konka coffee
KONKA

AMAKURU

UKWEZI
Minijust

‘Methodologie’ ikoreshwa mu kwigisha urubyiruko amateka ya Jenoside ngo ikwiye guhinduka

‘Methodologie’ ikoreshwa mu kwigisha urubyiruko amateka ya Jenoside ngo ikwiye guhinduka
12-04-2019 saa 21:26' | By Nsanzimana Ernest | Yasomwe n'abantu 877 | Ibitekerezo

Abakuze n’ abakiri bato basanga uburyo Leta y’ u Rwanda ikoreshwa mu kwigisha abasore n’ inkumi amateka ya Jenoside yakorewe abatutsi bukwiye guhinduka kuko babona budatanga umusaruro.

Ni mu gihe hashize iminsi 5 Abanyarwanda batangiye kwibuka ku nshuro ya 25 Jenoside yakorewe abatutsi. Mbere y’ uko ibikorwa byo kwibuka bitangira Komisiyo y’ igihugu yo kurwanya Jenoside yatangaje ko mu kwibuka ku nshuro 25 Jenoside yakorewe abatutsi urubyiruko ruzibandwaho rugasobanurirwa amateka y’ iyi Jenoside.

Perezida wa Ibuka mu karere ka Huye Theodat Siboyintore yabwiye UKWEZI ko kugira ngo urubyiruko rusobanukirwe amateka ya jenoside bisaba ko rwajya rutegurirwa gahunda yihariye kuko iyo rwitabiriye ibiganiro byo kwibuka rurambirwa rukigendera.

Perezida wa Ibuka mu karere ka Huye asaba ko ubutaha urubyiruko rwajya rutegurirwa umwanya wihariye wo kurwigisha amateka nabyo bigakorwa mu buryo bw’ umwihariko

Yagize ati “Urubyiruko rurarangaye, urubyiruko rurambirwa vuba. Bakwiye kujya barutegurira gahunda y’ umwihariko”

Siboyintore avuga ko kwigisha urubyiruko amateka ya Jenoside byajya binyuzwa mu mikino urubyiruko rukunda.

Uwimana Venantie w’ imyaka 26 yadutangarije ko asanga uburyo bukoreshwa mu kwigisha urubyiruko amateka ya Jenoside bukwiye guhinduka.

Yagize ati “Urubyiruko turambirwa vuba. Gutegereza amasaha 5 cyangwa 6 turarambirwa tukigendera cyangwa tukarangarira mu matelefone”


Uwimana Venantie nawe asanga uburyo abasore n’ inkumi bigishwa amateka ya Jenoside bigomba guhinduka

Venantie avuga ko hari inzira nyinshi zakoreshwa kugira ngo urubyiruko rwigishwe amateka. Ati “Urubyiruko tuba dushaka kwitegereza cyane, kutwigisha amateka byanyuzwa ku mbuga nkoranya mbaga kuko urubyiruko tumaraho amasaha menshi, muri filime n’ imikino ibara inkuru z’ amateka”.


Mu biganiro byo kwibuka Jenoside yakorewe abatutsi hari ubwo urubyiruko rurambirwa ibiganiro bikomeje, rimwe na rimwe intebe zigasigaramo mbarwa

Mu Rwanda abasore n’ inkumi bari munsi y’ imyaka 30 barenga 60% bivuze ko nibura abagera kuri miliyoni 6 z’ Abanyarwanda ari urubyiruko rwiganjemo abavutse nyuma ya Jenoside yakorewe abatutsi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...