konka coffee
KONKA

AMAKURU

UKWEZI
ubumwe

Menya imvano y’ ihame rivuga ko igipesu cyo hasi ku ikote kidafungwa

Menya imvano y’ ihame rivuga ko igipesu cyo hasi ku ikote kidafungwa
11-07-2019 saa 22:31' | By Nsanzimana Ernest | Yasomwe n'abantu 2465 | Ibitekerezo

Abantu hafi ya bose ku Isi by’ umwihariko abagabo bazi ko igipesu cyo hepfo ku ikote kidafungwa, abenshi bazi ko iki gipesu kitagomba gufungwa, babizi nk’ ihame ariko ntabwo bazi aho byakomotse.

Umuntu wambaye ikote rifite ibifungo bibiri akabifunga byose abantu baramuseka, abamwisanzuyeho barabimubwira ariko hari abamunyuzamo ijisho ntibabimubwire.

Uyu muco cyangwa iri hame ryo kudafunga igipesu cya kabiri cyangwa icya gatatu ku ikote uturutse hejuru wadutse mu 1900.

Icyo gihe Ubwami bw’ Ubwongereza bwategekwaga n’ Umwami witwa King Edward VII. Uwo mwami yari abyibushye inda ku buryo atashoboraga gufunga igifungo cyo hepfo ku ikote rye.

Ikinyamakuru Artofmanliness kivuga ko mu rwego rwo kwirinda gutuka Umwami abamugendaga iruhande nabo bahisemo kujya bafungura igipesu cyo hasi igihe bambaye amakote.

Kuko muri iyo myaka Ubwongereza bwari cyo gihugu cy’ igihangange mu Isi uwo muco waje gukwira mu Isi yose kugeza ubwo uyu munsi umuntu wambaye ikote agafunga ibifungo byose bamwita udasobanutse.

Nubwo byatangiriye kuri King Edward VII uyu munsi byahindutse itegeko rigenga imyambarire y’ ikote.

Itegeko rigenga ikote rifite igifungo kimwe rivuga ko igihe umuntu uryambaye ahagaze cyangwa ari kugenda icyo gipesu kigomba kuba gifunze ariko yajya kwicara akagifungura akogera kugifunga ari uko ahagurutse.

Ku ikote rifite ibifungo bitatu, uryambaye aba afite amahitamo. Ashobora gufunga igipesu cyo hejuru gusa akareka bibiri bifunguye, cyangwa agafunga bibiri byo hejuru agafungura icyo hasi kimwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...