konka coffee
KONKA

AMAKURU

UKWEZI
ubumwe

Kigali: Pasiteri yafashe mu mashati komanda wa polisi atabwa muri yombi

Kigali: Pasiteri yafashe mu mashati komanda wa polisi atabwa muri yombi
25-03-2019 saa 09:19' | By Nsanzimana Ernest | Yasomwe n'abantu 4713 | Ibitekerezo 3

Umushumba w’ Itorero Amazing Grace, Patrick Rwayitare yatawe muri yombi na polisi y’ u Rwanda nyuma yo kuyirwanya ubwo yashakaga kongera gufunga uru rusengero rwari rwarafunzwe ba nyirarwo bakarufungura rutaruzuza ibisabwa.

Uru rusengero rwa Kibilizi rwari rwafungiwe kutuzuza ibiswa birimo uburyo butuma rudashora amajwi ngo rusakurize abaruturiye, kutagira parikingi z’ imodoka z’abaza kurusengeramo, imirasane idahagije n’ubusitani butajyanye n’ibisabwa insengero.

Kuri iki Cyumweru tariki 24 Werurwe 2019 nibwo ubuyobozi bw’ umurenge wa Kanombe na polisi bagiye gukora igenzura ngo barebe niba insengero zafunguwe zarujuje ibyo zasabwe.

Chief Inspector of Police Marie Goretti Umutesi, Umuvugizi wa Police mu mujyi wa Kigali yatangaje ko pasiteri Patrick Rwayitare yafashe mu mashati komanda (Commandant) wa Polisi wari waje muri kiriya gikorwa biba ngombwa ko bamwambika amapingu.

Yagize ati “Biragayitse kuba umushumba w’itorero yanga kumvira ibyo Police imusaba ku nyungu ze ahubwo agashaka kuyirwanya”.

Amakuru y’ uko izi nsengero zirimo urwa Pasiteri Rwayitare n’ urusengero rw’ itorero ryitwa Ishyanga Ryera zongeye gukora zitaruzuza ibisabwa yatanzwe n’abaturage. Ishyanga Ryera abayobozi barwo bemereye ubuyobozi ko batazongera kurufungura bataruzuza ibisabwa.

Pasiteri Rwayitare Patrick afungiye kuri Station Police ya Kanombe akazakorerwa idosiye kugirango akurikiranyweho icyaha cyo kurwanya inzego z’umutekano ziri mu kazi kazo.


INKURU ZA :
Tanga Igitekerezo
Ibitekerezo 3
BC Kuya 26-03-2019

ubwo se pasiteri ari mubiki koko?Imana iba hose NIBA ATABASHA KUZUZA IBISABWA NAGE MUNZUYE ASENGE NUMURYANGO WE ABWIRE NABANDI BABIKORE BATYO IWABO ,NINZARA EREGA IBAKORESHA

jesus Kuya 25-03-2019

hhhhhhh paster inzara yenda kumwica ntakibona amaturo

Kankazi Kuya 25-03-2019

Heheeee!!!!Pasiteri yabuze icyacumi n’amaturo!!!Abo rero ni bamwe Yesu Yavuze ko bakorera inda zabo!!Yaba akorera IMANA ntiyumvire ubuyobozi?????Ese gusengera mu gkajagari no mu nsengero zidakwiriye nibyo IMANA yabatumwe???Vive polisi y’urwanda !!Bravo ku baturage babaye smart

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...