AMAKURU

UKWEZI
Canal+ christmax

Min. Biruta yayoboye inama ya ba Minisitiri muri EAC ibanziriza iy’abakuru b’Ibihugu

Min. Biruta yayoboye inama ya ba Minisitiri muri EAC ibanziriza iy’abakuru b’Ibihugu
26-02-2021 saa 10:32' | By Martin Niyonkuru | Yasomwe n'abantu 618 | Ibitekerezo

Minisitiri w’Ububanyi n’Amahanga n’Ubutwererane, Dr Vincent Biruta yayoboye Inama ya ba Minisitiri bo mu Muryango wa Africa y’Iburasirazuba (EAC) ibanziriza iy’Abakuru b’Ibihugu iteganyijwe mu mpera z’iki cyumweru.

Iyi nama yabaye kuri uyu wa Kane tariki 25 Gashyantare hifashishijwe ikoranabuhanga yanitabiriwe n’Umunyamabanga wa Leta muri Minisiteri y’Ububanyi n’Amahanga, Ushinzwe Umuryango wa Afurika y’Iburasirazuba, Prof Nshuti Manasseh.

Yateguye iy’abakuru b’Ibihugu bya EAC ya 21 izaba kuri kuri uyu wa Gatandatu tariki 27 Gashyantare 2021 na yo izaba hakoreshejwe uburyo bw’ikoranabuhanga.

Ingingo ikomeye izagarukwaho mu nama y’abakuru b’ibihugu, ni amatora y’Umunyamabanga Mukuru wa EAC nyuma y’uko Umurundi Liberat Mfumukeko asoje manda ye.

Iyi nama kandi ibaye mu gihe isi ndetse n’ibihugu byo muri uyu muryango byugarijwe n’icyorezo cya COVID-19 cyagabanyije imigenderanire n’ubuhahirane bw’ibihugu.

Iyi nama ya 21 y’abakuru b’Ibihugu bigize EAC, yagiye isubikwa dore ko yagombaga kuba mu mpera za 2019 ariko ikaza kwimurirwa muri Gashyantare umwaka ushize wa 2020 na bwo ntiyaba.

Igiye kuba kandi mu gihe mu karere hakivugwa ibibazo by’umutekano mucye ndetse n’ibibazo biri hagati y’ibihugu bigize uyu muryango.

UKWEZI.RW


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA