konka coffee
KONKA

AMAKURU

UKWEZI
Minijust

Kigali: Ushinzwe iperereza kuri ruswa akurikiranyweho ruswa

Kigali: Ushinzwe iperereza kuri ruswa akurikiranyweho ruswa
14-03-2019 saa 08:43' | By Nsanzimana Ernest | Yasomwe n'abantu 2932 | Ibitekerezo

Umukozi w’ Urwego rw’ Umuvunyi rushinzwe kurwanya ruswa n’ akarengane, ukora mu gashami gakora iperereza kuri ruswa akurikiranyweho icyaha cya ruswa bikekwa ko cyakozwe mu myaka 8 ishize.

Muri Nyakanga umwaka ushize wa 2018, nibwo Theoneste Komeza yarahiriye inshingano zo kuba “Investigator in Special on Corruption Unit”. Umuvugizi w’ uru rwego Jean Pierre Nkurunziza yatangaje ko nyuma baje kumenya amakuru avuga ko Komeza yakiriye ruswa muri 2011 ubwo yari akiri muri polisi.

Uru rwego rutangaza rutari rwarigeze rumenya ayo makuru mbere yo kumuha izo nshingano, ndetse ngo nta n’ ubwo rwari rwarigeze rumenya ko Komeza yahoze ari umupolisi.

Nkurunziza ati “Amakuru ni uko iyi ruswa yaba yarayakiriye akiri umupolisi, ariko biza guhurirana n’uko twebwe tutigeze tumenya ko yabaye umupolisi, muri CV ye nta byari birimo. Urumva rero icyo gihe twatangiye iperereza kugira ngo tubimenye."

Avuga kandi ko “Urwego rw’Umuvunyi rushinzwe kurwanya ruswa n’Akarengane, ntirwabona amakuru nk’ayo ngo ruyihorere n’ubwo ari umukozi warwo.”

Umuvugizi w’Ubushinjacyaha Faustin Nkusi yabwiye Umuseke ko Dosiye y’uyu mukozi w’Umuvunyi bayishyikirijwe tariki 11 Werurwe 2019, akurikiranyweho kwakira ruswa. Ngo azaregerwa urukiko mu minsi itanu uhereye igihe dosiye yashyikirijwe Ubushinjacyaha.

Itegeko rya mbere ryahanaga icyaha rya ruswa ryateganyaga ko gisaza mu myaka 10, ariko mu itegeko ryasohotse mu mwaka ushize, ruswa yagizwe icyaha kidasaza. Icyaha cya ruswa gihanishwa igifungo kiri hagati y’imyaka irindi n’icumi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...