konka coffee
KONKA

AMAKURU

UKWEZI

Minisiteri y’Ubuhinzi n’Ubworozi yijeje abahinzi amasoko mu gihe bagize umusaruro mwiza

Minisiteri y’Ubuhinzi n’Ubworozi yijeje abahinzi amasoko mu gihe bagize umusaruro mwiza
31-10-2018 saa 16:23' | By Jean Claude Habimana | Yasomwe n'abantu 651 | Ibitekerezo 3

Abakora umurimo w’ubuhinzi bagaragaza ko bahangayikishijwe no kubona amasoko bagurishirizamo umusaruro baba bejeje, kugeza ubwo bimwe mu byo basarura biborera mu rugo.

Ibi byagarutsweho kuri uyu wa 31 Ukwakira 2018 ubwo bamwe mu bibumbiye muri Cooperative y’Abahinzi n’Aborozi, Imbaraga, bahuraga na Ministeri y’Ubuhinzi n’Ubworozi.

Mudakikwa Modeste, umuhinzi wo mu Karere ka Kayonza, avuga ko akenshi amategeko aturuka hejuru akaza abwira umuhinzi icyo guhinga, nyamara ngo nta majwi y’abahinzi azamuka ngo agera ku bantu bafata ibyemezo nka Ministeri y’Ubuhinzi n’Ubworozi.

Yagize ati “Ubu muri iki gihe dufite ikibazo cyo kugira umusaruro uhagije ukaborera mu mirima, nyamara ikibazo ari uko nta masoko dufite.”

Hashize iminsi mike abahinzi bo mu Karere ka Nyamagabe na Nyaruguru bavuga ko bahangayikishijwe no kutabona isoko ry’umusaruro wabo w’Ingano, nyuma y’uko uruganda rwabafashaga rufunze imiryango.

Gafaranga Joseph, Umunyamabanga Mukuru w’umuryango Imbaraga, avuga ko nubwo bigoranye gutandukanya umuhinzi n’abamamyi, bahigiye kurushaho guhinga byinshi ku buso butoya kandi bifite ubuziranenge buhura n’icyo amasoko ashaka.

Yagize ati “Iyo tubonye kawunga ituruka mu gihugu cya Uganda yuzura amasoko yo mu Rwanda, nyamara iyakorewe imbere mu gihugu ukayisanga ahantu hake hashoboka, ibi biratubabaza. Ibikorewe mu Rwanda bivugwa ko nta buziranenge bifite.”

Garafaranga akomeza avuga ko ubu mu Rwanda hari gahunda nziza yo guhuza ubutaka hagahingwa umuceri, ingano, amasaka, ibishyimbo, ibijumba, amashyaza n’ibirayi.

Ati “Turifuza nkatwe Abahinzi n’Aborozi kunoza ibyo dukora, ariko nanone Ministeri y’Ubucuruzi n’Inganda ifatanyije n’izi Ministeri tukabona aho dushyira umusaruro wacu kuko hari igihe duhombywa no kubura amasoko.”

Ubwo hagaragazwaga umushinga mushya wishwe Ijwi ry’Umuhinzi n’Umworozi, hemejwe ko abahinzi n’aborozi bagiye guhabwa umwanya uhagije mu gutanga ibitekerezo byabo, kwihitiramo igihingwa kiberanye n’ubutaka bwabo ndetse no kugena igiciro cy’umusaruro biciye mu ‘Ijwi ry’Umuhinzi’.

Umuyobozi Mukuru w’Umuryango w’Abahinzi n’Aborizi mu Rwanda ‘Imbaraga’, Jean Paul Munyakazi, avuga ko icyatumye bahitamo tumwe mu turere tuzakorerwamo uyu mushinga ari ubushakashatsi bwa WFP bwagaragaye ko hari uturere dufite ubukene bukabije n’imirire mibi mu miryango.

Dr. Charles Murekezi ,ushinzwe kongera umusaruro muri Ministeri y’Ubuhinzi n’Ubworozi avuga ko igihe cyose umuhinzi asaruye umusaruro mwiza ufite ubuziranenge tabura isoko.

Uyu mushinga ugiye kwibanda ku bibazo by’Abahinzi n’Abaorozi mu Rwanda, biciye mu mu makoperative yabo, aho uyu mushinga uzamara imyaka itatu.

Dr. Charles Murekezi ushinzwe kongera umusaruro muri Minisiteri y’ubuhinzi na Jean Paul Munyakazi uyobora urugaga rw’abahinzi, Imbaraga


INKURU ZA :
Tanga Igitekerezo
Ibitekerezo 3
-xxxx- Kuya 13-11-2018

ndabashimiye ku makuru mutangaza....gusa mujye mwitondera ibyo mwandika...muri iyi nkuru harimo point zitarizo rwose, iyi nama narinyirimo nanjye
koperative imbaraga???!!!!
umushinga ntuzakorana na za koperativa ahubwo na District Farmers Networks CSOs zikorana n’ubuhinzi muri utu turere 7...mbuz icyo mvuga n icyo ndeka ...ndumiwe gusa, na title, intro ntibihura na body...typing error

jo Kuya 31-10-2018

Mukosore Title y’ inkiru

Izaby Kuya 31-10-2018

Muge mwitonda munyandikire iyo minisiteri ntibaho.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...