konka coffee
KONKA

AMAKURU

UKWEZI

Mu mafoto: Abanyamahanga mu bitabiriye imurikwa ry’imideli ya ‘Made in Rwanda’

Mu mafoto: Abanyamahanga mu bitabiriye imurikwa ry’imideli ya ‘Made in Rwanda’
12-05-2018 saa 18:47' | By Akayezu Jean de Dieu | Yasomwe n'abantu 2145 | Ibitekerezo

Abanyamahanga baturutse mu bihugu bitandukanye birimo Ubuyapani, Ubushinwa, Amerika n’ibindi bya Afurika bifatanyije n’abanyarwanda mu gikorwa ngarukamwaka cyo kumurika imideli yakorewe mu Rwanda ‘Made In Rwanda’ cyari cyateguwe n’inzu y’imdeli ya ‘Igitenge Fashion House’.

Ku gicamunsi cyo kuri uyu wa Gatandatu tariki 12 Gicurasi 2018, i Kigali ahazwi nka Question Coffee niho habereye iki gikorwa cyitiriwe ‘Kigali Fashion Design Challenge 2018’ ahamurikwaga imideli yakorewe mu Rwanda ndetse igakorwa n’abanyarwanda bakora umwuga w’ubudozi.

Uburyo iyi mideli yadozwemo busa n’ubutangaje cyane ko umudozi yarebaga umunyamideli akamupima akoresheje ijisho akadoda umwenda umukwiriye kandi umubereye ibi bigakorwa mu gihe cy’amasaha 24.

Abadozi bitabiriye iki gikorwa cyo kumurika imideli bagera kuri 30 mu gihe abanyamideli bitabiriye bagera kuri 60 ndetse muri aba bose abitwaye neza barimo uwamuritse neza imideli w’umugabo n’umugore bahembwe akayabo k’amafaranga 100,000Frw.

Sunday Justin uyobora iyi ‘Igitenge Fashion House’ yavuze ko ibikorerwa mu Rwanda ‘Made In Rwanda’ bikomoka ku myenda ahanini usanga bikorwa n’amamashini kuko nta nganda zikora imyenda ziragera mu gihugu, akaba ari nayo mpamvu akomeje gushyira imbaraga mu gushaka ko abakora umwuga w’ubudozi babikora ku buryo bw’umwuga.

Sunday Justin yakomeje avuga kandi ko niba umudozi ashobora kureba umunyamideli akamupima akoresheje ijisho yarangiza akadoda umwenda umukwiriye kandi umubereye mu gihe cy’amasaha 24, ari mu rwego rwo kurwanya ya myumvire y’abazi ko abakora uyu mwuga barangwa no kubeshya abakiriya babo.

Iki gikorwa cyitiriwe Kigali Fashion Design Challenge, kibaye ku nshuro ya mbere hano mu Rwanda aho cyabereye mu Mujyi wa Kigali, gusa abafite mu nshingano kugitegura bahamya ko kizajya kiba kabiri mu mwaka ndetse bakaba bateganya kujya bagera no hanze ya Kigali bagahura n’abahanga mu kudoda hirya no hino mu Rwanda. Uwo hagati niwe wadodeye aba banyamideli Abari bagize akanama nkemurampaka barimo na Ange Soubirous Tambineza Abanyamahanga bari babukereye baje kumurika imideli ikorerwa mu Rwanda, Aba nabo badodewe n’abadozi ba hano mu Rwanda Uyu nawe yabitangiye akiri muto ngo yifuza kuzavamo umunyamideli mpuzamahanga Abanyamideli b’ejo hazaza nabo bahawe umwanya barigaragaza Sunday Justin, Umuyobozi w’iyi nzu y’imdeli ya ’Igitenge Fashion House’ ari nayo yateguye iki gikorwa cyo kumurika imideli cyanabereyemo amarushanwa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...