ifitemo ibara ry’icyatsi na zahabu. Intore iri iruhande rw’ahari inzu ndangamurage.

Ikigo cyo mu Budage kitwa G+D (Giesecke+Devrient) ni cyo cyatsindiye isoko ryo gukora inoti nshya za 500Frw na 1000 Frw nk’ uko Guverineri wa BNR John Rwangombwa yabitangarije itangazamakuru kuri uyu wa 7 Gashyantare 2019.

Banki Nkuru y’ u Rwanda yavuze ko izi noti zizajya ahagaragara mu cyumweru gitaha ariko ngo bizabanza kwemezwa n’Inama y’Abaminisitiri.


INKURU ZA :
Tanga Igitekerezo
Ibitekerezo 2
RAMADHAN Kuya 23-02-2019

NTA TANDUKANIRO

hitimana Kuya 8-02-2019

Nibyo koko,inoti ya 500 Frw ikoreshwa muli iki gihe yakorewe muli Russia,isaza vuba.Icyo nakongeraho nuko Bank Notes burya ziba zuzuyeho Bacteria nyinshi kandi z’amoko menshi kubera ko abantu bazihererekanya baba bafite imyanda mu biganza.Ikindi kandi,amafaranga aba ari mu gihugu,agomba kugendana n’ubukungu bwacyo.Bitabaye ibyo,haba icyo bita Monetary Inflation.
Ariko nk’umukristu,nagirango nibutse abantu ko dukurikije ibyo Bible ivuga,mu isi nshya dusoma muli 2 Petero 3:13,nta Monetary System izabaho.Kubera ko uzaba ufite icyo ukeneye ushaka cyose kandi abantu bazaba bakundana cyane,bahana ibintu ku buntu.Hazabamo ibintu byinshi byiza.Urugero,nkuko Yesaya 11:6-8 havuga,tuzaba dukina n’intare,inzoka,etc...Niba ushaka kuzabaho iteka muli iyo paradizo,kora kugirango ubeho,ubifatanye no gushaka Imana cyane,we kwibera mu byisi gusa,kubera ko abameze batyo,Imana ibafata nk’abanzi bayo. Ikindi Imana izaguhemba,ni kukuzura ku munsi wa nyuma.Byisomere muli Yohana 6:40.
Hagati aho,iyo upfuye uba usinziriye mu gitaka.Nta handi ujya.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...